طرقت بابك

مشاهد من المستقبل

مشهد .....

انتجيت ع الحايط، ،شفت مخزن السلاح بي طلقه وحده، ،

ابتسمت هاي انتي الي راح اكتل روحي بيج بستها وضميتها بجيبي

غوشن عيوني صار 3ثلث تيام بهاي الخرابه محاصر انا وربعي اشوفهم من بعيد كلمن ماخذله زويه حامي نفسه من هل مخانيث

...صوت الهاونات والرمي يصلي صلي، ، سمعت صوت جريب عليه

هنا دوله الخلافه هنا الدوله الاسلاميه

عرفت گربت نهايتي بس هيهات وانا الشروكي اخليهم يمثلون بجثتي

طلعت من الخرابه ،،وسياراتهم بعيده مشيت مدنج راسي ،، صار رمي عليه

:سيددددددددي احمي نفسك دنك راسككككككك

___________________________
مشهد......
:اگلك

:كولي ريحانتي

:اكلك هذا الموبايل الجبته ليه شو جنه خربان

:شني ما يشتغل بي غير جديد

:اندري ما شونه

:يا برنامج ما يشتغل عندج

:سميره وجميل وابو ساطور

:شني هاي منين اكو هذن البرامج

:دوكف هسه اكتبهن بالانكلوزو

:ديلا

:Camera;gmail;Apple
store

رجعت اتصلت عليه ،، ها وصلت الرساله

:اكلج بويه خابرني ابو الجهاز يگلي رجعه حضري خلي ارجعه واغم روحي

:احسن رجعه هذا النغال عطلان مغشمرني بي ولك انضحك عليك ،،كلشي ما يشتغل بي

_______________
مشهد ......

...حسيت جسمي نار ،،واني سن يطك بسن من البرد هو متمدد بصفي ويسويلي كمادات حضنته بكل قوتي حتى ادفي نفسي

تركني ،، وراح جاب بطانيه لخ ،، حسيته هو رجع حضني نومني بحضنه وعصرني حيل

:بويه كعدي بس شربي الحبايه

:ماريد بس اريد ادفه احضني حيل

:اخذي دواج ونامي ما يصير ،، شوو فتحي حلكج ادري چاهل

...اخذت العلاج ورجعت بحضنه

:مجاي ادفى

:تعالي بويه حذاي كلش

:جرني لحضنه ،،خله رجليه بين رجلي ،، راسي صار بركبته ،، نفسه عالي ،، وكل ساعه يخلي شفته ع كصتي

:شبيتي نار

__________________________

صباح العافيه شلونجن بنات

نزلت شويه مشاهد المستقبل 😉شويه حماس يصير لان بسبب تأخيري اعرف ضجتو بس والله مو بيدي اصلا احس فاقده شي ،، بس عندي ضروف وانتم بعد اعرف شلون رمضان يلهي والحمدلله ،، وملتهيه وي ابني مريض

بنات راح اوقف القصه وره العيد ابلش انزل يوميه بارت احسن هيج ،، وعذروني ع القصور اعتذر كلش منكم

#الكاتبة_شهد_السكيني