لاتنسون تصويت + كلام ما بين الفقرات 📜🕯️
روانا : هديت ايده و باوعتله اريد تحجيلي ليش سويت هيج
دحام : لزمتها من كتفها و كتلها تعاي اخذتها يم الجربايه و أشرت ع المكان الي دفعتها بي و كلتلها راح انتظر الايام حتى اعاقبج , تذكرتي شصار اهنا؟
روانا : درت وجهي اله بصدمه ، و انته جنت تخطط؟؟! ، و لعلمك شما تعاقبني ما راح اسمع كلمتك
دحام : نشوف شلون ما تسمعين كلمتي وانتي ع ذمتي
- عفته و طلعت من الغرفه جانو عمي و عمتي كاعدين صحت عمه شوفي ابنج شسوه جذب عليه اني بعدني عذراء
زهره : شنوو؟ جا و حجي الدكتوره؟
روانا : كله جذب اذا ما تصدكون سئلو دحام ، راحت عمتي صعدت لدحام
زهره : تعال يمه صدك هاذه الحجي؟
دحام : ها حبيبه يا حجي
زهره : روانا بعدها بنيه ، صدك يعني؟ جا ليش تزوجتها و ليش الدكتوره جذبت لازم تتعاقب ع هاذه الغلط هيه دكتوره مايصير السوته
دحام : حجيه هيه الدكتوره بنفسها بشرتني و كالت روانا عذراء بس اني تفقت وياها و دفعتلها مبلغ علمود تكول مفتوحه هيه ما عارضت اخذتهم و سنونها كلهن طالعات من الفرحه
زهره : ليش ييمه ليش هيج سويت ليش تزوجتها
دحام : ليش و شبيها روانا حتى ما اتزوجها بيها شي ناقص من النسوان؟
زهره : راح اتعبك لسانها أطول منك ومني
دحام : اموت ع لسانها و بعدين حجيه لا تضلين خايفه و ضايجه تزوجنه و صارت مرتي و كافي
زهره : بس يمه مو جنها ناعمه عليك و مابيها لحمه انته وين وهيه وين والله اليشوفها يفكرها بتك و خطيه من تنام وياها صعبه ييمه طلكها و أخذلك وحده زينه جبيره
دحام : اني شكلت؟ مو كلت كافي؟
زهره : هاهيه هاهيه ، عفته و طلعت من الغرفه
روانا : كاعده بالمطبخ ع كرسي و اتريك
- طب دحام انتجه ع كاونتر و كال سويلي ريوك
- عندك ام و اخت شعليه بيك اني؟
- جنج نسيتي انتي مرتي و هاذه واجبج
- كمت و كلت اهووو كلساع و كال واجبج راح اسويلك سم و زقنبوت و انشالله تزهرم بي و تختنك و تترجه بيه و تطلب مني بس كلاص ماي حتى ترتاح بس ما انطيك و اضل اباوعلك و اضحك عليك
- يله يله بلا لغوة زعاطيط امشي و حضري الريوك
- صبيت جاي و سويتله لفة جبن انطيت بيده و مشيت
ماحسيت غير الكلاص نشمر كدامي و تكسر
- شفتيني طفل بالروضه حتى هيج تنطيني الاكل
