الفصل الاول
في فيلا ضخمه في حي المعادي تطلق بضع الصرخات
امنيه : صبااااااح انتي يا صباااح
صباح: نعم يا امنيه هااانم
امنيه : انتي مبتسمعيش من الصبح عماله انده عليكي
صباح : اسفه والله يا ست هانم اصل....
امنيه : انتي لسه هتقولي اصل وفصل انتي هتصاحبينيي غوري اندهي علي البيه اللي فوق عشان يصحي ابوه لو جه لقاه لسه نايم هيطربق الفيلا علينا كلنا
صباح : حاضر يا ست هانم
(امنيه وهي والده بطلنا وهي سيده من سيدات المجتمع الراقي في اوائل الاربعينات من عمرها ولكن الناظر اليها لا يري هذا لانها تتميز بوجه طفولي جميل وشعر حريري ولكن لا يغرك هذا الجمال الفاتن فهي لا تحب في حياتها سوي المال والشكل العام امام الاخرين وهي لا تكره في حياتها اكثر من الاشخاص ذوي الطبقه المتوسطه والفقيره فهي تعتبرهم عال وعبء علي المجتمع ... )
نعود مره اخري
صباح وهي تطرق علي الغرفه برفق خوفا من رده فعله : يا ناادر بيييه
نادر ...
صباح : يا بييه اصحي يا بيه والدك لو جه لقاك لسه نايم مش هيحصل طيب
نادر بصوت جهوري : حااضر حااضر يا صباح هتنيل اغير هدومي وانزل حاجه تاني اتفضلي بقا
صباح في سرها : لا حول والا قوه الا بالله منهم لله اللي عملو فيك كده ده انت كنت مثال للاحترام كنت زينه الشباب والله حسبي الله ونعم الوكيل
في غرفه نادر
مستلقي هو علي فراشه فقد اعتاد ان يسهر مع اصدقائه ثم يعود اللي المنزل وهو ليس في وعيه حتي يصعد بصعوبه اللي غرفته ثم يبدأ بشرب زجاجات الخمر انه نادر بطلنا هو شاب في السابع والعشرون من عمره يتميز بيعنيه العسليتين وشعره الاسود الثقيل الناعم وجسده الرياضي فهو كان بطل الجمهوريه في الملاكمه ثلاث مرات علي التوالي ولكن لايبقي الحال علي ما هو عليه طويلا
يفتح عينيه ليلقي نظره علي الغرفه من حوله ممسكا براسه فقد كان يشعر بالم شديد بها بسبب ما شربه
نادر: يوووه بقا هتنيل انزل وهسمعلي كام محاضره ع الصبح انا الحق البس وانزل اغور من وشهم اروح اقعد عند الواد شادي
مسك الموبايل وخرج رقم شادي ( صديق نادر الان فقد اعتاد ان يسهر معه باستمرار ولكن لا يستحق شخص مثل هذا ان يطلق عليه لقب الصديق فالصديق هو من يوجهننا الي الطريق الصحيح اذا اخطئنا هو من يعيدنا الي رشدنا وينصحنا دون رياء هو من يشاركنا اتراحنا من قبل ان يشاركنا افراحنا هذا هو الصديق الحقيقي ولكن هذا هو الحال الذي عليه بطلنا يري ان هذا الشخص هو صديقه )
نادر : ايوا يا زميل
شادي: ايوا يا كبيير انت فين يابني
نادر : انا ف البيت هلبس واجيلك ظبتط كل حاجه
شادي : كلو تمااام يا كبيير اللي انت عاوزة بنات موجود حشيش وموجود يعني مودك هيتغير خاالص
نادر : حلو اووي احبك وانت مظبطني كده
شادي : ههههههه ماشي يا برو يلا بقا تعالي ده مفيش حد هنا الا اما سئل عليك كلو مستني الكنج يوصل
نادر : مسافه السكه ياسطا يلا سلام
لبس نادر قميص ابيض ولبس فوقه بدله كحلي ورش البيرفيوم بتاعه ونزل علي السلم
امنيه : انت صحيت يا بيه
نادر : اووه نوني حبيبتي اخبار اجمل ست ف الدنيا كلها ايه النهارده
امنيه : ايوا غير الموضوع غيره يا ابني انت مش هتبطل القرف اللي بتعمله ده
نادر : يا ماما يعني انا بعمل ايه مهو الدنيا كلها بتعمل كده انا والنبي مش ناقص يا ماما انا يادوب الحق اخرج قبل ما بابا يجي ويشتغل التحقيق بتاع كل مره
امنيه : يا نادر استني هنا انت لازم تشوف حل في اللي انت بتعمله ده كده ميصحش منظرنا بقي وحش قدام الناس يا ابني
فوزي الدمنهوري (والد نادر ): مهو كلو بسببك يا هانم
نادر : صباح الخير يا بابا
فوزي بصوت جهوري : تقصد مساء الخير انت عارف الساعه كام بقا في واحد شحط زيك كده يصحي الساعه دي 6 المغرب وتقولي صباح الخير يا اخي صباح الزفت علي دماغك
( فوزي الدمنهوري ) : وهو والد بطلنا وهو صاحب اكبر سلسله شركات سياحه بالشرق الاوسط وهو شخص تقليدي وصارما علي ابنه نادر لانه يأمل من الله ان يعود كما كان وايضا هو لا يحب اي تغيرات وهو علي عكس زوجته امنيه فهو لا يوجد لديه فرق بين الاغنياء والفقراء ولا يؤمن بالفوارق الطبقيه
نعود مره اخري
امنيه : بالراحه يا فوزي مش كده لو سمحت ميصحش كده
فوزي وقت علت نبره صوته اكثر : انتي تخرسي خاالص كلو منك انتي والزفته اللي خلته في الوضع ده يا ابني ما كنت كويس كنت شايل شغلي كله علي ضهرك كنت انسان وراجل محترم كنت معتمد عليك في كل حاجه كنت سندي يا نادر انا كبرت ومش باقيلك كتير يا ابني ليه يا ابني كده حرام عليك نفسك كل ده علي شان واحده حقيره ضحكت عليك
نادر بصوت عالي : بابا لو سمحت مش كل ما انسي تفكروني حرام عليكو انا مش عاوز افتكرها بطلو بقا سيبوني ف حالي .
