_ مشكوره حجيه يله انه رايح محتاجه شي
سلامتك يمه و لا تزعل من كلامي يمه بعد كليبي والله مو قصدي
- طلع من الغرفه بدون كلام
روانا : فزيت من نومي وجهت نظري لمكان دحام ما جان موجود دفعت الغطه و كمت شلت شعري بالماسكه غسلت و بدلت نزلت جوه
طبيت للمطبخ سئلت كريمه ليش البيت هادء وين انفال وعمتي؟
كريمه : انفال و امها راحن للأسواق يجهزن غراض عرسها
_ ابتسمت و كلت اها ، تردين اساعدج بشي؟
لا يمه اريدج سالمه بعد كلبي ، كعدي وهسه احضرلج الريوك
جان يكمل اليوم باليل ..
انفال : كعدت ارتب بملابسي و استعد لحياتي الجديده لان ما بقه الها شي و الفرحه مو سايعتني
روانا : تقربت يمها و حضنتها حجيت بنبره حزينه و الدمعه بطرف عيني :- لا تروحين والله اضوج وحدي منيلي بعد اخت تسولف وياي تبجي وياي تضحك وياي
_ والله حتى اني ما اتحمل بدون وجودج وياي اوففف مايصير ترحين وياي لبيت زوجي
- اي والله اريد اروح وياج والله ما اتحمل غيابج اوف انفال كلبي يتكطع والله
لا يعمري لا تنقهرين وعد اجيلكم كل يوم واصلاً هاذه ويا بيتهم قريب كلش تكدرين انتي تجيلي او اني اجيج
روانا : هاهيه بعد وعدتيني وهسه كومي خلي نتعشه
كمنه سوه نزلت وشفت احلام ماخذه الكرسي الي اكعد عليه دائماً و دحام كبالها ، سويت نفسي ما مهتمه وكعدت ع غير كرسي
جان موبايل دحام يم ع الطاوله و كلساع ينفتح يجي اتصال و يسده اخر شي أخذه وطلع بره ، ثواني وكامت احلام وراه
_ الفضول موتني لازم اعرف شجاي يسون كمت وكلت بالعافيه شبعت
موسى : وين ستوج كعدتي تاكلين
- رديت عليه بكلام سريع و طلعت جان محد بلحديقه تقربت شويه وره البيت و سمعت همس تقربت اكثر و سمعت
احبك والله العظيم احبك دحام تفهم شنو احبك ما أكدر اعيش بدونك والله اموت بدونك انته روحي و عمري و حياتي انته نفسي الي اتنفسه اتمنى يصير عندي طفل منك يشبهك بمواصفاتك و ادري بيك انته تحبني وهاي روانا نزوه و باجر ترجعلي مثل قبل جنت ما تنام اله بحضني
روانا : فزيت ع دمعتي ع خدي ، يحبها؟ واني نزوه؟ طبيت للبيت و اني مصدومه و صافنه سمعت صوت عمتي وهيه تصيح وين رايحه تعاي شيلي الماعين ما اهتميت لكلشي حواليه احس اريد مكان اختل بي وابجي و اطلع عبرتي الي واكفه بنص حنجرتي صعدت للغرفه مال انفال طبيت و طبكت الباب تقدمت اكثر و فتحت شباج الغرفه وكفت ابجي و اشهك مثل الطفل
