- اكرهك والله اكرهك الله ياخذك انته وابنك
اشششش لا تدعين ع ابني هاي الروح بامانتج اريد ديرين بالج عليه لبين ما يجي
كام عني يمشي ورافع صدره طلع من الغرفه وطبك الباب
شويه وطبت انفال ابتسمت وحطت ايدها ع راسي
انفال : مبروك
روانا : حتى انتي صرتي وياهم
انفال : لا والله شنو وياهم اني اخيتج واحبج واريدلج الخير ومن فرحتي الج اجيت اباركلج
روانا : انفال صدك تحجين؟ تفرحين على شنو؟؟
انفال : يعني انتي ما فرحانه؟؟ راح تصيرين ام
روانا : لا ما فرحانه ولا أريد اصير ام اتمنى من ربي ياخذ روح الطفل وهوه ما جاي للدنيه
انفال : كافي روانا حرام ماكو ام هيج تدعي ع ابنها وبعده ما جاي للدنيه ليش انتي هلكد متشأمه يمكن من يجي هاذه الطفل راح يجي ويا فرحج و سعادتج يمكن راح يعوضج عن كلشي
روانا : ماريد منه لا فرح ولا سعاده بس خلي يموت ماريده يجي للدنيه اني بسبب هاذه الطفل راح يصير طلاكي صعب
انفال : تدرين اني احس راح يعوضج عن كلشي وينسيج همومج من راح يجي للدنيه وتشوفي شلون بريئ وحلو راح تتندمين ع كل كلمه هسه جاي تكوليها
روانا : انفال كلبي يوجعني مخنوكه تعبانه !! حضنتها وسندت راسي ع كتفها وهيه تمسد ع شعري بكل لطف
انفال : اي شي تحتاجي كليلي واذا عاجبج او مشتهيه اكله كليلي عليها حتى اسويها الج و من يجي ابنج لا تفكرين بي اني موجوده راح أخذه عنج واسويله كلشي يريده حبيب عمته ابن الحلوه روره
روانا : وجودج يمي هاذه يكفي انفال ضلي يمي والله بدونج اتيه الحمدالله الف مره لان انتي وياي وبصفي لولا وجودج بحياتي اني شيصير بيه؟
انفال : عزيزة كلبي اريد ربي يحميكم ويحفظكم من كل شر
روانا : ضليت نايمه ع كتفها واحس براحه وهيه تلعب بشعري
لحد اليل وابد ما طلعت من الغرفه كمت لبست شي مريح و شغلت التلفزيون كعدت ع جربايه متربعه و اباوع شويه اجت انفال
- يله يحلوه تعاي تعشي
- اتعشو اني ما اشتهي
- يا ليش حتى غده ما اكلتي؟ مو زين ع صحتج وابنج
- اني ويا بخير وكلشي ما راح يصير بينه
- روانا كومي عاد والله مايصير الجاي تسوي
- انفال عليج الله كافي خليني اباوع وروحي تعشي الف عافيه
- اتففت وطلعت من الغرفه ضليت اباوع ع تلفزيون شويه و دخل دحام ستوه راجع من الشغل حط سترته ع التخم وكال كومي تعشي
