طرقت بابك

البارت ١

#طرقت_بابك

روايه تكول:
وشبدينة انباگت احلام الصغر منه وبچينة '
وردنه نبدي من جديد وما بدينة '
.......................

......روايه يله دك الجرس صارت الحله .........اوووو هاي بعدها ده تعدل بشعرها

......اوووي خلوني ارتب قبل لا اطلع شكد غثه انتن

......لج هسه تجينا ست وسن بالعوده خلي نطلع بسرعه وانتي شبيج جنج الكمر

......خجلتوني يولي مو هيج الغزل

روايه:طلعنا من المدرسه مثل كل مره يسحلني البنات لان ما اطلع اذا مو مرتبه ومتصفف شعري وما طالع خصل زايده وحذائي الي يكون يلمع والسدريه مابيها ولا نتفه ترابه هيج انا احب كلشي مرتب مرات اسمع كلام يكولن لج روايه تره محد يباوع عليج الف بنيه غيرج بالحله ...والي تكولي شدعوه هيج ترتبين متواعده وووووالخ ،، كومه اسمع حجي بس ولا اهتم لان اعرف نفسي احب اكون مميزه بكلشي ......نمشي بالشارع والبنات عينهم علي ولد المحله الي يوميه ينتظرون البنات بالركن

نبأ:لج روايه رضا العبدالله منتظرج

روايه :اسكتي لا يسمعنا وبعدين اجابه على رضا العبدالله هذاك جنه فلكه كمر وهذا وعووو

هدى: هسه يسمعج وينجرح العاشق المنتظر

روايه :ما كلت الجن سمعت امي تحجي وي ابويه تكله ام سرمد خطبت روايه لبنها دريد واني كلبي نقبض بس ابويه كلها شنو هذا الهتلي ازوجه بنتي

نبأ:نزول عليج لج عيني هذا عاشك كولش

هدى:هي روايه جنها عريف من تمشي عجبه بس جمالها ما يدري بستوري الي بداخلها

روايه :اني رايحه من هل فرع هنا ولد يكعدون يضايقوني يله مع السلامه بنات

......الله وياج

بغداد سنه ١٩٨٩ شهر الرابع انتخابات الرئاسيه الي تأجلت بسبب الحرب مع ايران وكلها كانت مخبوصه والجيش والشرطة والمدنيين كلها تتحضر لهذا اليوم وكان المرشح شخص واحد والمقاعد فقط لحزب البعث ......تعديت الكل وصادفت ابويه فاتح البوري ومخلي الصونده يغسل بالكراج

ابو روايه :ها يابه كواج الله تاخرتي اليوم

روايه :هلا يابه تعديت من غير فرع كان بي هوايه شباب تضايقت وغيرت طريقي

ابو روايه :يابه كم مره اكولج اكعدي بالبيت وتجي قسمتج بس انتي لا اله تكملين

روايه :حجي حجينا هوايه بهل موضوع  خلي ادخل ميته تعب وانته هم ادخل

...صارت امي كبالي ريحه الدولمه الي تسطر فتحت الكدر الثاني مسويه مركه سبيناغ اوويلي يوم صبي علئ ما اكمل تبديل وصلاه ميته من الجوع