ساغيرك رغما عنك لكاتبة مى محمد

الفصل الخامس والاربعون

الفصل الخامس والاربعون
نادر : ايييييييه
ادهم : ومالك مصدوم كده ليه بقول عاوز امشي مهو ده مش بيتنا عشان نفضل قاعدين كده ومش عاوزين نتعبكو
نادر : ايوا بس ..
ادهم : لا مفيش بس قدامي يا مايا انتي وماما
عادل من بعيد : استني عندك يا ادهم انت ازاي تعمل كده
ادهم : اعمل ايه يا بابا احنا مش عاوزين نتقل علي حد والا انت رأيك ايه
عادل : ايوا طبعا انا عارف اننا كده بتقل عليهم بس هنروح فين يا ابني احنا مطرودين
ادهم في نفسه : انت ليه مصمم اني راكن الفيل برا يا بابا خليني معاك للاخر ياارب افهم الحقيقه بقا
ادهم : يا بابا اتطردنا ازاي بس مين اللي عمل كده اصلا
عادل : جه امين شرطه يا ابني من كام شهر وانت ف الشغل وقال ان في انذار لسكان البرج انهم يخلوه عشان العماره مبنيه برخصه مزوة
ادهم متصنعا الصدمه : ايييه مش معقول
عادل : زي ما بقولك كده يا ابني
ادهم : ازااي الكلام ده يحصل طب وانتو عملتو ايه
عادل : ولا حاجه هنعمل ايه جت امبارح قوه امنيه وقالو نفذ بالقوه الجبريه وطلعونا كلنا من الشقق وشمعوها بالشمع الاحمر وطبعا انت عارف عقوبتها ايه
ادهم : هم 200 جنيه غرامه لو دخلنا تاني بس مش كل ما يشمعو ندخل وندفع 200 جنيه اممم طيب وانت ليه يا بابا مفكرتش اننا نقعد ف فندق
عادل : فكرت يا ابني بس لقيت عمك فوزي بيكلمني وقالي مال صوتك متضايق ليه حكتله اللي حصل ومسك فينا نقعد معاه لحد ما نخلص الموضوع ده
ادهم : امممم فيه الخير والله احنا متشكرين جدا يا نادر ويا امنيه هانم واسفين لو هنكون بنتقل عليكو
نادر : لا لا ازاي تقول كده يا ادهم باشا ده انتو منوريننا والله
امنيه : انت برضو هتقول كده يا ابني ده انا لسه عاتبه علي والدتك بسبب الكلمه دي ياريت ما اسمعهاش من اي حد فيكو اتفقنا
ادهم \ مايا \ سميره \ عادل : اتفقنا
امنيه : طيب اطلع استريح انت يا ادهم وهنبقي نشوف حل ف موضوع النوم ده
ادهم : لا لا متتعبوش نفسكو يا جماعه انا كده كده ببات برا البيت ف الشغل ف مش هزعج نادر خالص
نادر : يبقي انت تاخد الاوضه شفت الصبح وانا شفت بليل
ادهم : هههههههه معلش بقا يا نادر استحملني عندك
نادر : يا باشا خد راحتك دي اوضتك وهتلاقي فوق هدومي موجوده اختار اللي انت عاوزة
سميره : لا مش هيحتاج كتر خيرك يا ابني انا جيباله شنتطه هدومه
ادهم : وانتو لحقتو تلمو هدومكو والقوه والبوكسات بتشمع لا وكمان متطبقين امممم
سميره بأرتباك : ها لا يا ابني انت ناسي اني كنت بحضر هدومنا عشان السفر والا ايه 
ادهم : اممممم طيب عن اذنكو يا جماعه
الكل : اتفضل
امنيه : يلا بينا يا سميره نقعد ف الجنينه شويه وعادل بيه يتفضل معانا برضو
سميره \ عادل : اوك
ثم بدأ الجميع في الانصراف ماعدا مايا ونادر
مايا : ايه ده هو كلو مشي استنوني
