#طرقت_بابك
يخيمت بيتنه وافيايه غطانه
وسوالف شيب راسه اتسولف اربانه
بأيام الصغر ماننجرع وكحين ،
يطكنه ولوبجينه يبجي ويانه
_________________________
روايه :شنو ادام اصاير وبعدين راح تصير ب١٢باليل
شنسوي عد اهلي
ادم:ماكو شي بس امج متصله ابوج يريدج
روايه :ادم ابويه بي شي عليك بروح اهلك جاوبني
ادم :ما ادري بس لبسي خلي اخذج ...روايتي اهدي شبيج ان شاء الله ماكو شي يمكن تعبان وراد يشوفج
روايه :لا ادم ابويه بي شي وما تريد تكولي ...لحضتها كلي اشنجت ما عرفت شنو اسوي ضليت بس احس بحراره دموعي بدون اي كلام ...شفت نضره قلق بوجه ادم عرفت افسرها بس كذبت عيوني ...هو غيرلي ملابسي وكمش ايدي واخذني وي حماي عباس بسيارته لبيت اهلي ...وصلنا الهم وبالباب كاعد نوفل يدخن شافنا وكف سلم ع الولد اني تركتهم ودخلت ...شفت ابويه نايم بتجاه القبله يمه نور تقره قران وع صفحه كاعده رحمه وخلود ...امي تبجي يم راسه ابوي كل ساعه ويشخر
روايه :هاي شبيكم شنو صاير شبي بابا
ابو نوفل :بنتي كعدي ارتاحي
روايه :ماما كوليلي شبي ابويه ...يابه يابه شبيك حاجيني اني روايه اجيتك...فتح عيونه وغمضهن وشخر ...يابه شبيك شنو متنك صدرك
ام روايه :ماما كعدي ابوج طلبج واتصلنا كعدي يمه
نوفل :يمعودين صلو ع النبي مو هشكل متكومين ع راسه هسه هو مات
نور:كول اسم الله نوفل
روايه :حجيت بعصبيه ويا وزمخت ...يطلع منك بس حجي السم يا نوفل
نوفل:ع كيفجن عيوني اني شكولت
ادم: السلام عليكم
روايه ...دخل ادام يمنه اجه تقدم ثنه رجليه وكعد بصفي خلاني بحضنه وصارت العيون علينه اني ضليت اخزر بنوفل ما تركته ...يابه حاجيني ادري احد يفهمني ابويه شبي
ام روايه :ادعيله ماما ادعيله
...كعد بابًا كمش ايدي وخلاها ع كلبه وكل ساعه ياخذ نفس حيل بشخره ما جنت اعرف هاي سكرات الموت
ابو روايه :بنتي اجيتي
روايه :يابعد روحي بابا كولي شيوجعك
ابو روايه :يابه دزيت عليج اريد تبريني الذمه
روايه :يا صدك يابه مخلي بالك شايله بكلبي عليك ليش هو انته اكو احن منك علينه انته خيمتنا
أنت تقرأ
طرقت بابك
Romanceلم أعدُ أنتضر أحد أن يأتي ولا ابالي ان طرُقت بابي قد محت لهفة الانتظار و غادر الشوق والحنين دياري واصبحت مشاعري باردة كالجليد تغير كل شيء بداخلي لم أعد أهلع عند رؤيتهم ولن يخونني قلبي ويسرق نبضهُ لأجلهم ولن تتلئليئ عيني عند رؤيتهم ولن يتغير أ...
