.. منو لازم حلكج ما تصيحين؟
.. صرخت بصوت عالي عميييييي انفاااااالللل عممممتتتتيييي
.. دفعني ع حايط وحط ايده ع حلكي ، هسسسسس صدك انتي مخبله خزيتينه منا عالم شيكولون علينه
... خزرته بعيوني وعضيت ايده ، وخرها وهوه يتوجع
... ااخ لج جلبه شبيج تعضين
... سمعت صوت عمتي وهيه تكح و طكطك بالصحون
... دفعته من صدره وركضت للمطبخ ، جانت واكفه و تحضر بالريوك
زهره : صباح الخير يحلوه
روانا : حجيت واني الهث صب.. صبا.. صباح
زهره : يا خيرج يعمه شبيج تلهثين شربي ماي
روانا : لا لا مابيه شي وادير وجهي للباب خاف يطب للمطبخ
رحت للغرفه سبحت و بدلت لبست شورت قصير لونه اصفر و بدي ابيض منقش بالفراشات ، مشطت شعري و عفته محلول ، لزمت موبايلي ولبست الهيتفون وشغلت اغنيه طلعت من الغرفه انزل بالدرجات واباوع بالموبايل
.. جريت الكرسي وكعدت اكل و اباوع بالموبايل ، ماحس اله انفال تضرب ع ايدي وخرت الهيتفونات ، وشفت الكل يباوعلي
صرخ بوجهي عمي رواااناااا ، باوعتله وخفت من شكله اول مره اشوفه هلكد معصب
روانا : ها ها
موسى : شنو هاذه السويتي مو حرام نعمت الله تاكلين بيها وحاطه هذني القنادر بذانج و هاذه لبسج بعد ماريد اشوفج بي
روانا : بس عمي ماسويت شي غلط
موسى : والج عين تحجين كولي بسمالله كولي الحمدالله تاكلين وتسمعين اغاني مو حرام حتى الله ما يقبلها
روانا : اسفه عمو بعد ما اعيدها ، طفيت الموبايل و حطيته ع صفحه ، باوعت ع دحام منتجي لوره ع كرسي و شابك ايده و يستمع للكلام
.. رجعو ياكلون ، بس اني احس نقهرت وفشلني كلش كدام الكل و العبره كوه بالعتها ، حجيت والبحه بصوتي بالعافيه اني شبعت
زهره : وين يعمه بعدج كلشي ما اكلتي
روانا : لا والله شبعت اصلن ما اشتهي
زهره : بكيفج يعمه
روانا : عفتهم و صعدت للغرفه كعدت ع جربايه و دموعي كامت تنزل وحده وره الثانيه ، وينك بابه ليش عفتني اهنا كل يوم يكسرون كلبي و يقهروني اعرف انته ماتحبني مليت من عندي حتى مامه عافتني واني طفله منو الي ، ليش خلفتوني و رحتو
.. امسح بدموعي وترجع تنزل
زهره : خطيه كسرت بخاطرها
موسى : تدرين ماعرف اخوي وين جان عنها وعن تربيتها