نادر وهو يجذبها من ذراعها : لا انتي تفضلي معايا سليني
مايا : انت شايفني كيس لب سوبر انت كمان وبعدين انت ف فتره عقاااب انت اصلا مرحتش الشغل ليه والا لبني اثرت عليك
نادر : اعوذ بالله من دي سيره لا لا لبني ايه كل ده كان عشانك انتي علي فكره وكمان مرحتش الشغل عشان عيان
مايا : عيان ايه ما انت زي القرد قدامي اهو
نادر : لا انا قلبي واجعني شويه
مايا : ليه كده بعد الشر
نادر : اه والله عندر مرض الفارفور
مايا : يا راااجل عارف بقا المرض ده ايه علاجه
نادر غامزا : ايه بقا
مايا : اجبلك زعتر يقعد معاك طول اليوم
نادر بفزع : لا لا زعتر مين يا بت انتي بلا زعتر بلا بتاع هو انا ناقص
مايا : امممممم يبقي استعد عشان العقاب الجاي قرب
نادر : طب هقولك علي حاجه احسن
مايا : اشجيني
نادر : تيجي نعمل مسابقه بيننا
مايا بأستغراب : مسابقه !!
نادر : ايوون بصي هنعمل كذا مهمه كده واللي يكسب بيطلب من التاني طلب او عقاب اتفقنا
مايا بتحدي : مواافقه اجهز بقا عشان ههزمك
نادر بسخريه : تهزميني مين يا ماما اسمعي بس اول حاجه كل واحد فينا هيعمل للتاني
cup cake
بالمكونات اللي هو عاوزها ونحط فيها اكتر حاجه بيكرهها التاني واللي يقدر يخلصهم كلهم الاول يكسب
مايا : ايه يا نادر شغل فتافيت ده
نادر : يبقي انتي مش قد التحدي
مايا بعند : هه انا برضو طب استني عليا والله لاوريك
نادر : هنشوووف كمان ساعه كل واحد فينا يجي هنا ويكون محضر الحاجه بتاعته اتفقنا
مايا : مفيش مانع بس ازاي هنعملها احنا الاتنين ف وقت واحد ومفيش الا مطبخ واحد هنا
نادر : مش مشكله انا ف الميكرويف وانتي ف الفرن
مايا وهي تضع يديها في جنبها : وليه انا الفرن بقا انشاء الله
نادر : خلاص انا الفرن مبسوطه كده
مايا بأبتسامه : اها استعد بقا يا جميل بس كده هيكون في نصب انا مش عارفه مكان الحاجه عندكو ف المطبخ
نادر : امممم خلي صباح تطلعلك الحاجه وتجهزهالك
مايا : تمااام اوي كده يلا اجهز بقا عشان هنشوف مين اللي هيكسب ف الاخر
نادر وهو يتجه الي الخارج : ومااللو استعدي انتي بس
اتجه نادر نحو المكان الذي يجلس فيه الجميع ب جنينه الفيلا ثم سأل سميره عن اكثر طعام تكرهه مايا فأخبرته بأنها تكره السكريات منذ كانت طفله صغيره  ثم شكر نادر سميره واسرع نحو المطبخ .....
بينما قامت مايا بسؤال صباح في ان تساعدها بأخراج المكونات التي تحتاجها مايا ثم قامت بسؤالها عن اكثر شئ يكرهه نادر في الطعام فأخبرتها صباح بأن نادر يكره الطعام الحار واكثر ما يكرهه في الطعام هو الحبهان فعندما يعلم ان الطعام يحتوي علي هذان يغضب ويقوم فورا من علي السفره ارتسمت علي شفتي مايا ابتسامه عريضه فور سماعها بهذا ثم شكرت صباح وطلبت منها ان تترك لها المطبخ لتتمكن من احضار ما تريده وما ان خرجت صباح حتي دلف نادر الي المطبخ وبدأت المواجهه بينهما و ...
