طرقت بابك

مشاهد من المستقبل

:شفتي شلون فرحان يبوووووو

:اي خيه شفته

:حبيبي الله يتمم عليه ع خير

:بس شني ولج حلاتها تخبل صدك يلوكون واحد للثاني

:باوعت عليه ،،اي يلوكون مو مثل غيرهم

:شفتي شلون باسها ههه نوب ولا يستحي

.......صارت نغزه بكلبي ،،ابتسمت الهن واني الف وجعه بكلبي
اسمع كلامهن وما اريد اضعف ضليت اباوع منا ومنا اريد ابعد كلامهن

:شبيج

:لا مابيه

:خلوها يمكن تعبانه

....كمت من يمهم ماردت انكسر كبالهم ماردت ينگال عني ضعيفه
ماريد شماتتهن بيه طلعت بره رحت يم النهر بجيت بجي ضليت اشهك ما جر النفس

..ياربي هي جبير لو انا صدري ضيق ما يتحمل هل كد بعد

ماردت اسمع السمعته ،،هو الي بس الي ماريد اسمع شي عنه وعنها ماريد ماريد

__________________

:تتعودين بويه جرحج بعده طري ،،لمني بحضنه كافي تره دارت السنه

:بس ما خف الوجع والله نفسه بعده ويوميه يتكرر عليه

:كسرتنا جبيره والله يجبر بخاطرج

:اني وجعتي الاولى ما انست لحد هسه اذكر دخله امي وهي كلها تراب من دفنت ابويه وهسه شنو تكرر نفس الشي

:قوي روحج وردي الاوليه هذيج ام لسان بارود

:شلون ارجع وهو جان قوتي هذا صاحب روحي وراح مني

:جا بويه شلون صارلج هل سنه هاي لا اكلتج اكله لا وجهج ضحك حتى جامعتج كوه ترحين كليلي شلي يطيب روحج وانا اشتري بدمي

:عمو شنو انسه وشلون اكدر اكمل ادري منين ما اصفن اذكر شقانه اذكر هنا نحجي شوف هناك جان يركض وراي شلون اكدر انسه
والله كلشي فاهي بلياه تدري البارحه اني وماما نسولف بي ومبتسمه عبالك هو ويانه

:شفت دمعه وكعت من عينه دار وجهه ،،هسه اهونها عليج لو ع روحي

:انتم ما تحسون بيه اني حتى بجمعاتنا ما اكدر اتواجد لان عيوني ادور عليه بكل مكان ،،،باوعت عليه

عموووو گلبي يوجعني وروحه لبويه

...اصفن اكول لو شايفته جان برد كلبي لو جايبينه حاله حال الماتو بس هو حتى التغسل ما تغسل

عمو شفته انته مو

:كعد يبجي ،،اي بويه شفته وياريت ما شفته

______________
:من يسألونج عني ليش عفتي كليلهم جان يحبني وعشكني وجان يشوف الدنيا بعيوني وطفيت دنياه

:اتوكل بلا وهسه هذا الحجي كله بعد ما يفيد

:شلون هنت عليج شلون شلون اجيت واعتذرت وذليتني اجيت وذبيت كرامتي بالوحل كليلي شلون هنت عليج

:هههههههههههه ضحكت بصوت عالي ،، من كل عقلك جاي تسألني
هو انا شفت منك هو انا عشت عيشه وياك الحيوان ما عايشها
وتكلي شلون هنت عليج ،،روح يبن عمي عروسك تنتظرك

:يا عروس ولج اشوف كلشي اسوي اتخيلج حسي بيه حسسسسسي

:انته ليش ما تحس ولك انا صرت نار كبره بسببك ابوي ما اباوع بوجه اخوتي عدهم انا الخطيه من وراك الشمات الضحكن بوجهي روح روح وبعد ماريد اشوفك روح

:اخخخ يلوعه كلبي رايح بس هسه انا الما باريج الذمه ع كل صفنه تجيلي ومرتي بحضني هل مره انا الاكلج عايفج وذمه بركبتج بكل شوغه تجيس كلبي

_________________

مساء الخير

وهاي شويه تصبيره ع الاحداث الجايه 🤓

#الكاتبة_شهد_السكيني