لابد يردون باچر
سوي نفسك ما شفتهم
بالك يحسون انته تذكرتهم
اثگل شويه يگلبي
مره خليهم محطه وانتَ سافر
انتَ والدخان وصبرك والمطر
ادري بيك تريد تبچي ابچي وحدك انه ساكت
بس احلفك يا گلب يكبير لا ينخطف لونك لو شفتهم سلم بسرعه
ولون نشدوك تعرف واحد يگص التذاكر ؟
گلهم الشباچ گصلكم شهر
-مظفر النواب.
_________________
في مكان اخر //
... عمو يعني اني اضل عدكم بعد
...اي حبيبتي تعيشين عدنا وهاي هم عمتج مثل امج بعد تصير
...زين خلي اروح يم بيبي هنا ما ارتاح
...ما يصير والله بس انا اخذج كل فتره الها وهي هم تجي
...ريحانه يمه هنا تتعودين انتي مو دائماً جنتي تجين وي امج وابوج متعوده وهم سموحه وياج تلعب
...اي ريحانه اني وياج وبغرفتي شبيج خايفه تضلين
_______________________________
ريان :خديجه بالدوانيه تريدج
روايه :وشتريد هاي بعد جايه
رشا :مره عباس
روايه :غسلت ايدي ،، اي هي شعدها هاي
ام مهيب :انا ادخل وياج تانيني
رشا :يمه مو تحجين
ام مهيب :معليج ،، ريان منو موجود
ريان :بس جدو وعمو مهيب وابوها واخوها وهي
ام مهيب :امشي
روايه ......لبست عباتي اخذت نفس الحجيه تباوع عليه طلعت اني وام مهيب امشي بسرعه درت ع الباب للديوانيه
مهيب:تعالي بويه
روايه :وينها انتي،،،،،باوعت عليها ،، كاعده ع كرسي ضعيفه صايره وجه اسووووود باوعتلي ودنكت راسها
خديجه :اجيت اشوفج شنو سوت بيه دعواتج عليه
روايه :شعندج جايه
ريان :صار بصفي ،، حتى تعتذر ههههه
روايه :شرايده المن جايتني مااااا تحجين
ابو خديجه :عمي كعدي خلي نحجي
روايه:من رخصتك اني اريدها هي تجاوب
ابو مهيب :بويه ام ريان اكعدي خطارنه
روايه :ما نتشرف بيها ضيفه
خديجه :كصو رجليه اثنيهن صار بيه كنكري وما ادري بمتى ساعتي واروح اجيت اتسامح منج
روايه :هههه ريان تريد اسامحها هههههههه التفت عليهم تسمعون شنو ده تكول
ام مهيب :ثبتت عبايتها برايها وذبتها من وره كتفها ،، اسمعي ولج انا من يوم الدخلو بيتنا وانا اتحسب عليج وع سوايتكم بالجهال وهسه بعين گويه جايه شتردين مو اكضج هسه وامطلج هنا
أنت تقرأ
طرقت بابك
Romansaلم أعدُ أنتضر أحد أن يأتي ولا ابالي ان طرُقت بابي قد محت لهفة الانتظار و غادر الشوق والحنين دياري واصبحت مشاعري باردة كالجليد تغير كل شيء بداخلي لم أعد أهلع عند رؤيتهم ولن يخونني قلبي ويسرق نبضهُ لأجلهم ولن تتلئليئ عيني عند رؤيتهم ولن يتغير أ...
