طرقت بابك

البارت ٥١

ولا جذب الجذب حبله كصير
شحصل الجذاب من بيته احترك
ودير بالك تضعف وخلك جبير
مو فخر للريح لو طاح الورگ
ماتبين قوه لو ماكو الضعيف
والخساره تروح لو زاد الربح
وهاذ دمعي اعليك من كثر النزيف
انت خنجر تجرح وما تنجرح
ومن صفات النسمه تركض علخفيف
ومن يزيد الماصخ يدفعه الملح
السعفه جانت عاليه وصارت حصير
وچيه تحب التمر صارتله طبگ
مره طاوعني ولك مره شيصير
اللي عاند نوح مو ضل وغرگ

سمير صبيح
_____________
مهيب ...عمي ذبله قنبله كدام الوادم ،، عيني ع رقيب الي بتسم بغضب ،،

مهيب:رهيب عيييييينك عليه راح يسوي مصيبه

رهيب:عمي الكو ...

مهيب : رهيب ضل يمه لا يسوي سالفه خلي تفض ونشوف شلون نحلها

مهيب...مابين اسلم ع الوادم وما بين ربعنا اهل المحافظات باتت ،، كفت الوادم فتحنا بيت عمي الهم يباتون بي ،، رقيب يدخن كاعد

رقيب:وين هذا الكو... الناقص العار

مهيب:هسسس لحد يسمع اخذه ابوي لبيتنا امشي

مهيب ...دخلنا للبيت كلها عدنا النسوان ،، شفته يبتسم من دخل

رقيب:انته شني وهاي سالفتك

عبد:شمالكم

مهيب:رهيب سد الباب ،، رقيب ع كيفك بويه هدي

كاظم :شني انوب هاي

رقيب:اوكف اوكف خللللللي احجي مهيب اكلك شني عود تنطيني بتك بنص الزلم عود تحرجني هااا

عبد:ابن اخوي وحكي عليك

رقيب:دفر الطبله الوسطيه ،، يا حك عليك يمي هااااا ،، اسمك بس عمي وهاااا انته الكلت ما اعترف بيك

ابو مهيب :رقيب احجي عدل

رقيب:لا شيخ ،،انا لخاطرك ولخاطر اخوتي بلعتها كدام الوادم ،، بس لا مو عبالك تخليني اسكت وامشي ،، لالا غلطان ،، تره انا لا استحي ولا اخاف وهاي اخوتك كاعدين انا بايع الدنيا بجلاق

مااااا اشتري نسبك فلس

مهيب:ولك رقييييب سد حلكك وانجب

رقيب:لا خووويه حفظت كدركم كدام الوادم كلها ،، وقبلت بس تعال انته صدكت جنك ههههههه ليش مو انته الي كلت ما اعترف بيك
اصار هسه هاااا غرتك الرتبه وكلت شني هاي الرتب الوكفت اله وكلت اي هذا النسيب

عبد:لا بارك الله بيك صدك ما مربى

رقيب:اي ما متربي ، جا شعندك تهديني بتك ،، بتككككك هاي من نزلت روحك كدام اليسوى والمايسوى تتهديها لييييش ما عندك خبزه

ابو مهيب :اخذه وطلعه بره

رقيب:لا لا بعدني ما مكمل حجي ،،، شوف انا ما اعتبرك حتى عمي ،، زلمه جبير واخو ابوي هاي هي ،، وبالنسبه لبتك ما اخذها ليش تريد يصير بحالي مثل مهيب