مشتاكلك والليل وحشه
ودمعتي التنزل ثكيله وصوتها منطيح عالي
حتى محد يدري بيها
اركض اتلكاها بيدي لمن تمر على بالي
انت وين انا نص موعد بدونك
مدري ياهو يسد مكانك
وحشه افراكك جبيره بكد عشرتك
نار تكبر تحرك ابروحي امنيات
ايهاب المالكي
_____________
رقيب ///
اجه امر نتوجه للبصره وفد ،،، الكل تحضر صعدنا الطياره ،، تعبان ومشتاق لصبوه روحي مشتاكه الها ،، نزلنا بمطار البصره توجهنا لصاله ال VIP انتظرنا شويه وكملت الاجراءات
حسنين : هااا انزل جنك محد يدري
رقيب:لا خلها باليل
حسنين : لا يجي عليك تبليغ ورانا ترقيه
رقيب:خايب دنعل ابو الترقيه خلي اشوف احباب روحي
حسنين :الك الله يالعزابي
......وصلنا الفندق ،، الاكل انفحص وتسلم للغرف ،، امنت الفندق باليل غمزت لحسنين وفهمني ،،
رحت اشوف اهلنا ،، دخلت للبيت ما موجوده رحت لبيت امها
روايه :يا رقيب
رقيب:اشش عمه شني وينها
روايه :بغرفتها
رقيب :فتحت الباب وانتجيت اعاين عليها طايح شعرها بالكاع وراسها منزلته من الجربايه رافعه الكتاب ورجليها ع الحايط،،شلون تدرس ما ادري
صبا:رقيييب
...شميتها ورد الهوى بريتي افيش يا صبيه ،، الخاطر الله مسويه لدنيتي طعم
اعاين عليها جني هسه شفتها ذيج ام كوشه وخايفه توسدت حضني وريتها لا كامت
كوه عفتها ،، رحت شفت اهلي وسلمت عليهم ،، عيني عليها ما شمالني ،، كل ساعه التفتت ماريدن اروح
رديت للفندق مهموم
حسنين :سأل عنك اللواء
رقيب:...... شلون جا ما نشوف اهلنا
حسنين :اي سابح بعد شتريد
رقيب:اي وعلي اخذت بانزين
حسنين :الك الله يالعزابي
رقيب :والله شليت حالي دخذ مره وفكنه
حسنين :اريد احب واخذ جا بس انته اخذت العشكته
رقيب:خله عينه تفف
...... كمل الامر رجعنا لبغداد ،، وره كم يوم اجه الامر مالتي بنقلي للموصل ،، عدنا اخبار عن تحركات داعش داخل المحافظه ،،وعن خطب تقام بالجوامع ،، بالغربيه مضاهرات كلش مختبص الامر
وصلت انا وحسنين وجم واحد من الظباط ،، وصلت للفوج ،، شهرين ضبطنا عمليات ارهابيه ،، انزل للموصل هم بالسوك وبالمناطق ،، نص العالم تحشدت ضد الحكومه ،،
أنت تقرأ
طرقت بابك
Romanceلم أعدُ أنتضر أحد أن يأتي ولا ابالي ان طرُقت بابي قد محت لهفة الانتظار و غادر الشوق والحنين دياري واصبحت مشاعري باردة كالجليد تغير كل شيء بداخلي لم أعد أهلع عند رؤيتهم ولن يخونني قلبي ويسرق نبضهُ لأجلهم ولن تتلئليئ عيني عند رؤيتهم ولن يتغير أ...
