فرحت هواي ابتسمت وكلت صدك؟
- اي صدك يروح ابوج
- تقربت يمه و حضنته هوه جمد لا شبكني ولا شي بتعدت لوره وحسيت ع روحي فركت كصتي و شفته صافن بوجهي و مصدوم كلت بتوتر ، اااء تدري الفستان الي انته جبته كلش حلو و عجبني؟؟!
- كال شو رجعي حضنيني؟؟
- خفت و توترت كلت نعسانه اريد انام
- هز راسه وكال :- تمام نامي
- نمت و هوه اخذ ايدي باسها وكام طفه الاضويه وتمدد ع تخم كمت و كلت اذا تريد تعال نام يمي
- كام بدون كلام تمدد بصفي بتعدت عنه وصار بنص مسافه
همس بصوت ناصي عاجبني يصير عندي بنيه !
همست ليش؟؟
- اريدها تشبهج اريد تجيبيلي بنات هواي وكلهن يشبهنج اريد خلفتج كلهن بنات
روانا : تره لا عبالك بعد راح اجيبلك جهال؟؟!
دحام : والله اله احبلج وره هاذه الطفل وتذكري كلامي
روانا : كوم من جربايتي
- ضحك و كال منين جبتيها جربايتج
- كافي دحام اسكت اريد انام
- ابوسهن عيونج الي نعسن من السهر نامي يبعد ابوج
ثاني يوم جنت محضره روحي وطلعنه اني و دحام و عمتي للأسواق اشترالي كلشي أريده و رجعنه للبيت نزلت قبل عمتي ودحام ضلو بسياره طبيت للبيت و شفت الصدمه
النار تلتهم البيت اسمع صراخ انفال جانت بوسط النار شفتها شلون تحترك بالنار تلوب لوب وتصرخ مشهد مخيف تقشعر كل جلد جسمي همست بصوت خافت انفال حبيبتي وكعن دموعي ع خدي درت وجهي صفح واشوف سجاد كاعد بالكاع ويمه برميل صغير مال نفط جان يضحك بشكل مخيف حسيته مخبل صرخت بصوت عالي دحاااااااااام دحااااام طلعت من البيت اركض بدون وعي صرخت بابه دحام بااابه
دخل دحام يركض للبيت ويحاول يطفي بالنار عمتي انتهت تخبلت تخرمش بوجها وتصيح وتلطم ع صدرها شفت دحام نام ع سجاد ويضرب بي الكاع
احس روحي جاي تطلع هاذه حلم اكيد اختي انفال؟ صوت صياحها بذاني اتخيل شلون النار اكل جسدها وكعت بالكاع واني احس نفسي جاي ينقطع وعيوني تنسد ع بطئ ضليت اردد بداخلي حلم حلم حلم هاذه هسه راح اكعد اكيد حلم لا تخافين وراها ما ادري شصار
دحام : وكفت على سجاد نزعت الحزام و ضربت الهوه
نطق بخوف ، ما جنت بوعي ما جنت والحسين دحام اني ابن عمك الله يخليك
نزلت عليه ضرب واني اهينه و اغلط .. يا كلب يا حقير شلون كدرت تسوي بيها هيج وهيه بت عمك كلييييي شلووووون احس ما رتاحيت من الضرب مال الحزام ، نزلت عليه دفر برجليه بكل مكان بجسمه صار عباره عن دم و الكاع تفيض بالدم سحبت سلاحي ضربت طلقه بيده و كلت هاي لان اتحرشت بمرتي ضربت طلقه ع ايده الثانيه و كلت هاي لان حركت اختي وجهت السلاح لصدره و على قلبه تحديداً وكلت وهاي الطلقه اريد اخذ روحك بيها
