- وخر يله وخر تره اعضك وحق الله
ابتسم بهدوء وكال ، شو عضي
- والله ما اطلع من الغرفه والله بس وخر
- ايد وحده لافها على بطني وضامني لصدره وأيده الثانيه نزلها ع قميصي يفتح بدكم و يباوع بعيوني
روانا : لا عليك القرآن وخليت ايدي ع ايده اريد اوخرها
دحام : اشششششش كتلج ما طاخ بالي فـ سكتي ولاتخافين
- هدئت واني اباوع لشواربه عيونه خشمه شفايفه واني صافنه ورايحه بعالم ثاني حسيت بلمسات ايده دخلها من جوه القميص ويتلمس بطني و يحرك اصبع بهدوء ع صرتي
- غمضت عيوني حتى استجمع نفسي واسيطر ع روحي
- فتحت عيوني و شفت عيونه ذبلانه وكصته كلها عرك وانفاسه مسموعه طلع ايده وما ادري شبي كام يفرك بوجهه حيل
وخر ايده عني حتى اكوم
كمت بسرعه ردت اطلع عصب وكام صاح بصوته الرجولي :- روانا امشي نامي ع فراشج !!
رجعت نمت ع جربايه و اباوعله يفرك بكصته دخل للحمام دقايق و طلع ومخلي الخاولي ع خصره فتح الكنتور طلع شورت و كيمونه نزع الخاولي وهوه واكف لبس
طفه اضويه الغرفه وراح نام ع التخم ماشوف غير رماد الجكاره مشتعل اخر شي ذب نفس وكام طلع من الغرفه
حسيته ضايج ما ادري ليش تأخر هواي كلت خلي اكوم اشوفه وينه نزلت رجليه من الجربايه وطلعت بره جان كاعد بالمطبخ حاط راسه بين اديه وبين اصابعه الجكاره وجان رايح بعالم ثاني وما انتبهلي
كلت خلي ارجع احسن ما يشوفني ويفكرني اركض وراه ردت اصعد رفع راسه وصاح تعاي بابه شفتج
التفتت اله ، ابتسم وكال تعاي رحت يمه وكعدت ع الكرسي الي بصفه ، سئلته شبيك ليش ضايج؟
- اخذ نفس و زفره بقهر باوع بعيوني وكال ، مليت مرتي ما تتقبلني ترفضني بكل وقت حتى نومتي وياها ماتقبلها عادي خليها لا تريد هل اشياء بس أريد يصير تعاملها وياي زين !
روانا : احس بداخلي بندم لان ماله اي ذنب حتى هيج اعامله ياربي ماكدر ماريده يفكر اني أريده او احبه وبالاخير راح نطلك و ارجع ويه ابوي
كطع أفكاري من كال :- احبها ما أكدر اعيش بدونها هيه اول مره تدخل لكلبي وتأخذ مني روحي و عقلي مستعد افديها بكلشي اخذ ايدي وباسها واني مصدومه وبس صافنه هاي شجاي يصير؟؟؟ ضليت استمع لكلامه
- رمشت بعيونها بشكل متكرر وكأنو ما تستوعب الكلام الوصل مسامعها
- روانا احبج اح
- قبل لا يكمل جريت ايدي من ايده و صرخت بتوتر اصحه شبيك شنو هاذه الكلام اني اكرهك ولازم انته هم تكرهني وراح نطلك ابوي وعدني كم شهر وراح يرجع
