بسرعه رحت طلعت ملابس من الجنطه ورجعت للحمام حطيت ايدي ع كلبي و كلت اهدء اهدء
لبست و طلعت باوعلي كال جاهزه حتى نطلع؟
- ااء وين و ذني ملابسي مال بيت
- جا روحي غيريهن
رحت غيرتهم و رجعت اخذ ايدي لزمها و طلعنهاخذني لمكان هادء ويمه جبال جان اكو بالكاع فراش و صينيه بيها ريوك كعدنه ثنينه كلت بتسائل احنه وين؟
- باربيل
- دنكت و صافنه ع الاكل ماكو شي ناقص شال ترمز الجاي و صبلي بالاستكان سوه لفة كيمر و عسل كال افتح حلكك
- فتحت حلكي و كلني و نزل العسل ع شفايفي مصيت شفتي
- صاح بتوتر ، روانا كافي
- نطقت بخوف ، شبيك تريد لفه؟
- همس بلسان خدران و عيونه ع شفايفي ، لو تدرين شريد !
- فهمت قصده ، حيل خجلت و توترت
- سوه لفه لخ بس بالجبن و العسل باوعلي و كال اعرف تحبيها
- تذكرت من جنه ناكلها اني و انفال ، نزلن دموعي
- ها ها بويه شكو شصار ليش هلبجي؟
- انفااال !
- يا روح ابوج ، شبكني وخله راسي ع صدره :- يله كافي جايبج حتى اونسج و افرحج مو ابجيج
- وخرت عنه و كلت و انته ليش ما جاي تاكل؟
- اني مو مهم ، المهم مرتي و ابني
- سويتله لفه و كلت افتح حلكك ، فتح حلكه اجيت اوكله ع كيف شو هاذه اكل الفه كلها بحلكه
- أكلها و كال ااااخ مثل هيج لفه ما ماكل
- اي لان من ايدي
- اي طبعاً
- ابتسمت و ضلينه كاعدين و الجو بي بروده كال تمددي لا تضلين كاعده تعاي حطي راسج ع رجليه تمددت وخليت راسي ع رجليه و المكان فارغ مابي بس اني ويا
يلعب بشعري و اني اناظر بالسمه
- وره دقايق كال كومي بويه خلي افررج
- كمت ويا مشينه بدون السياره دخلنه لسوك مفتوح بالكاع بسطيات شفت شفقه شمسيه صيفيه عجبتني كلت لدحام عليها اشترها الي وخلاها ع راسي و ايده مجلبه بيدي ومن نوصل يم ازدحامات وناس هواي يلف ايده ع كتفي ويجرني لحضنه حيل خوفاً احد يطخني
شفت الجهال بيدهم موطه ، شتهيتها
- دحاام موطه اريييد
- صار
- اشترالي موطه لزمتها طلعت لساني وامص بالموطه باوعلي صفح وكال ولج فشلتينه مو بشارع
- ليش شكو؟