أنور : يا هلااااا بالغالي شهل غيبه ولك مو مشتاقلك
دحام : والله ضروف و صار عندي ثنين نسوان و مسؤليه و المره ع عقلها و ما تتحاجه
أنور : هاذه الزواج و بعد الجهال اكثر من هاي المسؤليه
دحام : والله اذا خليها على مرتي ما يصير عدنه جهال ياخي مادري شلون احجيلك عنها جاهله جاهله تدري مرات احسها اختي حتى ما جاي احس روحي زوجها حالنه مثل الأخ و اخته
أنور : جا هسه شصاير بالغالي اذا هيج السالفه
دحام : ضحكت و كلت يبعد اخوك تعرف بلي يجرالي شو تعال ان*** و ارتاح بيك
أنور : ادحيم ما تجوز من هاي سوالفك
(ثـاني يوم)
روانا : كمت سبحت و لبست بجامه رصاصي و بدي وردي مشطت شعري شفت عنده هواي عطور رجاليه جربتهن كلهن فتحت المجر و اتفقد شنو عنده جان اكو سجين مثل الخنجر و علبه ادويه و باكيتات جكاير و علبه صغيره لونها ذهبي و تلمع فتحتها و جان بيها ازرار مال قميص او ردان القميص كلش عجبني شكلهن اخذت جم وحده بين ايدي و قبضت عليهن سديت المجر و ردت اطلع
- ندفعت الباب و طب دحام ، ضميت ايدي وره ضهري و ردت اطلع كال وين؟
- رجعت لوره و باوعت بوجهه ، يعني وين غير اطلع؟
- شنو ضامه بيدج؟
- رجفن شفايفي و كلت لا ماكو شي ما ضامه شي ، تقدم إلى رجعت لوره نركعت رجليه بالجربايه ، وصل يمي ولف ايده ع ضهري لزم ايدي جريتها من عنده ورفعتها لفوك ، رفع ايده ويريد يلزم بيدي
- رجعت اكثر لوره تعثرت وكعت ع فراش بسرعه نام عليه ولزم ايدي و يباوع بعيوني شد عليها بقوه فتحتها و اطشرن الزرار من ايدي باوعلهن ورجع باوع بوجهي ابتسم و عيونه يضحكن
دحام : شسوي بيهن؟ رجاليات تره؟
روانا : لا ما أريدهن بس
- اي بس شنو شلون وصلن لايدج وليش جنتي ضامتهن عني؟
- لا ما ضامتهن بس اني شلتهن ونسيتهن بيدي اصلاً ما عجبني وشكلهن مو حلو مثلك
- هز راسه و كام عني و يعدل بلياخته رفع شواربه لفوك وهوه يناظر ع جمسي دار وجهه وطلع من الغرفه
- كمت و طلعت جان دحام و احلام سوه بالمطبخ واحد يناظر ع ثاني و يحجون طبيت يمهم و سويت نفسي اشتغل اسمعها تهمس
- حبيبي الأمس ليش ما اجيت يمي ضليت انتضرك للصبح
روانا : ما ادري شصار بيه و هوه ولا شايفني ولا معبرني ويرد عليها جان اكو كلاص يمي ع كاونتر دفعته بيدي بالكاع و درت وجهي لزمت الوصله وامسح بالكاونتر
- اجه يمي و ضربني ع كتفي ، درت وجهي وكلت ها؟
دحام : ليش كسرتي؟
