لاتنسون تصويت + كلام ما بين الفقرات 📜🕯️
- بعد انتضار ساعات اجت سياره تكسي وكفت يمنه و نزل منها شاب اجه يركض وكع يم دحام
أنور : دحام ضلعي شبيك باوعت لهاي البنيه الي بصفه كتلها خويه كومي صعدي بالسياره
روانا : لا تخلي يموت ساعده سوي اي شي خلي ناخذه للمستشفى بس لا يمووت
أنور : اي خويه روحي صعدي
روانا : رحت صعدت بالسياره
- رجعنه للبيت و هاذه الولد دخل دحام واخذه لغرفته اتصل ع دكتور و اجه و سوله عمليه بالبيت
- الكل يبجي و يلومني
زهره : انتي السبب مو اي اعرف شو شمسويتله
روانا : صرخت بوجها كااافي ما جنت ادري راح يصير هيج شفتيني مجرمه حتى اقتل روح انسان ، عفتها و رحت لغرفة انفال توضيت و لبست الجادر فرشت السجاده و كعدت اصلي ويه كله ركعه دموعي توكع كملت و ضليت كاعده ع سجاده أقره قرآن و دموعي تنزل ع خدي اندعيتله بكلبي الف مره بس حتى يطيب و يرجع النه
- يارب العالمين يارب السموات والأرض يارب العرش العظيم يارب اطلب منك ان تشفي بشفائك العاجل يا الله
- طبكت القرآن و بسته ورفعته ع كصتي كمت حطيته بكل احترام ع ميز نزعت الجادر و طبكت السجاده
بعد مرور 3 ساعات طبت انفال و الضحكه شاكه حلكها
انفال : روانا كعد كعد دحام صحه و كال اريد روانا
روانا : حسيت شي ورجع لروحي ضحكت و حمدت ربي الف مره رحتله ع سريع طبيت للغرفه
- الكل طلع وبقيت بس اني يمه رحت وكعدت بصفه حطيت ايدي ع كصته غمضت عيوني وقريت بصوت ناصي
- اللهمّ إنّي أسألك من عظيم لطفك، وكرمك، وسترك الجميل، أن تشفيه وتمدّه بالصحّة والعافية، لا ملجأ ولا منجا منك إلّا إليك، إنّك على كلّ شيءٍ قدير. الحمد لله الّذي لا إله إلّا هو، وهو للحمد أهل وهو على كلّ شيءٍ قدير، وسبحان الله ولا إله إلّا الله والله أكبر، ولا حول ولا قوّة إلّا بالله.
- لزم ايدي بقوه فتحت عيوني عكدت حواجبي بوجع وكلت اخ دحام شبيك
- صك ع سنونه وهمس هاذه تمثيلج ماله داعي و اعرف انتي السبب بكل هاذه الصار ، صااح بصوته اليرعد ، احججججيييي منوه هاذه تحبين؟؟؟! مو روانا مزوجه و تسوين محادثات و تخططين لموت زوجج
روانا : وكعت دمعتي ع خدي وباوعت بوجهه ضحكت و كلت حرامات ع كله دمعه نزلت عليك حرامات ع كل خوف خفته عليك تدري لو يرجع بيه الوقت جنت خليتك تموت و تخيس اهناك
دحام : كومي طلعي بره بصياح ، طلعي برررررره ما اريدج ولا أريد اشوف وجهج
روانا : كمت و روحي ذبلانه احس الدنيه افترت اغمض عيوني وافتحها حتى اسيطر و اشوف دربي يارب ساعدني يارب ياربي ساعدني دموعي ما جاي تنشف من كثر قهري وجعي ليش سوه هيج يارب ليش اتهمني بهيج اتهام شلون فكر اني أكدر اخلي واحد يكتله شلون تخيل اني احب واحد واني متزوجه ، امشي بخطوات بطيئه و الغرفه كلها اشوفها بالمكلوب وكعت ع وجهي وما ادري شصار
