طرقت بابك

البارت ٢٥

صَعبه من تلوم گلبك
كُلشي منّك
وانتَ تدري الكُلشي منهم
صَعبه من تصير وياهُم عليك
وتگعد تچذب الضنون ، تبررلهُم
وفشله من تفيض عينك يم صورهُم
وانتَ تدري الوادم المستعّز بيهم
مايحبوك وتحبهُم.
♡

_____________________________
ام روايه :شبيج انتي شنو تردين اكولها يعني انطي جهالج

رحمه :ماما ده تشوفين بتها شنو من عرامه عدها اذتنا

ام روايه :اي ميخالف مابيدنا شي نتحملها قابل وين تروح

رحمه :عدها بيتها خلي تروح بي

ام روايه :يااا. هذا اي بيت متكوليلي اذا هو بعده هيكل كلشي مبي

رحمه :ما ادري بس انتي احجي وياها لو تروح لبيتها لو تنطي جهال لهلهم هم هي صغيره قابل تظل هم تزوج تره كله عمرها ٢٤ سنه

ام روايه :بلا سدي الموضوع ،، ان شاء الله من يجوها ناس اني افاتحه بس هسه نتحملهم شلون ما كان

رحمه :والله اني بعد ما اتحمل بتها بس تضرب يزن اضربها

ام روايه :رحمه ما بيه حيل مشاكل اني كل ساعه ضغطي صاعد كعدي وسكتي شتردين اكولها طلعي من بيت ابوج

روايه ...وكفت اسمع شنو ده يحجون ،، معقوله بعد حتى امي ما تتحملنا لعد وين اروح ،، الدمعه استقرت بعيني تمالكت نفسي وحاولت اقوى من الي سمعته بس وين بجيت بحسره ،، كتمت شهكتي بيدي ،، رجعت لمكاني كعدت ،، واني كلام امي يرن بأذني

امي ما تتحملني اني وجهالي لعد منو الي

......فكرت وفكرت وحرت شسوي وين اروح ضليت ساعات ع نفس كعدتي ورجعو تعاركو يزن وصبا

صبا :انته ليش هيج تسوي خربت البيت البنيته

يزن :بكيفي شنو اريد اسوي

صبا :اخخخخخخ وعدت ماما ما اضغبك

يزن :يلا جربي تضربيني ام كناكر امممم

ريان :كافي كافي لتتعاركون

صبا :تتلفت ادور ع شي ما لكت عضت ايدها ،، اخخخخخخ كمشته من شعره

يزن :اخخخخ عوفيني حقيره

روايه :ايدج عوووفي

ريان :ضربه برجله ،، لا تغلط عليها

روايه :كاااافي ،، صبا اني شنو كلتلج ،، وانته يزن يعني اكبر،منهم انته غير الجبير شلون هيج تغلط

رحمه :شكووو شكووو ياااا وهم ضاربته

يزن :راح لمه يبجي ،،ماما كمشتني من شعري شوفي

صبا :تستاهل ما متربي

رحمه :اووووو. احنه مانخلص من جهالج روايه كافي عاد يوميه نفس الشي