لاتنسون تصويت + كلام ما بين الفقرات 📜🕯️
- هاذه يحجي صدك لو يشاقه؟؟! غمضت عيوني لثواني حتى اهدي نفسي رفعت راسي و باوعت بوجهه ردت احجي
- ع سريع حط ايده ع حلكي ودفعني ع تخم نام عليه و ايده ع حلكي
- اشششششش ماريد اسمع منج ولا حرف بس لو اعرف ليش خايفه و الي يمج رجلج ، اتذكر كلتي شريك حياتي ضحك و جسمه يهتز
- كمت عنها و كلت كومي بويه كومي انتي جاهله ما يطلع منج كلشي فالحه بس بالحجي و لسانها هطوله و بس تصير جواي نفسها بعد ما ينسمع
روانا : كمت و كلت اي جاهله ياريت بعد ما تطلب مني شي عفته و طلعت رجعت اتعشه
- دقايق و نزل من الغرفه بالكيمونه السوده و شورت جر الكرسي و كعد كبالي كال ، روانا تعاي وكليني ايدي مجرحات
زهره : يا خيرك ييمه شو هاي ثنينهن ايدك متعورات
دحام : بهمس ، نتاذه حتى نوصل للي نريده
روانا : خزرته و رجعت اكل
زهره : يمه ديربالك رحت للطبيب
دحام : اي حجيه بس اريدج مرتاحه لا تفكرين بشي ، يله روانا ع سريع تعاي كعدي اهنا و أشرت ع كرسي الي بصفي
زهره : بعد كلبي ييمه يله روانا يله يمه كومي وكلي زوجج يكولون المره اذا وكلت رجلها يزيد حبهم
روانا : كمت و رحت للكرسي الي بصفه ، كعدت اوكل بي و هوه يباوع بعيوني ومايشيل عيونه عني
- همست كافي ما شبعت شكد تاكل و كلبت عيوني بملل
- همس هوه الياكل من ايدج الحلوه يشبع؟
- دنكت راسي من الخجل و ايدي صارت ترجف
- لزم ايدي وقربها يم حلكه باسها و دفع الكرسي لوره كام و راح لغرفته
- كملنه عشه و رحت ساعدت انفال بغسل الصحون كملنه كلشي و صعدت للغرفه مال انفال تمددت ع فراش غمضت عيوني واني اتخيل ابوي رجع من السفر مبتسمه و اتخيل نرجع لبغداد و ترجع الضحكه ع وجهي و ترجع السعاده لروحي بس من بعدها راح اكون مره مطلكه رجعت تخيلت يعارض دحام ومايقبل نطلك و ابوي يرجع لبغداد وحده واني اضل اهنا مثل الخدامه و يأمرني اجه صوته بمسمعي وهوه يهمس بويه بنيتي روانا بابه كعدي تعاي يم زوجج هزيت راسي بـ لا أكثر من مره انفاسي صارت عاليه و انيني عالي و مسموع فزيت و ناشغت و دمعتي وكعت ع خدي وجان فعلاً دحام يمي مو تخيل
دحام : اسمالله بويه اسمالله شبيج من شنو خايفه؟
روانا : ليش انام يمك اريد اهنا اضل
دحام : بويه وانه اضل وحدي بالغرفه؟؟؟ احب اسمع صوتج و شوفت وجهج بكل لحظه احب اسمع ردج الحلو عليه وهاا صح خليني أضيف شي انتي ما تحبي وهوه خوفج تنكرطين من تخافين و تتوترين
روانا : بعد هاذه الكلام ما ضل جوه لساني اي كلام سكتت
دحام : يله بويه كومي
روانا : كمت ويا و النوم بعيوني لازم ايدي و اخذني يم الجربايه نمت و همست لا تنام يمي
دحام : لا ما انام يمج لا تخافين محد يكدر يأذيج ولا اني وتأكدي ما راح اسوي وياج اي شي اله برضاتج و موافقتج
روانا : حسيت بالراحه واني اسمع كلامه اطمنت راح كعد ع تخم يدخن بجكارته و يباوعلي ، حطيت ايدي جوه خدي واباوعله لحد ما غفيت
دحام : شفتها نامت شمرت جكاره بنفاضه و كمت يمها كعدت بصفها تلمست خدها الناعم و بارد و حنجها لونه احمر دنكت ع شعرها شميت عطره مريح للاعصاب حسيت براحه و هدوء
- كمت عنها بدلت ملابسي و طلعت
زهره : جنت بالمطبخ شفت دحام نزل من غرفته و يريد يطلع خير يمه وين رايح مرتك ليش تعوفها؟
دحام : درت وجهي و باوعتلها رحت يمها بست راسها وحجيت ، ها يالغاليه ليش كاعده بهاذه الوقت
زهره : والله ييمه اجيت اخذ ماي ، انته وين رايح خطيه يمه مرتك نام يمها ليش تعوفها وترجعلها بالفجريات
دحام : اخذت نفس و زفرته بحركه ، متعود يمه اختنك من نومت البيت
زهره : ادري بس يمه هسه تغير الوضع وصار عدك زوجه و باجر عكبه يصير عندك جهال مايصير يا يمه
دحام : اي اي انشالله ، يله يوم محتاجه شي اريد اطلع
زهره : باجر اخذ مرتك و روحو زورو أمام حتى يتبارك زواجكم و يحميكم من كل عين و يزيد المحبه بينكم و تضلون سوه
دحام : ماله داعي هاي الروحه ، المحبه نازله علينه من الله مو اله نزور
زهره : حرام يمه لا تحجي هيج هاي عادات اهلنه وره الزواج لازم تاخذ مرتك تزورها
دحام : صار حجيه صار ، يله ثيمالا
زهره : الله وياك يبعد كلبي انتبه هاذه طريق و ظلمه
دحام : دنكت ع راسها بسته و بست ايدها و طلعت
رحت يم بيت صديقي أنور عايشه وحده بشقه
.. كاعدين و نشرب
أنور : محبوبي دحام شو اشوفك صافن خامل وينه الجان من يسكر يفضحنه بصوته و فشايره
دحام : تعبان اكو وجع اهنا و أشرت ع صدري الأيسر
أنور : شبي كلبك يوجعك منو موجعه المره موو؟
دحام : تذكر من جنت تجي و تحجيلي عن مرتك الله يرحمها بوكتها ما جنت افهمك و لا احس بهاذ الشعور زين هوه ليش هيج يأذي؟؟!
أنور : اخذت نفس و زفرته بقهر و دمعتي وكفت بعيني
دحام : اسف اسف ذكرتك بماضيك اعذرني يخوي
أنور : مستحيل احد يكدر يشرد من ماضيه يضل ويانه بكل لحظه و ثانيه و لعلمك لهسه هاذه الوجع ما اختفى من كلبي بعده مثل الجمره الي بنص صدري كلما اتذكر الماضي كلما تشتعل هاي الجمره اكثر و اكثر
