احلام : الي تزوجتها شنو عدها يفرق عن العندي كلي عليك العباس والله اغيره الك
دحام : عدها شرف عدها كرامه عدها اخلاق عدها كل الأشياء الحلوه الجنت مفتقدهن بهوايه نسوان واولهن انتي و لو تحاولين منا للصبح ما راح توصلين لاضفر رجليها كلشي بيها يسواج
احلام : تدري اني تزوجتك هاذه الزواج لان ماعندي فلوس
دحام : هوه كل يوم انطيج فلوسج بعد شكو لاحكتني عليج بواجبج ولا تفكرين تصيرين مرتي
روانا : معقوله متزوج ما جاي اصدك هاذه حلم اكيد اصحي روانا اصحي شجاي يصير يعني اني متزوجه واحد متزوج لا ياربي اني شسويت حتى يصير وياي هيج ليش حياتي تمشي بالعكس ليش ما تمشي وياي عدل اطلع من سالفه و اطب بسالفه يا خالق الروح ان الروح متعبه ، تنهدت و كعدت بالكاع
دحام : رجعت لروانا طبيت جانت كاعده بالكاع و صافنه كعدت بصفها همست روانا بنيتي
روانا : فزيت وباوعتله ، ليش دحام ليش جذبت عليه ليش طلعت متزوج فوك القهر يعني
دحام : زواج متعه و راح يخلص الشهر و اطلكها وكلمن بطريق
روانا : اكرهك الله ياخذني لان تزوجتك الله ياخذك والله العظيم ما اضل وياك واذا ما تقبل نطلك اكتل روحي واخلص من هاي الدنيه العذبتني هواي و على شنو ما ادري شنو من ذنب ارتكبته حتى الله يعاقبني هيج
دحام : كومي خلي نرجع للبيت
روانا : ما اريد خليني اهنا اموت
دحام : دنكت عليها و شلتها وهيه ترفس برجليه و تصيح عوفني نزللللنيييي اخذتها للسياره و صعدتها باوعتلها تفتح بالباب مال السياره طلعت المسدس و خليته ع بطنها ، كلمه وحده ما اسمع وان سمعت بهاذ انهيلج حياتج واخلص منج
روانا : خرست و جسمي كله يرجف
- رجعنه للبيت فتحت الباب و نزلت طبيت بوجهي عمتي تخوزرني كالت يم اذاني بصوت ناصي
زهره : رجعتي رجعتي يم وجه الفكر يلي خذيتي ابني مني من الله ياخذج
روانا : ما أخذت قندرتج هوه لازك بيه و ها صدك ابنج الي راح من ايدج طلع متزوج يله استمتعي بالجنه الثانيه
- عفتها و صعدت للغرفه ع السريع طلعت ملابس طبيت للحمام وكفت كدام المرايه ملامحي تغيرت للحزن نزلن دموعي كعدت بالكاع لان احس كل حيل مابيه بجيت لحد ما حسيت حركه بصدري كمت سبحت و طلعت
- اول ما طلعت طبت انفال ضحكت و اجت تركض حضنتني و تبوس بيه رجعت حضنتها و بجيت
انفال : يا خيرج شكو تبجين حبيبتي روانا احجي شبيج
روانا : وكعت بالكاع ، انفال تعبت والله تعبت ليش اخوج هيج سوه بيه ليش جذب عليه
انفال : غير تحجي شسوه احججيييي
