- ما اشتهي خوما إجبار؟
- لا بويه شلج بالاجبار بس تعاي طبي لان اهنا الجو حار وخايف عليج لا تتمرضين
- دفعته من صدره ورفعت اصبعي بوجهه ، هاذه تعاطفك وياي ما اريده لان اعرف كله جذب ومحد يخاف ع احد ولا احد يريد احد اني ابوي مني وبيه عافني وراح ف لا تفكر اصدك بيك وبكلامك
دحام : جريتها الي و حجيت بعصبيه انتي شتردين بضبط عنف ضرب حنان؟ ولا تفكرين ميت عليج تره لان امانة عمي هيج جاي اسوي وياج ، بس لو تشوفين كرهي الج شكد جبير
- طلكني ما اريدك اكرهك طللللكنيييييييي
- ع** بك*** لا تصيحين بربوك
- الله ياخذك يا كلب خلينه نطلك ماريدك اكرهك ياخي اعتقني
- اني شكلت ع كلمة ياخي؟؟؟؟!
- ياخي ياخي ياخي ياخي ، ماحسيت غير دفن وجهه بركبتي وعضها بكل قوته صرخت ااااخ وخررر ااااخ
- وخر عني وكال ولج هاذه حلكج صمي فضحتينه اذا سمع احد شيكول؟
- وخر عني دحام وخر
- دنكت ع اذنها وهمست اكرهج ... اكره كلشي بيج
- همست اكرهك اكثر من ما تتوقع
دحام : بتعدت عنها وكلت يله كدامي امشي ، مشت كدامي دخلنه للبيت ورحت للاستقبال
روانا : طبينه و هوه راح يم الزلم واني رحت يم انفال
- كمل اليوم و انطونه غرفه اني و دحام و كلش جنت اريد انام ويه انفال ، المهم رحت للغرفه جان الفراش بالكاع واحد بصف الثاني سحبت فراشي وخليته بزاويه الغرفه
- شويه طب دحام شمر سترته و باكيت الجكاير ع فراشه فتح دكم القميص وتمدد ع فراشه
- اني هم نمت ع فراشي و الغرفه هدوء وحتى أنفاسنه مسموعه
- دار وجهه باوعلي وكال عادي اجي انام بحضنج؟
- حسيت صار مغص بطني من الخوف و كلبي صار يخفق ع سريع حجيت و شفايفي يرجفن لا لا
- دار وجهه عني و صفن ع سكف اخذ نفس و زفره بقهر ، مد ايده ع باكيت الجكاير و رث جكاره وهوه ونايم وجهه بسكف
- احس نعست كلش غمضت عيوني و نمت ، فزيت وشفته صافن بوجهي وأيده تتلمس بخدي شهكت وكمت باوعلي وكال بابه ما مسوي اي شي بس ردت اشوف ملامحج
- الله يطيح حضك اني غبيه ثقيت بيك استغليت الفرصه مو عيب عليك
- بويه وحق ابو فاضل ما لمست جسمج ، تلمست بس وجهج وهاذه حق من حقوقي
- كمت و اني احجي غبيه شلون ثقيتي شلون فتحت باب الغرفه و طلعت بره للبستان جان يجي وراي ويصيح
- كحو** وين تردين ترحين يعني
- انام بالبستان اشرفلي حسيت سحكت شي كلت بصوت ناصي يمه بسلا سحكت حيه
