طرقت بابك

البارت ٢

جرح وموادعك سجين ماخلى كتر بينه
كلف ممشى الرمل
بالصيف والحر نهش رجلينه
نطيح ونرد نوكف روس من ينجاب طارينه
عطش فطر سمار الروح
وتشلبه على باجينه
عذاب ابنادم امن ايشوف باعو لذة اسنينه
___________________
روايه ...مو كل المواقف نسكت عليها ولا كل المواقف نكدر نتحملها او نمشيها مو كل المواقف نكدر نكمل وراها مثل الاول ولا كل المواقف تروح بدون ما تترك اثر دائما المواقف تغيرنا ومواقف تخلينه نعيد حساباتنا ومواقف راح تصحينا اني متاكده مرات نتصرف باشياء خارجه عن ارادتنا او عكس مشاعرنا ياريت لو الناس تشوف وتقدر الافعال قبل ما تنتقد ردات الفعل ...
الشي الي سمعته اكبر من عندي كان طموحي دراستي وشهاده عندي اتباهى بيها مو زوج وعائله ...سمعت ابويه وامي يتناقشون بمصيري بحياتي يحددون الي يشوفونه همه الصح ...دخلت للصاله صرت كبالهم عرفو بيه سمعت شمرت الجنطه على الكرويته ...وعطت بصوت عالي ...

روايه :الي تخططون اله لا تفكرون بي لان مستحيل اسوي مو عبالكم بناتكم الي انطيتوهن وهمه زغار انا غير يابه

ام روايه :ادبسزز لا تصحين لا اجي افرك حلكج بالقندره

ابو روايه :انطيتج وجه بت الكلب تلعلعين وتصيحين اذا ما الفج بيت رجل واخلص منج اخ تفووووو عليج وعلى تربيتج

روايه :ابويه تفل عليه استهضمت ع شنو لان ما اريد ازوج ... يابه بالقران اسوي شي بنفسي واشهركم كلت زواج ما ازوج وصلت لو لا

ام روايه :عايقه وادبزز امشي تحسين تولي غصبا ما عليها توافق

ابو روايه :لا بارك الله بيج من خلفه بس التعب من وراجن خلي انطيج واخلص

نور :السلام عليكم ...يا هاي اصاير ليش متكومين على روايه شبيها

ام روايه :تعالي ماما هلا شلونج ...هو شيجي من هل عايقه غير المصايب

ابو روايه :زوجج وين بابا

نور :وصلني وراح ...احجيلي ماما اصاير شبي وجه هيج روايه ما تحجين شبيج بس تبجين صاير شي وكعتو كلبي

روايه :تعالي سألي اهلج الزينين يردوني يزوجوني ويدمرون مستقبلي العالم ده تطور واني بس اني لازم ما اكمل

ابو روايه :بت الخرا مو اجي ادوس بطنج امشي من هي دنعل ابوج

ام روايه :ماما اخذي اخذتج وصعدي هاي حتموت ابوج

روايه ...والله والله ما سامحكم والله ...اتركيني نور ...انهاريت بالبجي ونور اخذتني من ايدي وصعدت ...بالقران اذا صار واجوي وافقتو اشرد من البيت ومحد يعرف الي اثر وتعالو عود استرو نفسك ...نور عوفيني