فتحت باب الغرفه و طبيت شغلت الضوه و اني ادردم ويه روحي
ماتبطل حالتها كل ما تطلع توصخ الغرفه و تسويها هوسه
تقدمت واني اشيل بالكعب الي شامرته و ملابسها الي مطلعتهن كلهن من الكنتور علمود تختار واحد منهن للطلعه تقدمت للميز ابو المرايه جان الميز مبعثر بمكياجها الي مطشرته كلشي صاير بمكان
رتبت كلشي بمكانه درت وجهي و شفت لازكه ع مرايه ورق ملاحظات و كاتبه
... انا أمراه حره
... بابا هوه كل حياتي
ضحكت و كلت ما تعقل هل البنيه
اعرفكم عني : اني عامله بيت كاظم الي هوه ابو روانا اسمي ابتهال
في مكان آخر
..........
بسياره أحدث موديل ، عيون سود مايله للرصاصي شفايف زهري شعر اسود ملامح جميله و مريحه للنظر
روانا : مديت ايدي من شباك السياره ، سويت حركه الانتصار واني داسوق صحت ييييياااااايييي
:- و صديقاتي بلوره وحده بالكدام
منار : ع كيفج روانا راح يصير حادث راح نركع بالسيارات
روانا : لا تخافين بس اني داسوق سريع لان الطريق فارغ مابي سيارات بس اوكي راح اسوق ع كيف
سقت ع كيف بس مليت
روانا : اووه ضاك خلكي ، وحركت السياره بأسرع قوه
رجعت باوعتلهن و كلت
.... اي صح نسيت اكللجن ع شي مهم
ردن كلهن بصوت واحد ، شنو هوه
روانا : صديقتجن راح تتعلم الرقص الشرقي
اوووه ولج رقص شرقي عزه يعني نوب تلبسين ملابس رقاصه و تركصيلنه
روانا : انتي تخبلتي لا اكيد مو هيج بس اني احب الرقص و دخلت بهلشي علمود اتعلم اكثر ولو اني من الله اعرف اهز خصري
ضحكنه و ضلينه نسولف الطريق كله ...
... وصلتهن لبيتهن و رجعت لبيتي ركنت السياره و نزلت جريت جنطتي الي ع كشن لبستها بمتني و مشيت للبيت
طلعت المفتاح من الجنطه و فتحت الباب طبيت و اني امشي ع كيف نزعت الحذاء (مكرم القارئ) طبيت للبيت و اني امشي بخطوات ما تصدر صوت
طلع ابوي من غرفته حط اديناته لوره وحده لازمه بثانيه
كاظم : شهل تأخير ؟
روانا : بابه يا تأخير والله بعدهي ما صارت الـ 8
مد ايده وهوه يباوع للساعه الي لابسهه شافها و رجع بوجهي كال ....
كاظم : حتى لو بابه اخاف عليج لا تكولين بابه مايثق بيه وماعرف شنو ، يا بابه الدنيه مو امان و نوب عندج سياره لا سامح الله اذا صارلج شي غير اموت
