صَعبه من تلوم گلبك
كُلشي منّك
وانتَ تدري الكُلشي منهم
صَعبه من تصير وياهُم عليك
وتگعد تچذب الضنون ، تبررلهُم
وفشله من تفيض عينك يم صورهُم
وانتَ تدري الوادم المستعّز بيهم
مايحبوك وتحبهُم.
♡
__________________
صبا ...رجعت من المدرسه مريت ع ريان شفته يحمل بالغراض ،،
صبا:رييييان
ريان :هلاو صبا ها اجيتي وحدج
صبا :اي هاي مي اشرب هيج تعبان
ريان :ميخالف اليوم ينطيني يوميه زينه ،، اكولج ماما اجت شافتني
صبا :يممممه وهسه شلون ارجع للبيت شيخلصني
ريان :سوي نفسج مصدومه وكولي يعني كذب عليه وعاركيني من ارجع
صبا :خوش هاي هي ،، بس انته شوف نفسك تعبان
ريان :ميخالف صبا ،، اني مو زغير قابل يلا روحي الشمس حاره وجهج صار احمر
صبا :ماشي
ريان :تعالي هاي لفه كباب اخذيها اكليها ،، وهاي كارتونه خليها ع راسج حاره ،
صبا :لا هسه اروح للبيت ماما مسويه هاي الك انته اكلها
ريان :لا ولج اني اكلت خليتها هاي الج
صبا :ماشي ،،، بس عفيه دربالك ع نفسك
ريان :ان شاء الله يلا روحي
صبا ...رجعت للبيت ريان تعبان وقحطان ،، وصلت فتحت الباب ماكو احد
ماما ،، ماما
امم هاي يم خاله زينه ،، خلي ابدل واشوف شنو مسويه غده ،، كملت تبديل ،، دخلت للمطبخ ماكو شي ،، البيت فارغ ،، ريان مرجع ،، صارت ب٢ بعدين ب٣ بعدين ب٤ وماما ماكو ،، رحت لبيت عمو خلدون
علي:ضحك،، هلا صباوي
صبا :علاوي ماما عدكم
علي :لا ما اجت
صبا :لعد وينها ماكو
زينه :هلا صبا تعالي دخلي
صبا :خاله ماما متدرين وين من رجعت لحد الان ما رجعت
زينه :يا وين راحت
صبا :ما ادري رايحه للبيت اني انتظرها
صبا :هسه اجي وراج روحي
علي:لاتخافين ماكو شي ماشي
صبا :ضحكتله ،، تمام
صبا ...اجتي خاله وضلت يمي ،، رجع ريان المغرب وعرف امي ما رجعت ضل بره ،، لليل رجع عمو خلدون واجه علينا ،، طلعو يسألون عنها وماكو ل١٢باليل رجعو
صبا :ها ريان
ريان :امي ماكو
زينه :صخام بوجهج زينه وين راحت
أنت تقرأ
طرقت بابك
Romanceلم أعدُ أنتضر أحد أن يأتي ولا ابالي ان طرُقت بابي قد محت لهفة الانتظار و غادر الشوق والحنين دياري واصبحت مشاعري باردة كالجليد تغير كل شيء بداخلي لم أعد أهلع عند رؤيتهم ولن يخونني قلبي ويسرق نبضهُ لأجلهم ولن تتلئليئ عيني عند رؤيتهم ولن يتغير أ...
