طرقت بابك

البارت ٥٠

‏أحياناً نمنح الآخرين ما ينقصنا ،
نعطيهم الإهتمام ونحن نفتقده ،
نرسل الابتسامة و نحن بأشد الحزن ،
نعطيهم الأمل ونحن بقاع اليأس ،
نمنحهم أشياء نحن بأشد الحاجة لها ،
لأن لنا نفساً طيبة تفرح بالعطاء ..🤍

____________________
روايه ...راقبت صبا اشوف حركاتها ،، ابتسامتها،، نضراتها ،، خجلها من يباوع عليها رقيب ،، تضايقت حيل هنا الحجايه تمس وتضل ع المراه ،،

روايه:بعد روحه هناك ورقيب موجود ممنوع

صبا:ماما اضوج هنا وحدي

روايه:صبا حجايتي تسمعيها سمعتي علمتكم ع الصراحه بس مو معناها تكونين صريحه وتسوين شي غلط

صبا:بس اني ممسويه شي

روايه:صبا مسويه ،، ماما هنا النظره تنحسب عليج ،، وانتي وي رقيب الكل ملاحظكم واعتقد متقبلين تجي حجايه عليج او عليه

صبا:لا ما اقبل

روايه:اعيدها عليج وما اريد استخدم وياج غير اسلوب بنتي وعندي ثقه بيج واعرف مراح تكسرين حجايتي

صبا:بعد ما اروح

روايه ...عفتها ورحت للمطبخ اراقبها كاعده صافنه ع التلفزيون بس مو بالها ابد كل ساعه تتنهد ،،

...اجابج ع هل مشاعر هاي وين بهيج مكان يا صبا

روايه ...اليوم عرفت يلتحق ،، راقبتها ضلت بغرفتها ،، اذن ومهيب يصلي سمعت ضربه حصوه فتحت شوي الشباك شفته واكف بعيد ومبتسم ،

هذا زودها كلش ،، شويه وراح

مهيب:شسوين واكفه

روايه :رقيب هنا واكف

مهيب:وينه

روايه:هذاك راح

مهيب:اي مو اليوم يلتحق ،، شهم ما تنزلينه من يم ريان

روايه:بسرعه يفز خلي يمه

روايه ...ثاني يوم ،، صحت لريان

روايه:سد الشباك مال صبا

ريان:ليش ماما

روايه:تعال بالغرفه

ريان :صاير شي

روايه :اسمعني ،، هذا رقيب عينه من اختك وكم مره رشا سمعتني كلام هو يريدها تكمل سادس ومن يتخرج يخطبها ،، واني هل سالفه كلها ما اريدها

ريان:بينهم شي

روايه:لالا سألت صبا وحجيت هم وياها ،، بس اني الموضوع كله ما اريده اكطع من هسه والفجر شفته واكف براه ماريد اختك تفكر بي

ريان:وهاي خاف ده تباوع عليه من الشباك

روايه:لا اصلن اني هم ما متأكده عليها بس الشباك اريده ينسد من بره