نادر بتحدي : مستعدده يا هاانم
مايا بسخريه : استعد انت بس
نادر : انتي مش قدي
مايا : يبقي انت واخد ف نفسك مقلب مستعععد
نادر وهو يخج هاتفه ويتفحص به شئ ما : طبعاااا
مايا بأستغراب : انت هتخبز الكاب كيك علي جوجل والا ايه
نادر : لا بطلع طريقه التحضير
مايا : ههههههههه طبعا كان لازم اعرف انك فاشل ف الحجات دي
نادر : شيفاني يعني الشيف شيربيني قدامك مانا مبعرفش اعمل اكل
مايا : انت هتقولي جربت امبارح الفشار بتاعك
نادر : ابهرتك مش كده
مايا : ده انا ريحه الشياط لوحدها كفيله بأنها تبهر اي حد والله
نادر : اي خدمه يلا بقا اجهزي
مايا : طب سيب سيب اللي انت بتعمله ده وانا هقولك المكونات
نادر : لا يا ناصحه عوزاني اسمع كلامك واعملها حلوة عشان تاكلي انتي وتتبسطي وانا بقا البس ف الاخر
مايا : شوف البنيئادم خير تعمل شر تلقي خلاص خلي جوجل ينفعك
نادر : طبعااا هينفعني خليكي انتي بس ف نفسك
مايا : طيييب انا هوريك
ثم اخذ الاثنان يحضران الكيك الخاص بهما وكان الصراع يشتد شئ فشئ حتي اتي دور الطحين فتسارع الاثنان عليه مما جعل الكيس يشق وينفجر في وجه نادر .....
مايا : ههههههههههه منظرك مسخره ههههههههههه مش قادره امسك نفسي
نادر : الشاطر اللي يضحك ف الاخر احم وعلي فكره ضحتك الصبح بتبقي احلي من بليل انتي ف كل حالاتك قمر يخربيت كده
مايا : احم طب بطل بقا واتلم وقولي فين مكان  الدقيق
نادر : عندك ع الرف اللي فوق ده
مايا وهي تنظر للرف : ايه ده بعيد عليا اوي
نادر بخبث : هاتيه انتي بقا انا الدقيق بتاعي موجود معايا لسه حبه وريني بقا هتجبيه ازاي والا تنسحبي من اولها كده
مايا : انسحب ايه بس انت متعرفنيش انا عنيده جدا
نادر : طب وريني هتعملي ايه
مايا : طييييب ماشي
ثم قامت مايا بأحضار مقعد صغير ثم وضعت فوقه بعض المجالات لكي تتمكن من الوصول الي الرف ثم قامت مايا بالوقوف عليه  ولكن شكل المقعد لم يكن ثابت بل كان واضح بأنه غير متين مما اصاب قلق نادر
نادر بقلق : مايا خدي بالك الكرسي ده مش ثابت كويس ممكن تقعي وانتي رجلك لسه ملويه برضو
مايا وهي تشب لتصل الي الرف : قول بقا انك عاوزني اخسر عشان انت تكسب وتتبسط لا يا حبيبي انسي
نادر : قلتي ايه
مايا : عاوزني اخسر
نادر : قدام شويه بقا
مايا : عشان انت تكسب وتتبسط
نادر : اجري بالشريط بقا شويه حبيبي قلتي حبيبي صح
مايا بأرتباك : لا ده كنت اقصد انك رخم
نادر : داري كسفتك بقا انتي قلتي حبيبي متنكريييش هاااح اول مره تقولي حبيبي اللهم صلي ع النبي
مايا : انت هتعمل حفله يا ابني ده كلمه وكنت اقصد بيها انك رخم يعني
نادر : رخم رخم المهم تقولي كده علي طول حتي لو انا هفضل ف نظرك رخم علي طووول
مايا : طب اسكت بقا بدل ما .... ااااه
