طرقت بابك

البارت ٣٣

التعب عاشر گلايدنه وصفت صفره
النهر ضيگ ومامش حيل ونعبره
شــبـعــد ونعاشر التابوت مو متنه الف مره

لـ زهراء حامد

________________

روايه ...وكفت خجلت كلش كلش ماحبيت الوضع الي شافني بي ،، افرك بيدي من التوتر
اخذه صديقه ع صفحه يحجي وياها بس اسمع صوتهم

مهيب :شبيك شنهي تعرفهم

خلدون :اي جارتنا

مهيب :ها ،، بس الجهال شايفه انا

خلدون :اكولك روح هسه باليل امر عليك

مهيب :وضعك ما عاجبني نكلبت گلاب ،، يلا رايح جدامك فيمالله

روايه ...لملمت الاغراض ضميت الفلوس

ريان :ماما اني اشيلهن

روايه :لا اني عوفهن

خلدون :اجه كبالنا ،، باوعلي بنظره شفتها بوجه العالم كلها اله همه ما ردتها منهم (العطف والشفقه) ،،خلي اوصلكم كملتو شغل

روايه :لا ابو علي احنه نروح مايصير اركب وياك كدام العالم

خلدون :كسرتوني يا روايه

ريان :عمو احنه ممسوين شي غلط وامي وين ما تروح اني اروح وياها

خلدون :باسه براسه ،، وجهي اسود منكم

روايه :ما قصرتو لا انته ولا زينه بس هذا الوكت ما ينصف احد والحمدلله

خلدون :امشي صعدو خرا بالناس الي تحجي

ريان :ها ماما

روايه :امشي

روايه ...رجعنا للبيت ،، بس طول الطريق ينفخ ويستغفر ،، وريان كاعد كدام كل ساعه يلتفت عليه

خلدون :نزلي لبيتنا

روايه :لا خلي نروح لبيتنا

خلدون :اكلللللج لبيتنا

ريان :عمو لو سمحت لا تصيح ع ماما

خلدون :استغفر الله ،، ريان دخلو

روايه ...دخلت الهم زينه تلكتني

زينه :اشرتلي بعيونها ،، شكو

روايه :امشي

خلدون :اثنينجن كدامي

زينه :ولج احجي شبي جنه ثور جاي

خلدون :كعدن كبالي ،، اي ست زينه تدرين بصاحبتج شتشتغل

زينه :التفت عليه ،، ولج مصخمه بس لا اشتغلتي سوالف تعبان

خلدون :زززززينه