لاتنسون تصويت + كلام ما بين الفقرات 📜🕯️
ضلينه للفجر شربنه جاي صحصحنه و رجعت للبيت
- فتحت الباب ع كيف حتى لا تكعد روانا طبيت ذبيت كل ملابسي و دخلت للحمام
روانا : فزيت ع صوت الدوش بالحمام فركت عيوني و باوعت ع ساعه بـ 6 الفجر ، شويه طلع دحام من الحمام بالبرنص
- باوعلي و راح يم الميز ينشف بشعره
- ضليت اباوع عليه و اغمض بعيوني دار وجهه باوعلي كال تعاي حضريلي شسوار
روانا : اريد انام عوفني
- صاح بصوت رجت الغرفه رج خلاني اكمز من مكاني
- كمت و كل جسمي يرتجف و عروك كصته مبينه ايدي ترجف و ادور بالغراض ع الشسوار
- كال بصوت عصبي ، اطلع الكا جاهز وراح للحمام يلبس
- كوه افتح بعيوني من النعس طلعته باوعت اكو كلتر بعلبه شلته وخليته كله بالشسوار و رجعت ركض للجربايه
- طلع يمشي و رافع جسمه ، شال الشسوار شغله و راد ينشف شعره جان يكب ع وجهه و شعره الكلتر صار عباره عن لمعه حطيت ايدي ع حلكي و احبس بضحكتي
- دار وجهه باوعلي جاهله والله العظيم جاهله تقرب الي خفت و ادنيت لوره نام عليه وكال شنو عاقبج؟
روانا : وخر عني
- بصياح كلت شنوووو عقابج؟؟؟!
- همست عاقبتني هواي و خليتني خدامه الك
- روانا احجي عدل وياي لان ماتدرين شنو من جريمه راح اجرم بيج عقلي وكعدي حبابه خوش بنيتي
- هزيت راسي بـ اي و كلبي يخفق ع سريع باوعت بوجهه ما تحملت و ضحكت ع شكله الي يلمع
- هز راسه و ضل يضحك و سنونه كلهن طالعات و جسمه يهتز
- ضلينه نضحك لزمت شواربه وانفض منهن الكلتر وهوه يباوع بعيوني وعيونه كلهن لمعه و ضحكه اول مره اشوفها ع وجهه جانت حقيقيه ومن كلبه
- حسيت ع روحي بكلبي يا هاي شجاي سوين دفعته من صدره وكلت وخر
- وخر عني اخذ ملابس و طب يسبح مره ثانيه
- دقايق و طلع باوعلي و كال الحجيه كالت نروح نزور اليوم
روانا : وين؟
دحام : كربلاء
روانا : شنو المناسبه؟
دحام : تقاليد لازم وره الزواج نروح نزور حتى يزيد حبنه و الله يحفظه لبعض و ما نفترق هسه وصلت؟
روانا : هزيت راسي
دحام : يله كومي نروح هسه لان مابيه حيل اتأخر وراي شغل