نادر بفزع وقد اسرع نحو مايا وامسك بها قبل ان تقع : حااااسبي يا فارفورتي
مايا وقد اغمضت عينيها : هو انا وقعت
نادر : وانتي لو بتقعي كان زمانك نزلتي ع الهوا ما كنتي حسيتي بأي حاجه انتي ف حضني لتاني مره هااا شكلك هتكرريها كتير كده
مايا بخجل : طب اوعي نزلني بقا
نادر : ما تعملي الكاب كيك وانتي كده
مايا بعصبيه : لا يا شيييخ نزلني حالا يا نادر
نادر : ولو منزلتكيش يعني هتعملي ايه
مايا : هعمل حاجات كتير
نادر : ايوا قوليلي علي حاجه واحده من اللي انتي هتعمليهم كده
مايا : هتعرف ردي بقا وانت بتاكل الكاب كيك
نادر : اممممم طب انزل انزلي  وريني بقا شطارتك لعلمك انتي اي حاجه هتعمليها انا هاكلها وانا مبسوط وفرحان طلاما انتي اللي عملاها ف انسي بقا انك انتي اللي تكسبي يا جلاله الملكه
مايا بنظره تحدي : طب تراهني انك مش هتطيق تاكل واحده بس
نادر بعناد : طب تراهنيني انتي اني هاكلهم كلهم واطلب كمان
مايا : علي وضعك بقا
نادر : ومالو هنشوف
اخذ كلا منهما يكمل ما فعلاه ثم جاء وقت المواجهه الحاسمه وضع كلا منهما الكاب كيكز الذي فعله امام الاخر وبدأ نادر في تناول اول قطعه وما ان تناولها حتي صدم و ...
نادر بأشمئزاز : انتي حاطه فيها ايييه
مايا : هع هع حبهاان
نادر بصدمه : ياادي القرف
مايا : مش قلت هتاكل اي حاجه اعملها البس بقا
نادر : اه اه هاكلهم اهو عيب عليكي احنا جامدين برضو وقد كلمتنا بس عاوزك تدوقي كده اللي انا عاملهولك بقا
مايا : مش مستريحالك بس هدوق مدوقش ليه
قامت مايا بتذوق قطعه من الكيك الذي حضره نادر لها مما تسبب لها بالقرف الشديد
مايا وهي تبعد قطعه الكيك عنها : يييييع انت عاملها بالعسل
نادر : عسل اسود وفي ابيض وعاملك واحده بالسكر وفي معاهم كمان واحده جواها زلابيه
مايا : يييييع انت مش عارف ان السكريات بتجيبلي هبوط
نادر بأستغراب : ازاي يا بنتي ده السكريات بتخلي الواحد يفوق من الهبوط انتي ماشيه عكس التيار
مايا : ايوا انا مش بحبهم
نادر وهو يأكل قطعه اخري من الكيك الذي اعدته مايا : علي فكره ممكن تنسحبي عادي جدا
مايا بتحدي : لا لا انسحب ايه بس انا مش ممكن اسيبك تكسبني
نادر : طب وريني شطارتك
اخذ كلا منهما يأكل ما فعله الاخر له وهم يشعران بالقرف الشديد الي ان جائت اخر قطعه في طبق كلا منهما
نادر وهو مسندا رأسه الي الامام علي السفره : اااخر واحده يا معيييين انتي عاملاها كبيره ليه كده
مايا وهي تضع يدها علي بطنها : عشان دي مختلفه يا ابو العريف
نادر : حطالي فيها ايه يا مصيبه
مايا : عللللبه شطه يا ندورررتييييي
نادر بصدمه : اييييييييه ميييييين شطه ليه يا بنتي تعملي ف ولاد الناس كده
مايا : كل بقا يا حلو وبعدين ازاي ولد ومبتحبش الشطه نفسي افهم
