طرقت بابك

البارت ١٦

روايه تكول:

واخليك اعلة نظرة شوگ تتوسّل
واراويك الوجوه شلون من تثكل ..!!

_____________________________

روايه : فتحتها، ، رساله حب وغرام (مرسوم بالنص ورده وبيها قلب،،، مكتوب سأبقى احبك وان طال انتظاري،،من الجهه المقابيلها ،،مرسوم عين تدمع مكتوب احبك يا اعز الناس ،،بيها حروف ثنين بوسط قلب حب A/N )

التفتت عليه خليت الورقه بوجهه، ،ادم شنو هاي

ادم: بس خلي افهمج نوصل للبيت

روايه: صرخت عليه، ،جاوووووبني شنو هاي ده تخوني ادم

ادم:دنجبي اخونها منا شارع لتصيحين بس خلي نوصل واحجيلج كولشي

روايه: شتحجي شتحجي كولشي واضح ومبين

ادم: كولتلج سكتي شارع لتصيحين

روايه :لا اصيح مووو ادم فهمني هاي شنو ،،ومنو مخليها بالسياره

ادم :استغفر الله نزلي وصلنا لا تضلين تصيحين

روايه :نزلت بسرعه دمي يفور ،، بيدي الورقه صبا ركضتلي بعدتها ودخلت للغرفه اغلي غلي من العصبيه ،، شويه واجه شمر السويج ع الميز وسد الباب

ادم :اخذ نفس... صوتج مره لخ ميعلى ،،افتهمتي

روايه :وروحه لبويه اذا ما تكول هسه هاي منين ما اضل لحضه

ادم :مو من احد ما ادري منين

روايه :شنو شايفني بلا عقل لو غبيه وتضحك عليه بكم كلمه

ادم :لا كولشي مبيج بس مو الي الورقه

روايه :لعد المن

ادم :لبارق

روايه :هههههه ضحكتني والله بارق بلا منين اجه حرفه AلوN لبارق ،،، تقدمت عليه وحجيت بهدوء، ، من تريد تكذب شوفلك كذبه مرتبه

ادم :رفع ايده راد يضربني

روايه :صرت كباله ورفعت راسي ،،تفضل اضرب شنو منتظر يلااااا

ادم :روايه تسكتين لا احرك البيت عليج افتهمتي

روايه :هسسسسسسسه تكول هاي منين

ادم :من صديقتج نبأ ارتاحيتي

روايه :شنو هه شنو من صديقتي ا ، اد م ،،، شدتكول

ادم :اي ليش ما ردت اكولج هاي صديقتج اكثر من مره تجي من تنزلين انتي ومرتين خلت رسائل وهاي ما انتبهت الها

روايه :عندك علاقه وي اقرب صديقه الي

ادم :دنجبي لج شنو شايفتني هيج لا ذمه ولا ضمير ،،هي سافله شسويلها

روايه :ادم رسالتها مال تنتظر رد مو مال تعترف باعجاب

ادم :تقدم عليه ،،ابتعدت ،، اسمعيني والله العظيم ماعندي شي واصلا اكثر من مره رزلتها بس هي شسويلها