نقصد فد واحد 😜👇🏻
سلاماً على روحٍ ملأت روحي حباً دون لقاء.
_____________________
صبا:منو
علي:اني
صبا :فتحت الباب وابتسامه علي مثل العاده ع وجهه ،،، هلاو علاوي
علي:هلابيج ،، اكولج كولي لمج ابويه يريدها
صبا:شنو يريد منها
علي:الضابط يمه كاعد ويريد يحجي وياها
صبا:وما دريت شنو يريد منها
علي :لا ما دريت والله يلا صيحيها
صبا ...سديت الباب واني كُلي ضليت ارجف ،، يربي شنو يريدها منها خاف هم يريد يزوجها ،، ما راح اكول الها خلي يروح
بس خاف يرجع علي وهي تفتح الباب ،، اوووف شنوو اسوي ،، تشجعت ودخلت عليها
صبا :ماما
روايه :ها شبيج
صبا :هذا شسمه
روايه :شبيج احجي
صبا :اجه علاوي يكول الضابط فهد كاعد يم عمو خلدون يريدج
روايه :تباوع ع خاله زينه إقرأ حركاتها ،،، شنو زينه خلي نروح
صبا :خلي اجي وياج
روايه :لا انتي ضلي خاف يجون احد زبائن وانطيهم وكملي دروسج
_________________
روايه ...اخذت عباتي ورتبت شالي وطلعت
زينه :هلا هلا راجع يخطبج من خلدون
روايه :ما اتوقع ،، لان اني رزلته هوايه
زينه :خيه يحبج الحب اغم شبيج انتي
روايه ...دخلت وباب الاستقبال مفتوح فهد صار كبالي شافني ودار وجهه عني
خلدون :مبتسم هلا هلا ام ريان
روايه :السلام عليكم
فهد:مدنك راسه وعليكم السلام
روايه :خير شنو الموضوع دازين عليه
خلدون :خير ان شاء الله تفضلي هاي الاوراق
روايه :استغربت ،، شنو هذن
فهد:هذن اوراق التقاعد مالتج طلعته وهذا صك ترحين انتي لازم بعد تكملين الاجرائات وتستلمين الفروقات مال السنين
روايه :لحضه يعني التقاعد طلع
فهد:اي نعم ام ريان هذا صك هم بسمج وانتي الوصي وحتى شغلات المحكمه والامور القانونيه خلصتها كلها
روايه :باوعت ع خلدون ،، رجعت باوعت ع الاوراق ممصدكه
فهد:حالياً وصايه الاولاد وراتبهم يمج انتي ،، تنهد وكمل ،، واي شي تحتاجينه بالخدمه
أنت تقرأ
طرقت بابك
Romanceلم أعدُ أنتضر أحد أن يأتي ولا ابالي ان طرُقت بابي قد محت لهفة الانتظار و غادر الشوق والحنين دياري واصبحت مشاعري باردة كالجليد تغير كل شيء بداخلي لم أعد أهلع عند رؤيتهم ولن يخونني قلبي ويسرق نبضهُ لأجلهم ولن تتلئليئ عيني عند رؤيتهم ولن يتغير أ...