وكان لسه هيمشي من الفيلا بس صوت والده العالي وقفه
فوزي: وانت بتنسي اللي حصل معااك بانك تروح الاماكن القذره مع الاشكال الزباله دي بدل ما تشغل نفسك ف الشغل واصحابك دول مش اصحاب دول عالم زباله هيسيبوك اول ما فلوسك تخلص افهم بقا
نادر: بابا لو سمحت ممكن منفتحش الموضوع ده تاني وبعدين انا اللي اخترت ابقي كده ماشي وبعدين انا مبغصبش حد علي حاجه مبقولهمش والنبي تعالو حبوني
فوزي : يا ابني كما تدين تدان ممكن بعد ما تتعدل وتتجوز مراتك يحصل معاها كده او بنتك وبعدين مش كل البنات هايدي افهم بقا
نادر وقد ظهرت علي ملامحه الغضب الشديد : بابا ممكن متجبش سيره البنيئادمه دي انا مش عاوز افتكرها واحده زباله وراحت لحالها متفكرونيش بقا مش ذنبي اني كنت انسان طيب كنت غلطان ايوا كنت غلطان متفكرونيش كل مره اني كنت اهبل كفايه بقا حراام
فوزي : لا هتفتكر وهفضل افكرك كل يوم عشان لازم نحط حد للي انت بتعمله ده كده مينفعش انت بقيت انسان قذر ومبقاش يأثر فيك الكلام عارف بقيت زيها تخيل بقا
نادر : يعني انتو مصممين تفكروني سلام يا بابا انا ماشي
فوزي بصوت جهوري : يكون ف علمك يا ولد لو خرجت من الباب ده مترجعليش وش الفجر بدل ما اقسم بالله لو ما اتعدلت لاسحب منك كل حاجه الفلوس والعربيه وباب الفيلا ده مش هتعتبه انت فاهم يلا يا نادر روح اماكنك القذره اللي بتسهر فيها مع شويه السكرانين بتوعك وابقي تعالالي تاني اعمل نفسك ندمان ورجعت تاني انسان محترم عشان تسحب مني فلوس وتروح تصرفها عليهم تاني نسي نفسك بالزباله يا ابني روح وقولي هتقف قدام ربنا ازاي يلا برافو انت كده راجل بجد انت كده انسان يعتمد عليه امشي اطلع برا انا من النهارده ابني مات انت فاهم ماات اطلع برا براا
دمعت عين نادر من اللي سمعه من والده ومشي من سكات
امنيه : يا ابني يا نادر استني بس... اهو مشي مبسوط يا فوزي كده ليه بس كده يا فوزي تزعلو انا معاك انو غلط بس بالراحه كده مش كويس عشانك وعشانو يعني انا هتبسط لما حد فيكو يحصلو حاجه يا فوزي ما كننا كويسين
ياربي
فوزي : انتي عمرك ما همك حد فينا يا امنيه علي طول باصه لنفسك وبس انتي انانيه يا امنيه كل اللي همك شكلك واصحابك والنادي ورأسه الجمعيه اللي انتي فيها غير كده لا مبيهمكيش منك لله يا امنيه انتي السبب في اللي ابني فيه ..
وحصل ...
ــــــــــــــــــــــــــــــــــــــــــــــــــ
يتبع ^^
أنت تقرأ
ساغيرك رغما عنك لكاتبة مى محمد
Romanceالمقدمه كالسهم انت تطلق وانت تعلم هدفك لا تخطئ في اختيار فريستك كالظلام انت هادئ ومخيف تخيف من حولك ولكن بداخلك خوف كبير من نفسك كالبحر الهادئ انت لا ادري هل اطمئن لك واغطس في امواجك ام احذر منك واراقبك فقط من علي الشاطئ !.. كالملك المغرور...