نادر : علي فكره مش بأكل الشطه يعني لو كانت بالشطه مكانش زماني انقذتك مرتييين ها نسيتي
مايا : طب يلا دي اخر واحده عندي وعندك اللي يخلص الاول يكسب انا خلاص مش قادره حرام عليك انا بكره العسل
نادر : يعني انا اللي بقدس الحبهان والشطه مانا بكرههم كره العمي
مايا : طب ايه انا خلاص يا نادر بجد مش قادره
نادر وهو يمسك بالقطعه الاخيره له : هتخسري انا اهو هاكلها
مايا : اخسر اخسر انا مش قادره خلاص بس علي فكره انا مش هخسر غير لما انت تاكل اللي معاك والا نكون متعادلين
نادر : ياريت وحيات ابوكي ونعمل تحدي ف اي حاجه تاني
مايا : طب حلو اوي يلا بينا من هنا
نادر وقد نهض من علي كرسيه : ااااه حسبي الله
مايا : ونعم الوكييييل بطني يا نااس مش قادره انا عاوزة اي حاجه حادقه بدل العسل اللي كلته ده كل دي سكريات انا حاسه اني هقع
نادر : وانا مستعد امسكك تاني
مايا : اتلم يا نادر
نادر : انا ساكت اهو ما اتكلمتش
مايا : بس شكلك مسخره وانت كلك دقيق كده
نادر : يعني انتي اللي الاميره فيرجينيا ما انتي وشك مليان عسل اهو
مايا بصدمه : يا خراابي انا ملزقه خالص يييع ايه القرف ده مبسوط انت كده
نادر : هع هع اي خدمه ياستي عشان تعرفي بس اللي يتحداني يحصله ايه
مايا : انت نسيت انك سايب الكيكه بتاعتك والا ايه
نادر : احم طب انا بقول اطلع اخد شاور وانزل تاني
مايا : ايوا اهرب اهرب
نادر : يادووب والله اخد الشاور يلا ساموعليكو
مايا : وعليكووو
مايا في نفسها : انا كمان محتاجه اخد شاور والله بدل مانا ملزقه كده اما اطلع اخد شاور ف اوضتي وبعدين انزل تاني
..............................................................................
في نفس التوقيت استيقظ ادهم علي صوت رنين هاتفه برقم اسلام و ....
ادهم : اسلام باشا ازيك يا كبير
اسلام : عندي خبر حلو اوووي لمعاليك
ادهم وقد افاق من نومه : قول يا باشا
اسلام : جبتلك  عنوان البت المذيعه دي
ادهم : حلو اوي يا باشا توشكر بس لسه موصلتش لاي حاجه ف موضوع ملفات طاهر
اسلام : لا يا باشا الموضوع ده طويل شويه وعاوز اقلب ف صفح مقفوله وملفات محظورة اتقل عليا شويه كده وانا هظبتك
ادهم : خد وقتك يا كبير بس قولي عنوان البت دي
اسلام : اهو يا باشا سجله عندك هي ساكنه ف ( .... ) الدور ال ( ... )
ادهم : تسلم معاليك انا متشكر جدا
اسلام : عيب عليك يا ابني احنا اخوات وف ضهرك رجاله يا باشا يلا عن اذنك يا كبير
ادهم : اتفضل يا باشا
انهي ادهم حديثه مع اسلام ثم قرر ان يسرع الي منزل تلك المذيعه لعله يعرف منها اي معلومه تخص طاهر او ماضيه وبالفعل قام ادهم بأرتداء ملابسه والنزول الي الاسفل ولكنه تفاجئ بعوده فوزي وحديث الجميع عن خطبته هو وندي و ....
