طرقت بابك

البارت ٥

انا المجتوف ما يفتك
انا الينشاف جنه بخير
انا الجذاب من يضحك

انا الضايع كحل بليل
انا المبيوك انه المامش
انا البس اسمه بشر عايش

انا الخلكه ظرف مشكوك
انا الثكلت عليٰه روحه
انا الكل تايه وكل عابره تلوحه

انا المتروس صدره عتاب
انا العينه عله دكت باب
انا المادري شكبره
انا الباكه بياظ الشيب من عمره

انا الضاعن احلامه طيور
انا الماله عمر يسوه
انا الفدوه
انا الحته احله ايامه كظن كوه

انا الينشد
انا اليفكد
انا المتركد تركد

انا الينلجم من الريح
انا الوي الغروب يطيح

انا البس بلحزن ينكال
انا البلغربه يتغنه
انا المايوم جفه تواعد بحنه

انا المدري عدل ميت
انا الماينشد عنه ....

......................................................
روايه :وكعت الورقه وياها ضرف بي هم رساله قريت اول وحده وتفاجأت عقد ادم والورقه الثانيه رساله مكتوب (بسم الله الرحمن الرحيم حبيبي ادم انا جدا اعتذر عن الذي حصل واتمنى منك ان تسامحني حبيبي اخيك هو الذي اغواني بكلامه واسلوبه سامحني ارجوك عاشقتك دعاء) كانت الرساله نهايتها بيها طبع شفايف بحمره ...حسيت بدوخه كأنما واحد ضربني براسي صح مابينه حب بس تعودت عليه حبيته بس ليش ضم عليه هيج موضوع ...رجعتهم لمكانها ورتبت الغرفه وعزلت ملابسي والدمعه بعيني بس ما بجيت ما يستاهل الخداع ...بخرت بخور ورد جوري وياه مزيت مي ورد طلعت اكمل البيت والغدا وياهن ...رحت للمطبخ وصار كبالي بارق ابتسملي استغربت نضرته

زينب:بعد وكت لو ضاله للعصر بالغرفه

روايه :زينب سكتي عني

زينب :عيدي شنو كلتي بلا ما سمعت

روايه :اللهم طولج ياروح شتردين مني فهميني ما كافي ادورين مشاكل

زينب :طولان لسانج بسيطه عباااس تعال وينك عباس ما تسمعني

روايه ...ضلت تعيط واني اخذت مواد الغده وبديت اشتغل وهي وحدها تصرخ اجالها سبع البرمبه

...تعال شوف هاي لسانها شطوله وترادد

...شبيج وياها روايه ما تخلص احنه

...عوفها عوفها صلافتها زادت بعد غير حبلت

...هي وياج احجي شبيج وي مرتي

روايه:سكت مرتك تره وصلت حدها وياها صار مفهوم ...تقدم عليه راد يضربني سمعت صوت حسيت زرف طبله اذني
ادم :عبااااااس دير بالك تمد ايدك لو ترفعها عليها

عباس:اجه السبع وتعلي صوتك بعد

ادم :احذرك هاي اخر مره اذا ترفعت ايدك ع مرتي
وروح امي اكسرها وما اخلي اعتبار لآي شي