گتَلة سهّلة !
وهَي أبّد مِو سّهلة
إليّرضة بفَراگك
رضِة بّـ موت أهَلة
و نِطيت مُهله لـ گلبّي
يگدر ينِساك
بَس چانت لحَد
ما أمَوت المُهلة .
___________________
بارق : روايه اني راح اسافر للخارج
روايه :صفنت بوجهه ،،شنو بارق تسافر وتتركنا
بارق :لا مو هيج بس سمعيني وافهمي مني والله بصعوبه اخذت هيج قرار
روايه :كول اسمعك ولو هي ضلت عليك 'درت وجهي عنه
بارق:شوفي يا عيني ،،اني مالي شي هنا بعد غيركم وهم مليت اريد اشوف حياتي هم تعبت
روايه :لا حقك
بارق :كلت اروح اكمل هناك اموري وصديقي هم يستقبلني ومن اضبط وضعي اجي واخذكم ما تضلون هنا
روايه :من كل عقلك انته ده تحجي
بارق:روايه بس سمعيني وفكري بكلامي ،،هنا شنو عدكم اني هسه كملت التقاعد ما ضل شي عندي وانطيت المعامله لسلام بس يكمل بيها الضل ،،ومن اكمل وارتب وضعي ادز عليج انتي والجهال
روايه :اكولك وين كاعدين احنا بمريكا
بارق :مالج علاقه بالدنيا كلها اني بضهرج ،،وفكري بيها عدل هنا شنو مستقبلهم
روايه :روح بارق وتوكل ولا تفكر بينا اني ما اخليهم يحتاجون احد
بارق :لتحجين هيج فدوه رحتلج ،،بس فكري شوي اني هنا لا شغل لا مستقبل لا شي
روايه :لا تصور ضجت او زعلت عليك هم حقك انته تشوف مستقبل
بارق :شوفي كلها اشهر واجي واخذكم اني اشوف حل اخذكم بي
روايه :الله كريم
بارق :لتخلين بخاطرج عليه والله يختي ما يهون عليه اتركم بس اجتلي فرصه وماريد تضيع مني لا الي ولا الجهال
روايه :ابتسمتله ،،رتب امورك ومنا لهذاك الوقت الله كريم لتخاف علينا مدام احنه يطلع التقاعد كلشي بعد ما نحتاج وهم اني راح اقدم ع تعيين
بارق :شلون ؟لعد منو يضل يم الجهال
روايه :ارتبها اني الله كريم ،،شوكت تطلع
بارق :بعد هسه بس ع ما يرتبوها لان نطلع ع السعوديه ومناك ع الاردن بعدين اطلع لكندا
روايه :الله يوفقك ،،تستاهل كلشي خير الك
صبا :اجت تركض ،،ماما تعالي شوفي هناك مسوين عيد ميلاد
روايه :عيب نروح الهم
صبا :عفيه خلي اروح مخلين موسيقى
ريان :صبا سمعت الموسيقى ضلت تهز من يمها هههه كوه سحبتها
أنت تقرأ
طرقت بابك
Любовные романыلم أعدُ أنتضر أحد أن يأتي ولا ابالي ان طرُقت بابي قد محت لهفة الانتظار و غادر الشوق والحنين دياري واصبحت مشاعري باردة كالجليد تغير كل شيء بداخلي لم أعد أهلع عند رؤيتهم ولن يخونني قلبي ويسرق نبضهُ لأجلهم ولن تتلئليئ عيني عند رؤيتهم ولن يتغير أ...