فوزي : ازيك يا ادهم يا ابني
ادهم : ازي حضرتك يا استاذ فوزي
فوزي : استاذ ايه بقا انا زي باباك والا ايه
ادهم : ايوا طبعا
فوزي : طيب يا ابني انا كنت بتكلم مع والدك ف موضوع خطوبتك وهو قالي انو عاوز يعملهولك ف ايطاليا وانت موافق صحيح الكلام ده
ادهم : اه انا بصراحه مش عارف ليه بابا مصمم انو يعمل الفرح بالسرعه دي وبرا مصر انت خايف من حاجه يا حج والا ايه
عادل بأرتباك : ها .. اخاف من ايه يا ولد يعني ده جزائي اني عاوز افرحك
فوزي : اكيد ميقصدش يا عادل ... بص يا ابني انا فكرت ف الموضوع ده وقلت اني لازم اديلك هديه وهديتي ليك ان فرحك ده هيكون علي احلي شاطئ ف ايطاليا
ادهم : ايوا يا عمي بس انا مش عاوز اتعب حضرتك
فوزي : تتعب ايه بس يا ابني وانا مش حد وكمان انت نسيت اني صاحب شركات سياحه ودي هتكون حاجه سهله جدا عليا
عادل : متكسفش عمك فوزي يا ادهم
ادهم : هي عيديه باخدها يا بابا ده فرح بحاله ازاي انا اوافق ان مصاريف فرحي تكون علي حد تاني لا انا مستحيل اوافق علي حاجه زي كده
فوزي : خلاص يا ادهم انت عليك مصاريف الخطوبه وانا تذاكر السفر والحجز للمعازيم ف الفنادق اتفقنا
ادهم :  ايوا بس
فوزي : خلاص بقا مفيش بس
ادهم : ماشي هوافق بس علي شرط
فوزي : اكيييد يا ابني
ادهم : انو يكون فرح مش خطوبه
الكل : ايييييه
ادهم : ايوا يا جماعه انا وندي مش محتاجين فتره عشان خاطر نتعرف علي بعض انا عارفها كويس وهي كمان كده يبقي ايه بقا اللي يخلينا نقعد فتره خطوبه
عادل : اممممم انا موافق بس هل يا تري ندي وخالتك هيوافقو
ادهم : ملكوش دعوه بيهم انا هقنعهم بطريقتي
عادل : طيب يا ابني وهو كذلك
فوزي : يبقي الفرح كمان اسبوع ف ايطاليا وانا ههتم بكل الحجوزات بس ادوني كشف بأسامي المعازيم وانا هظبت الموضوع ف اققل من تلت ايام
عادل : تمام كده
ادهم : انا متشكر جدا يا عمي فوزي والله مش عارف اقول لحضرتك ايه
فوزي : متقولش حاجه يا ابني انت زي نادر بالظبط وكمان دي هديتي ليك وتعتبر جزء من اللي اختك عملتو
ادهم بأبتسامه : الاوزعه هي في زي القرده دي طيب انا هضطر انزل بقا اروح مشوار كده
عادل : ماشي يا ابني ربنا معاك
سميره : كده يبقي احنا لازم نسرع شويه ف الدعوات تفتكري يا امنيه حد هيجي الفرح ده
امنيه : شووور لازم كله ياخد فتره راحه كده وكمان الحجز هيكون مش عليهم ف اكيد هيجو
سميره : يااارب طيب معلش عاوزاكي تساعديني ف حكايه الدعوات دي
امنيه : اكيييد
بدأ الجميع في التحضير الي حفل زفاف ادهم وندي بينما توجه ادهم نحو منزل اروي وعندما وصل الي هناك قام برن الجرس بحذر حتي قامت بفتح الباب و ....
اروي : ايوا 
ادهم وهو يظهر لها الكارنيه الخاص به : الرائد ادهم عادل
اروي : اؤمر
ادهم : انا عاوزك بخصوص طاهر المغربي
اروي وهي تغلق الباب : انا مليش علاقه بالراجل ده وكمان انا اترفدت بسببه مش كفايه اوي اللي عملتوه فيا تسمح تتفضل
ادهم وقد اسند الباب بيده : ثواني بس مش تسمعي انا عاوزك ف ايه
اروي بعد تفكير طويل : اتفضل جوا
ادهم : متشكر جدا
وما ان دلف نادر الي الداخل حتي اتت سيده عجوز علي كرسي متحرك و قالت
سلوي بقلق : مين يا اروي
اروي : ده استاذ نادر صديق قديم يا جدتي
سلوي : اااه اهلا وسهلا يا ابني
ادهم : اهلا بيكي يا حجه
سلوي : طيب تشرب ايه يا ابني
ادهم : ولا حاجه يا امي انا بس جاي اتطمن علي اروي واكلمها كلمتين كده
سلوي : طيب اسيبكو انا تتكلمو وادخل اعملك حاجه تشربها برضو يا ابني ميصحش
ادهم : يا امي متتعبيش نفسك
سلوي : ولا تعب ولا حاجه يا ابني
ادهم : طيب ربنا يخليكي يا امي
وبعد ان دلفت سلوي الي الداخل لتحضر لادهم مشروب ما .....
