طرقت بابك

البارت ٤

#طرقت_بابك

بوجع روايه '''
هلي كل التعب منكم
هلي لو بيه اعاتبكم
هلي لو بيدي مااكبر
هلي خلو الحجي مدثر
هلي كون العمر يرجع
هلي كثرت مواجيعي ولا بيهم بشر يسمع

____________
ادم :اي دكتور شبيها زوجتي

الدكتور :مبروك زوجتك حامل بس عدها فقر دم خلي تنتبه لنفسها

جمان :يا عمري راح يجي الحفيد واخيرا شكد انتظرنا طفل بيتنا

ادم :صدك لج روايه سمعتي انتي حامل

الدكتور :عليها العافيه ان شاء الله

جمان :اذا ولد شنو نسمي واذا بنيه هم شنو يابه فرحانه ...ادم هسه زينب تشد وياها

ادم :ها شكو هذا رزق ...روايه شبيج ما حجيتي شي

روايه :ها ما ادري الله يتمم ع خير .... الخبر كان صدمه الي ما مخليه فكره الحمل بالي ابد ما اعرف شنو الشعور بس مو فرح لا ابد خوف سره بجسمي الف فكره اجتي بالي بس ما اعرف شنو هي ضليت مصدومه عمري ١٤سنه يا تره اعرف اربي طفل ...زين ودراستي معقوله ضاع مستقبلي اوووف ...اجت السستر شالت المغذي وطلعنا من الطواري بالطريق اخذ ادم معلاك ...

ادم :بعد شتردين ست روايه هذا معلاك شوفي راح يجي حصار تغذي زين بعد نضل كلشي ماكو

روايه :يمعود بس حجي ماكو شي

جمان :سمعت عباس هم يحجي يكول خلو عقوبات ع العراق

روايه :ليش شوكت شفنا يوم حلو احنه العراق ما يصفى ابد

ادم :لا ان شاء الله انتهت الحرب بعد ماكو شي راح نرجع مثل ما كنا قبل وكولي ادم كال

روايه :الله يسمع منك بس ما عندي امل هل جمله سمعت من بابا الله يرحمه من بدايه الحرب يكول بس تخلص الحرب راح يرجع الوضع ...هسه خلصنا الحرب ودخلنا حرب ثانيه ونسمع راح يخلونا بحصار بعد يا حياة حلو يا ادم دخلنا ال٩٠وبعدنا نفس وضعنا

ادم :دكولي يا الله بس تشأم

روايه ...وصلنا للبيت اني تعبانه دخلت للغرفه وادم بلغهم بحملي سمعت عباس باركله هو وبارق عرفت بيهن ما حجن الله يستر بعد ...شويه ودخلت جمان بيدها صينيه شاويه المعلاك اشتهيته كلش واني اصلا ما احبه

جمان :اي عيني ندللج بزود ابن اخوي

روايه :تسلمين حبيبتي وين ادم ما ياكل يحبه

جمان :كاعد يم عباس

روايه :اكولج جمان انتي ليش تركتي المدرسه حرامات

جمان :ماحبها

روايه :لا شنو ما تحبيها ادم يكولي كلش شاطره انتي واخذتي الثالث وكعدتي ليش