ما الهوى إلا لسلطان ... للكاتبة سارة عاصم

مهم

السلام عليكم ورحمة الله وبركاته

طبعًا بعد الغيبة الطويلة شهر ونص من اخر فصل وقبله زيهم توقعتوا فصل طويل ودسم حاجة تليق بالكاتبة الغير ملتزمة اللي غابت كتير والمفروض تعوّض الفترة دي وتخلصنا بقى عشان الرواية طوّلت وبوّخت

وبصراحة لو حد قال الكلمتين دول حقه مقدرش أقوله كلمة

لكن اللي هقوله ده عذر إنساني أثر على المستوى الكتابي عندي

الفصل اللي فات مكنتش راضية عنه بس محبتش أخذل حد كان منتظر

معلش أمر إن حد يكتبلي كومنت انه مستني الفصل والاقي ناس بتسأل عن الرواية ده جديد عليا فاعذروني

من بعد الامتحانات دخل عليا مود غريب

حاجة كده مش مخلياني مبسوطة لكن قلت العيد هيشيل كل الاحزان دي لكن محصلش حاجة بالعكس القلق زاد

لحد ما خالتو تعبت أكتر لدرجة وصلنا لحالة إننا بنتمنى اللي يكون عندها ده توابع كرونا...!

كتبت الفصل في العيد وحاولت على قد ما اقدر احط كل المشاهد لكن السرد بصراحة حسيت إني مملكتوش المرادي

وبعيدًا عن الرواية شكرًا لكل حد دخل سأل واتطمن ودعى لها بالشفاء العاجل والله ده عندي بالدنيا أكتر من أي حاجة

بالنسبة للفصول الجاية ده متوقف على الفحوصات اللي لسه شغالة لخالتو وساعتها هشوف إذا كنت قادرة على انتاج فصل يوقف الرواية تاني أو هضطر أخد إجازة لوقت غير معلوم...

هل ده هيضر بيّا وبروايتي ده هيخسف بيها الأرض حضرتك بس أنا مش على استعداد اضيّع مجهود اللي فات بفصول مش مكتوبة زي منا عايزة وتليق بالأفاضل اللي بيقروا الرواية

أي كومنت أو سؤال بتتكتب في حقي أو حق الرواية بكون مبسوطة بيها جدا جدًا حقيقي خلقتوا ليا حالة من السكينة افتقدتها

وبعتذر عن عدم الرد

♥️