Unicode🌴
လူပေါင်းစုံရှိသည့် မွေးနေ့ပါတီတစ်ခု။
စေနိုင်းက ဆိုဖာပေါ်မှာထိုင်ရင်း ဦးနေမြင့်ပိုင်စေရဲ့
မျက်နှာကိုတည့်တည့်ကြည့်နေသည်။
ခြံထဲမှာလည်း ရောက်သင့်တဲ့ဧည့်သည်တွေက
ရောက်နေပြီ လေးလေးက အခုထိ ကိုယ့်ကိုကြည့်လို့
အားမရသေးဘူးထင်။
"သားစေ!!!
"ဟုတ်ကဲ့ လေးလေး"
ဦးနေမြင့်ပိုင်စေ ဆက်ပြောရမည့်စကားတွေကို ပြန်ပြီး
မြိုချပစ်လိုက်သည်။ ဒီနေ့လေးက သားစေရဲ့မွေးနေ့
ဒီနေ့မှာ သားစေကိုပျော်စေချင်တာမို့ စိတ်ညစ်စရာတွေ
နောက်မှပြောတော့မည်။
"ဘာမှမဟုတ်ဘူး လေးလေးနှစ်ရက်လောက်
စောပြီးမရောက်လို့ စိတ်ဆိုးလား "
"ဒါလေးများ လေးလေးရယ် ကျွန်တော်က
စိတ်ဆိုးစရာလား "
"စိတ်မဆိုးဘူးဆိုရင်ပဲ လေးလေးကျေနပ်ပါပြီ
မွေးနေ့မှာ ဘာလိုချင်လဲ သားစေလို ပြည့်စုံပြီးသား သူကို
ဘာလိုချင်လည်းလို့မေးတာ ရယ်စရာများကောင်းနေလား"
စေနိုင်းခပ်ယဲ့ယဲ့လေးပြုံးမိသည်။ တကယ်တော့ ကိုယ်က
ပြည့်စုံနေခြင်းတော့မဟုတ်ပါ။ မွေးနေ့မှာ ဖေဖေနဲ့မေမေကို
ရှိစေချင်သည်။ နောက်ပြီး ညီညီကိုရော...
"ကျွန်တော်အတွက်က မွေးနေ့လက်ဆောင်မလိုပါဘူး
လေးလေးလာပေးရင်ကို ရပါပြီ"
"အင်း မင်းအန်တီလေးကတော့ အလုပ်တွေမအားတာနဲ့
မလာနိုင်ဘူး "
"ရပါတယ် လေးလေးရဲ့ အခု လေးလေး
ရောက်လာနေပြီပဲ"
"ဒါဆို မွေးနေ့ရှင်လေးက ဘာလုပ်နေတာလဲ
ထလေ.. ခြံထဲဆင်းရအောင်"
"ဟုတ်ကဲ့ လေးလေး"
ထို့နောက် စေနိုင်းလည်းဦးနေမြင့်ပိုင်စေနဲ့အတူခြံထဲ
ဆင်းလာတော့ အားလုံးရဲ့စိတ်ဝင်စားမှုအလုံးစုံက
သူ့ထံတွင်သာ။
အကြည့်တွေကစားရင်း များစွာသော ဧည့်သည်တွေ
ကြားကနေ မောင့်ကိုရှာသော်လည်း အရိပ်ယောင်ပင်
မတွေ့ရပါ။
မတွေ့ချင်တဲ့သူနဲ့ကျ တွေ့ရုံတင်မဟုတ် အကြည့်ချင်းပါ
သွားစုံနေ၍ မျက်မှောင်ကြုတ်မိသည်။
![မောင့်သဘော[Completed]](https://img.wattpad.com/cover/313280931-64-k19283.jpg)