_ احس كلش استحيت :- شكد فشله اذا دحام يشوفها هيج يارب ما يجي يارب تقدمت يمها وكلت ، روحي اني اكمله
احلام : ليش خير يمه؟ تردين تصيرين براسي الجنه النادره
- اكلي خر* ولي يله وبعدين لا تفرحين هواي نهاية زواجج ثلاث كلمات طالك طالك طالك ودفره بالشارع ترجعين لاصلج
روانا : كلبت ملامحي البرائه وكلت :- لا تزعلين كلنه راجعين لاصلنه وانتي اصلج شوارع و تربيتج جلاب اليل شايفه الجلاب الي تنبح بنص اليل بضبط انتي هيج
- لسانج هاذه طلعي يم دحام
- ليش عبالج ما مطلعته؟ مثلاً شفتيني مثلج؟؟! استغفرالله ليش شبهت روحي بيج أعوذ بالله !
احلام : وحده ادبسزز وما مربايه
_ ردت احجي جان اشوف خيال باب المطبخ التفتت واكف دحام وشابك ايده
دحام : اكلتي بابه؟
روانا : ارتبكت لزمت ايدي بأيدي وافرك بيها :- لا لا ما ما اكلت
دحام : ناظرت الها من فوك لجوه دخلت ايدي بجيوب البنطرون و رفعت اكتافي كلت :- بكيفج
روانا : مشيت ردت اطلع من المطبخ عبرت من يمه وماخذ الباب ، همست وخر شويه اريد اطلع
- ما رد عليه رفعت راسي باوعتله :- مضيك عيونه ويباوع عليه
_ حجيت باستغراب ، شبيك؟
- عكس جسمه صفح ، بمعنى طلعي طلعت امشي بسرعه ردت اصعد سمعت عمتي تصيح
_ وين وين اني مو كلتلج جيبيلي الاكل
التفتت الها وكلت ، حبيبة القلب جاي تحضره الج
_ بس انه اريدج انتي تحضري و تجيبي
- كلت بنفاذ صبر ، اهووو رجعت للمطبخ وجان دحام بصف احلام واحد قريب من الثاني ، حطت ايدها ع خده وما ادري شتهمس و اصابعها تلعب بشواربه ودحام صافن بوجهه
حسيت بنار الغيره تجتاح كل اوردتي !!!
_ صحت بصوت عالي دحاااااااااااام :- شفت احلام طفرت من مكانها باوعتلها وجهه مرعوب و دحام ولا كانو واكف بمكانه مجرد وجه نظره الي
تقدمت يمهم و طبيت بنصهم كلت بصياح و توتر ، الاكل الاكل صحت دحام لان الاكل راد يبرد
_ رفعت راسي جانو ثنينهم يباوعن بستغراب
دحام : شبيج انتي مخبله؟
روانا : حكيت كصتي و مضيكه عيوني ، اااء مو عندك شغل ما تروح؟
_ أشر ع عقله بمعنى مخبله وطلع من المطبخ
احلام : لزمتها من ايدها يا جلبه شايفتج تره كل ما نضل سوه تخربينها علينه انتي انسانه حقوده الله ياخذج تحرميني من زوجي
