طرقت بابك

البارت ٢٩

روايه تكول :

اڪرهم كرهه بس الله يعلم بـي
واكل لروحـي حقـدي وبلحـقد زيدي
ولو لحم لبشر ماينوكل مكروهه
اكـل من لحمهم لو وكع بيـدي

______________
روايه ...التفتت اريد ارجع وجان تجي سياره بلزمه البريك مالته ضربني ،، وكعت بالكاع

ثواني وفتحت عيوني ،، رجال جبير يذب ع وجهي مي ،، وشباب ملتمين عليه ،، بسرعه عدلت ملابسي

الرجال:بويه ما طالع منج شي ،، شلون اني اسفه والله انتي طلعتي كبالي

...مابيج شي ان شاء الله امشي ناخذج للمستشفى

روايه :لالا ماروح مابيه شي

الحجي :لابويه صدك جذب شلون خاف متأذيه مكسور بيج شي خلي نروح

روايه :لا عمو والله مبيه شي ولا تخلي بالك اني الغلطانه

الحجي :بويه عذريني ما شفتج

...عندج العافيه مابيج شي ان شاء الله

روايه :شكراً ،، ردت اكوم ايدي مزلوغه توجعني كعدت ع الرصيف

الحجي : اصعدي وياي بنتي خلي اوصلج لبيتكم

روايه :لا عمو ما اكدر هسه اني اتمشى واروح

الحجي:لا ما تكدرين تمشين خلي اوصلج واندل بيتكم خاف تحتاجين شي

روايه :لا ،، كمت رجلي تاذيني ضليت امشي واعرج بيها ،، التفت عليه صدك ما اكدر امشي

الحجي :بنتي تعالي. ركبي ليش خايفه مني شني شفتي بحياتج وهيج ما عندج ثقه

روايه :حاجياته بزت كلبي ،، عمو بني ادم ما ضلت عدهم رحمه

الحجي :صعدي بنتي مبينه الدنيا مراويتج الويل

روايه ...رجعني للبيت نزلت واندل بيتي ،، ودخلت وهو راح ،، غسلت ايدي وعقمت الجرح ،، وشديتها ورحت للجهال فتحلي الباب خلدون

خلدون :هاي شبيها ايدج

روايه :حادث صغير

خلدون :ما تأذيتي شنو وكعتي

روايه :رجال دعمني بسيارته

زينه :هلا روايه يا عزا شبيج

روايه :خلوني ادخل واسولف الكم ،، كعدت ع الكرسي الي بالحديقه اجو الجهال هم يلعبون مكملين دراستهم

زينه :زين انتي شرجعج هيج وكت

روايه :بطلوني من الشغل

خلدون :ليش

روايه :والله ما ادري ،بس شسمه

زينه:شنو

روايه :شفت عباس طالع من العياده ومن دخلت مبطليني. من ردت ارجع افهم ليش اجه الرجال وضربني