اروي : اؤمر يا حضره لظابط
ادهم : انا عاوزك تساعديني عشان نخلص من طاهر المغربي
اروي وقد لمعت عينيها : بتقول اييه
...............................................................................................
في فيلا الدمنهوري انتهت مايا من اخذ حمامها ثم قامت بالنزول الي اسفل لتتفاجئ بولدتها وامنيه يحضران قائمه المعازيم ويتناقشان في امور الزفاف مما اثار دهشه مايا فهي لم تعلم بأن الفرح سوف يتم بأيطاليا مما اثار فضولها هي الاخري ولكن بعد ان وضحت لها والدتها بأنها هديه فوزي لنادر عندها تفهمت مايا الوضع وشعرت بسعاده تملئ قلبها ثم قررت ان تقوم بالاتصال بندي لاخبارها و......
مايا بصوت يظهر به السعاده : ايوا يا عروووسه
ندي : ميممووووو وحشاااااني
مايا : وانتي كمان يا رخمه بقالي كتير اوي مش شفتك
ندي : انا كمان همووت واشوفك والله يا بت يا مايا
مايا : طب اجهزي بقا يا ستي عشان هتشوفيني بكرا
ندي بأستغراب : بجد يعني هنخرج بكرا تاني سوا زي زمان
مايا : ايووون هنخرج يا ستي ونجيب فستان فرررحك
ندي : تقصدي فستان الخطوبه
مايا : لا  الفرح يا عروسه انتي مش عارفه ان ادهم قرر انكو تتجوزو علي طول
ندي : نعمم !! وازاي ادهم يقرر يعمل حاجه زي كده من غير ما ياخد رأيي او حتي يشاركني معاه ف القرار ده
مايا : ايه يا ندي انتي زعلتي والا ايه ده انا قلت انك هتفرحي
ندي : يا مايا كان ع الاققل يبلغني معلش يا مايا اقفلي دلوقتي انا اتضايقت شويه وهكلمك
مايا : اوك بس اوعي تزعلي يا ندي انا مش عاوزاكي تكوني متضايقه واكيد ادهم عمل كده عشان بيحبك  وعاوز يبقي جمبك ف اسرع وقت
ندي : لا مش زعلانه يا مايا
مايا : خلاص اانا هسيبك دلوقتي عشان شكلك اتضايقتي فعلا باي باي يا نوده
ندي : سلام
بعد ان اغلقت ندي الخط .................
ندي في نفسها : ليه يا ادهم تعمل كده وحتي مقولتليش انت يعني كده بتلغي رأيي انا لازم مااتسرعش واتصل بيه افهم منو هو عمل كده ليه ....
قامت ندي بالاتصال بأدهم اكثر من مره ولكنه لم يجيبها مما زاد من غضب ندي
ندي بنبره حزينه : ليه يا ادهم مش بترد يوووه طيب ممكن يكون عنده شغل مهم انا لازم استني ومظلمهوش انا بحبه يبقي استحمل قراراته وجنانه ده بس انا نفسي اعرف هو ازاي خد قرار سريع كده منو لنفسه  لا وكمان ميبلغنيش ده راح قال للكل وخلي مايا هي اللي تبلغني ماشي يا ادهم
وحصصصصل