- فتحت عيوني بسرعه كام عني و كال بعصبيه ليش كعدتي؟؟؟! رجعي نامي
- ليش جبتني اهنا؟
- اعتقد مرتي لو نسيتي؟
- بس ع ورق
- تره فارغ ماعندي شي اذا تردين تصيرين مرتي مو بس ع ورق؟
- لا اريد اروح انام بغرفة انفال
دحام : لا تعصبيني بدون كلشي روحي طالعه !! سكتي و نامي ما واصل يمج اصلاً بعد ع شنو خايفه
روانا : رجعت نمت ع فراش شفته راح كعد ع تخم و يدخن جكارتين استغربت بس سكتت ضليت اباوع ع ملامحه شواربه حواجبه عيونه شعره نزلت عيوني ع ركبته و شفت بيها آثار لونهن بنفسجي و احمر
- كمت من فراشي و رحت يمه وكفت كباله و كلت شنو هاي الي بركبتك و ليش كل يوم اشوفهن؟
- رفع ايده يم شفايفه لزم جكارتين بين اصابعه و حط ايده ع ضهر التخم ، بابه روحي نامي معليج بهاي السالفه
- لا عليه اريد اعرف يعني انته بيك مرض لو شنو؟
- بابه مو مرض هاذه ، روحي نامي لان السالفه مو يمج و ما تفهمين بيها
- بس اني مرتك وأريد اعرف
- وأخيراً اعترفتي مرتي؟ و كل حقوق رجلج ما تنطيهن اله
- يا حقوق؟؟!
- هز راسه و كال ، كل الحقوق و رجع يدخن بجكارتين
- بتعدت عنه ورجعت للجربايه نمت و تغطيت باوعتله مرجع راسه للتخم و صافن بالسكف و يدخن برود
- رجعت كعدت و كلت خاف تريد الجربايه واني ماخذتها
دحام : ياربي صبرني ع هاي المخبله بابه نامي شعليج بيه
- شنو مخبله؟ شبيك ما تحترم ضيوفك واني جايه بغرفتك
- بس انتي مو ضيف هاي غرفتج اصلاً؟؟؟!
- لا غرفتك اني غرفتي ويه انفال
- انتي تنسين هواي بانو انتي مرتي و كلشي يخصني صار يخصج و كلشي يخصج صار يخصني ، أشرت ع عقلي وكلت هسه هاذه فهم؟؟؟؟!
- وانته هم تنسه هواي هاذه الزواج بس ع ورق و نهاية الطلاك
- اي خوش انطمري ولا دوخيني
- كعدت و شبكت اديه باوعتله و كلت بس اني عاجبني اكعد
- كعدي و ياريت تكعدين ع كوا* شويه تريحي
- وينه يا كوا*
- بلسان خدران ، تعاي اشوفج وينه يله بابه تعاي
- خفت من صوته و نظراته درت وجهي عنه و باوعت ع ساعه راح تصير الـ4 ضليت كاعده و هوه كلساع طلع جكاره و دخنها احس ضهري نكسر و نعست اووف ماريد انام هسه يفكر سمعت كلامه
