كاظم : طبيت للبيت تلكاني اخوي ذاك السلام و الترحيب
موسى : ياهلا باخوي الزود وين هل غيبه مشتاقينلك كبران و متغير
كاظم : اني الاشوق يبعد اخوك
موسى : تعال تفضل تفضل للمضيف
كاظم : حطيت ايدي ع صدري وكلت لا مشكور جايك بشغله
موسى : خيرك يخوي صاير شي بتك بيها شي
كاظم : والله يخوي انشاءالله كل خير مادري شلون افاتحك بالموضوع
موسى : احجي يخوي مو خوفتني
كاظم : عندي شغل خارج العراق ولازم اسافر بنيتي روانا أريدها تضل يمكم
موسى : صدك تحجي يخوي واني عبالي سالفتك جبيره ، نحطها بعيونه هلا بيها و بيك
كاظم : مشكور اعرفك ما تقصر ، طلعت وشفتها بعدها كاعده بالسياره فتحت الباب و كلت يله بابه نزلي ليش بعدج بالسياره
روانا : نزلت وكفت كباله و كلت بابه صدك يعني راح تعوفني؟
حط ايده ع خدي و كال والله يبابه مده قليله انشاءالله وارجع
روانا : تراجعت لوره وكلت هاهيه يعني ماخذ قرارك و راح تعوفني صدك
كاظم : روانا تفهميني اني اكلج أشهر و ارجع
روانا : هاهيه بابه براحتك
مشينه طبينه للبيت سلمت ع عمي و طبيت للبيت تلكتني عمتي مباوس و حضن
زهره : هلا يعمه هلا كبرانه و حليانه
روانا : بتعدت عنها و كلت اكو احد ما يكبر؟
زهره : هههههه صدك والله يعمه بعد كلمه تنكال
روانا : كلبت عيوني بملل و شبكت اديه
كالت تعاي تعاي تفضلي طبيت وراها لغرفت الكعده
كعدت ع تخم و راحت تجيب مي و قدمتلي
شويه نزلت بنيه تطلع بعمري باوعتلي و ابتسمت اجت يمي
سلمت عليه كمت و بادلتها بالسلام
انفال : اعتقد اسمج روانا صح؟
روانا : صح
انفال : هلا بت عمي ...
روانا : هزيت راسي و رجعت كعدت
كعدت بصفي و بدت تسئل واني كوه اجاوبه لاعبه روحي ومالي خلك اي احد بودي اعيط بوجها بس فشله
كاظم : والله بنيتي حبابه و طيبه بس هسه اكيد معصبه و ضايجه مني لان راح اعوفها و حقها هيه كبرت ع ايدي بس مجبور علمود شغلي
موسى : ما يحتاج تحجيلنه عليها نحطها بعيونه و نعتبرها مثل بتنه انفال
كاظم : مشكور يبعد أخيك و هسه اني لازم اروح
موسى : هلا بيك بكل وكت
كمت وطلعت من الاستقبال
روانا : سمعت صوت ابوي بالحوش عسريع كمت و طلعت باوعتله بنظرات كلهن حزن و تمنيته ما يروح
فتح ايده بمعنى تعاي احضنج
نزلن دموعي مسحتهن و طبيت لجوه ماريده ولا أريد احضنه هوه راح يروح على شنو بعد احضنه ، بجيت بصوت عالي حطيت ايدي ع حلكي و درت وجهي حتى محد يشوف دموعي
سمعت صوت السياره تحركت ، ضليت ابجي مثل الطفل و اشهك كمت ركضت فتحت باب الشارع تمنيته بعده موجود واللله لحضنته و بسته و شميت عطره و ماخليته يروح
جان عمي يجي وراي و يكلي يله عمي والله يرجع لا تبجين هاي انفال يمج و تحبج
عفته و مشيت شفت مرت عمي بالمطبخ سئلتها اكو غرفه ارتاح بيها؟
زهره : اي يعمه فوك ع جهى اليسرى اخذي هاي الغرفه علما انضفلج غرفه الثانيه
روانا : ابتسمت و رحت شلت الجنط و صعدت للغرفه
طبيت شغلت الضوه حطيت الجنط بالكاع و تقربت للغرفه اكتشفها و اباوع ع اثاثها احس عركت بهل ملابس
فتحت الجنطه و طلعت تراك و طبيت اسبح الحمام بالغرفه
كملت طلعت نمت ع جربايه و تفكيري كله يم ابوي اوف شلون راح اتعود ع غيابه يارب ليش هيج عافني يم ذوله الناس والله ماحبهم
شويه و طبت انفال
انفال : لج شهل جمال خاب جنج كيكه
روانا : مو بجمالج و اني ابتسم ابتسامه مصطنعه
انفال : لا والله شيوصلني لجمالج صلوات كلش حلوه
روانا : حبيبي تسلمين عيونج الحلوه
انفال : خلي اعرفج عني ، اني انفال عمري 18
روانا : عاشت الاسامي و العمر كله
شويه كامت وراحت جابتلي صينيه بيها غده
كتلها ماريد ، ردت عليه اوكي حبيبتي براحتج ، خلت الصينيه ع ميز و طلعت
كمل اليوم ... اخرشي بليل تمددت ع فراش
حجيت بكلبي هاذه اليوم الأول و كمل يارب تكمل الايام ع سريع و يرجع ابوي بسلامه و نرجع لبيتنه لان اهنا كلش خنكه مادري شلون عايشه هاي انفال بدون طلعه ونسه و سيارتي كلش شتاقيتهلها و صديقاتي
بنص اليل الساعه بـ 3
غرفه بارده ثلج من السبلت و اتصفح بالموبايل شويه عطشت كلت خلي اكوم اجيب ماي من المطبخ شمرت موبايلي ع الفراش و رحت للمطبخ اخذت بطل ماي ورجعت للغرفه
دحام : رجعت للبيت جان الوقت متأخر طبيت لغرفتي مشيت واني افتح بدكم القميص بيد وحده نزعته و شمرته ع تخم و اني صاك ع سنوني من الألم الي بضهري بسبب طلقه انصابيت بيها
روانا : رجعت الغرفه و اشوف بوجهي واحد واف يم الميز و متصاوب بضهره كلش ضخم شكله شمرت البطل وصيحت ، عمممممممميييييييييييييي
جان يجي يمشي الي ع سريع لزم ايدي لوها لوره و حط ايده ع حلكي حبس خشمي و حلكي
صفن بعيوني ... كال اششششششششششش اششش اهدي منو انتي
