⠀⠀⠀
ما جذب وكلك باجر انساك
عفتني وذكريات هوايه خليت
اذا كل حايط البي أٍسْمٍگ يطيح
عله هلحالة لازم نهدم البيت
لـ ايهاب المالكي
________________________
روايه: اشرو علينا الامن ،، توقت السياره ع صفحه وصعدو ثنين ونزلو السايق
الضباط:هوياتكم
...انطاهم الهويات
الضابط:منين جايين
بارق:من النجف
الضابط: ضيق عيونه بعصبيه، ، شعدكم بالنجف
بارق:سنويه اخويه ومدفون بالنجف
الضابط: وين كتاب التسريح مالتك
بارق:مخادم جيش اني
الضابط: انزل،، التفت ع فاروق وانته
فاروق:تفضل
بارق:سيدي عندي اعفاء من الجيش
الضابط: الكتاب وين
بارق:م ما جايبه
الضابط: انته انزل، ،وانتو طلعو
فاروق:بارق خلي اجي وياك
الضابط: زمخ عليه، ،،وين رايحين مطلعينه سفره
امشي يلا
السايق:خلي نروح وانتم شوفو وضعه بعدين
جمان:عزا بعيني اخذو بارق فاروق سوي شي
فاروق:سكتي سكتي
صبا :زمخت عليه بصوت عالي ،،، عموووو الشغطي. ،،لا تاخذ عمو باغق ما مسوي شي
روايه :سديت حلكها بيدي ،،، اشششش سكتي
روايه :حركت السياره والتفتت ع بارق خطيه عينه ضلت علينا صرنا بعاد ما شفته بعد رجعت كعدت عدل
جمان :يا يمه اخذووو اخويه
السايق:عاد لا يبلونه بسالفه شيطلعه منها
فاروق :لا ماكو شي ان شاء الله
جمان:راح اخوووي الثاني يا يمه راح
روايه :صل ع محمد جمان مو هيج ،، ماكو شي ان شاءالله
ريان :ماما يعني راح ينسجن عمو
روايه :لا ماما شويه اجرائات ويطلعونه ويرجع
جمان :شيطلع رويه شبيج متدرين انتي الي يدخل يمهم ما يطلع بعد
روايه :لالا ماكو شي
روايه ...التفتت ع الجامه رفعت عيني ع السماء ،، ادم اخوك اجاالك ويرجع منك مكلبچ ،، غمضت عيوني ،، حسره بكلبي صارت عليه ،، منين اجتله هل سالفه
فاروق :روايه بس تنزلين دخلي للغرفه وشوفي اوراق بارق وين وطلعيهن
جمان :اني اعرف جنطه مستمسكات بارق هسه اجيبهم
أنت تقرأ
طرقت بابك
Romanceلم أعدُ أنتضر أحد أن يأتي ولا ابالي ان طرُقت بابي قد محت لهفة الانتظار و غادر الشوق والحنين دياري واصبحت مشاعري باردة كالجليد تغير كل شيء بداخلي لم أعد أهلع عند رؤيتهم ولن يخونني قلبي ويسرق نبضهُ لأجلهم ولن تتلئليئ عيني عند رؤيتهم ولن يتغير أ...
