طرقت بابك

البارت ٧

غّيمت والليل چلچل
والخواطر سيرت وي الغروب
وگوطر بروحي الحنين
اشمالها ويه الليل من يجبل تلوب؟
وچني شمعه وذابت بحضن الصواني
اشباقي بيه ، البيه ع البيه يذوب 💔.

__________________
ادم :شوفي راح احجي واذا طلعت حجايه معناتها منج

روايه :كعدت عدل وصفنت عليه ...يلا احجي بسرعه فضولي ذبحني

ادم :اشتريت قطعه ارض قبل فتره وره ما حملتي ...وهسه خليت الاساس صار سبوع

روايه :لحضه لحضه صدك تحجي يعني وهسه ده تبلغني

ادم :اي عادي ضبطت اموري كولتلج

روايه :واني شنو بحياتك رجل كرسي ليش هو هذا البيت الي ده تبني المن غير الي ولأطفالي وحضرتك هسه تكولي مو

ادم :اووو سوت سالفه واني اجيت افرحج

روايه :لا لشنو تفرحني اصلا ليش حجيت اني شنو وتستشيرني ولا شي

ادم :شوو كومي منا مو صوجج اني حمار كولتلج

روايه :لالا وصار صاحب الزايد بعد مشتري ومبلش بناء وهسه جايني يبلغني وشنو ياا روايه لا تحجين ولا تكولين كلمه

ادم :روايه ولي من خلقتي وخري لا بارك لله بيج طلعتيه لروحي

روايه :والله والله يا ادم فلا اعتب هل بيت الي ده تبني وهاي اني وهذا انته وشوف

ادم :الله كريم يصير خير طفي الضوه اريد انام

روايه :وديني لهلي

ادم :استغفر الله ياربي يا بنت الناس كومي مني لا تسوين سالفه

روايه :ماريد وديني لهلي

ادم :باجر اوديج خليني هسه انخمد

روايه :هسه يعني هسه ......سحبني من ايدي وكعت بحضنه ...ضليت ادفع بي ...وخر ادم وخر عني لا تحبني ولا شي

ادم :اششش سكتي دوري وجهج عني دوري

روايه :يعني هسه صار حتي وجهي ما يعجبك

ادم :لا بس اريد احضنج وانام

روايه:خجلني العيار ......ما يعني ما

ادم :تمام وهاي خوش تربيطه شو تعالي صايره شكبرج

روايه :خلاني بحضنه بس بطني مسويه حاجز بينه وجهي بوجه مخنزره عليه

ادم :نامي
روايه :معليك
ادم :ليش تباوعين هيج حلو
روايه :وجهك مخسف منين حلو
ادم :ميخالف
روايه :وخر اختنكت
ادم :يوميه لازكه بحضني حبوبي بس احضني عفيه ادم بس بوسني وهسه شالت خشمه
روايه :يممممما شوكت هاي
ادم :ادري بيج اني اقره عيونج
روايه :اي مو انته تقرأ الافكار صلاوات
ادم :اي حتي اشوف الكف واسوي سحوره ما تشوفين قبلتي بيه
روايه :ومنو كالك اني قبلت بيك