طرقت بابك

البارت ٣٠

انه بخير مادام الله وياي
هوا يبدل الدمعه بابتسامة
وهوا الياخذ بثار المساكين
مثل ما ياخذ بثار اليتامه

________________
روايه:طلع من الجيب الكلاده ،،اخذتها من عنده

ريان :ماما هاي الكلاده مالتمن

روايه :ضحكتي ع وجهي انرسمت بفرح ،، هاي اني ضميتها اول ما اجينا للبيت ما تذكرها

ريان :اي اذكرتها جنتي لابستها

روايه :اي هديه ابوك هاي ،، بستها ،، لك ماما هاي مكتوبه الك اخخخ يا ادم هم ما موجود وتسهل امورنا

صبا :شنو عدكم ،، يا ماما هاي كلادتج

روايه :اي اجت بوكتها تنقذنا

صبا :يعني ما بعتيها وي الذهب

روايه :اصلا نسيتها ،، ضلو هنا خلي اروح لبيت خلدون هسه اخذها وابيعها

صبا :احنه هم نضل عدهم

روايه :اي ماما ما اطول

ريان :مابيه حيل اروح والله

روايه :لعد اخلي خالتك تجي يمك

روايه ...طرت من الفرح دخلت للغرفه بسرعه بسرعه عيني ما اخليها تجي ع الصوره خجلانه من عنده ،، شكيت همي وحملته الي بينا ليش هو وين هسه قابل ،، استغفر الله ،، طلعت ركض الهم

ابو عادل:شبيج بنتي ابنج بي شي

روايه :اضحك واحجي ،، لا عمو مابيه شي
دكيت الباب حيل فشلته ،، فتحولي الباب

دنيا :منو

روايه :اني فتحيلي الباب

زينه :اجت تركض اديها كلهن وغف تايت ،، ولج روايه شبيج يمه بس لا ريان بي شي

روايه :احجي واضحك ،، رفعت ايدي اشوفها الكلاده ،، تذكريها

زينه :شايفتها هاي بلا بس ما اذكرها ،، يا اي اي اذكرت جنتي لابستها شفتها عليج بالفاتحه

روايه :عفيه ،، وناسيتها بملابس ادم ضميتها

زينه :اوووي بعد عمري يا خويه حتى بغيبابك عينك ع جهالك

روايه :هسه سكتي مو وكتج رجلج وين

زينه :بعده مراجع شتردين منه

روايه :اريد اروح ابيعها

زينه :لا خليها للعوز ضميها

دنيا :يعني هسه وكتها اجه شبيج غير تعالج ابنها

روايه  :والله تفتهمين اني ردتج بس ما صارت سمعي منها ،،لعد يا عوز واني اريد اخذ ابني اشوف حالته

زينه :اي تمام لعد بس يجي اكوله وروحي وياه للصايغ

روايه :لا ولج استحي بس احنه