ساغيرك رغما عنك لكاتبة مى محمد

الفصل الثانى والاربعون

الفصل الثاني والاربعون
قررت مايا ان تقوم بأيقاف كلا من نادر ولبني ورفضت ان تقف مكتوفه الايدي وهي تراهما يضيعان حياه اشخاص لا ذنب لهم بأن هناك اشخاص لا تعرف قلوبهم الرحمه واخذت تفكر كيف يمكنها ان تكشفهما فلم تجد امامها سوي قسم الشرطه فقررت ان تذهب الي هناك وترفع علي كلا منهما محضر فلعل ان تتمكن الشرطه من مساعدتها في القبض عليهما وكشف تلك الخطه القذره التي وضعوها ثم اتجهت بخطوات سريعه خارج دوار العمده متجهه نحو قسم الشرطه وهناك ...
مايا : صباح الخير
امين شرطه : صباح النور خير يا انسه
امين الشرطه : طيب ثانيه واحده اخلص ورق قدامي واشوف انتي عاوزة ايه تقدري تتفضلي هناك
مايا : اها اوك ميرسي اوي
جلست مايا علي اريكه من الجلد موضوعه في جانب من جوانب ذلك القسم الضحم ثم انتظرت ان يفرغ امين الشرطه من عمله اولا حتي تتمكن هي من فعل ما تريد ولكن طال هذا الحال طويلا فقد انتظرت مايا الي ما يقرب الساعه والنصف بلا جدوي ثم استجمعت شجاعتها وقررت ان تذهب لتسئله مره اخري اذا فرغ من عمله ام عليها الانتظار
مايا بنبره جاده وقد وقفت امامه : احم .. لو سمحت انا كنت عاوزة اسئل حضرتك لو ينفع اعمل المحضر دلوقتي
امين الشرطه : .........
مايا : لو سمححت
امين الشرطه بعصبيه : ثواني يا انسسسسه ما قلتلك استني اصبري عليا هو انا هطير ما انا قاعد اهو اخلص شغلي واعملك اللي انتي عاوزاه
مايا : ممكن حضرتك توطي صوتك شويه وبلاش نرفزة وثانيا انا عاوزة بس اعرف ايه هي الاجرائات اللي لازم اعملها عشان المحضر او ممكن تقولي بس اعمل المحضر ده منين او مين ممكن يساعدني اعمله
امين الشرطه : انتي هتعلميني اتكلم ازاي يا استاذه خليكي قاعده بقا للصبح هنا وريني هتعملي ايه
مايا بضيق : متشكره
امين الشرطه : العفو
مايا في نفسها : اوووف بقا هو انا شكلي مش هخلص كده يارب تبعتلي حد يساعدني بقاا
في نفس الوقت في القسم في مكتب الرائد آسر فهمي
آسر وقد قام بأستدعاء العسكري : ايه الدوشه اللي برا دي يا حسنين
حسنين : ابدا يا آسر باشا ده في بنت جت تعمل محضر و امين الشرطه قالها استني بس هي استعجلت بقا وانت عار صابر يا باشا  دايما عصبي
آسر : امممم بس برضو صابر غلطان كان المفروض يطول باله شويه طيب ابعتهالي يا ابني اما نشوف حكايتها ايه
حسنين : اوامرك يا آسر باشا
ذهب حسنين ليعلمها بأستدعاء الظابط لها وما هي الا لحظات قليله واذ بمايا تطرق علي باب مكتب آسر حتي اذن لها بالدخول وهناك كانت المفاجأه لكلا منهما ....
مايا بصدمه : هو .. هو انت
آسر : انتتتي ... انتي ليه مشيتي اخر مره من غير ما تستنيني
مايا : انا .. انا كنت خايفه و ..
آسر بنبره جاده : اتفضل يا حسنين دلوقتي لما احتاجلك ف حاجه هندهلك
حسنين : ها .. اوامرك يا باشا يا بختك
آسر : بتقول حاجه يا حسنين
حسنين : بقول ربنا يقدرك علي الخير ومساعده الناس يا آسر باشا ربنا يكتر من امثال معاليك
آسر : اااه طيب اتفضل انت
حسنين : تمام يا فندم
ما ان خرج حسنين من المكتب حتي بدأ آسر حديثه مع مايا و ...
آسر : انتي خفتي مني صح
مايا : بصراحه انا كنت ما اعرفكش وكمان مكنتش عاوزة اعملك مشاكل ف شغلك بسببي انا اخويا ظابط وعارفه انو لو سبتو الخدمه هتحصل مشاكل
آسر : ايه ده بجداخوكي ظابط
مايا : اها
آسر : طيب تبع قسم ايه
مايا : قسم ((.....))
آسر : ده كل اللي هناك حبايبي طيب وياتري اخوكي اسمه ايه ده ممكن اكون عارفه
مايا : الرائد ادهم عادل
آسر بفرحه : انتي بتتكلمي بجد
مايا : وههزر ليه انا
آسر : ادهم ده حبيبي حبيبي يعني احنا دفعه واحده اصلا وانا برضو اقول انا حاسس اني شفتك قبل كده نفس عند ادهم واصراره بالظبط والله اخوكي انسان خلوق جدا ومنتظم ف شغله وبيشتغل بضمير انا وهو لحد دلوقتي بنروح نتفرج علي ماتشات سوا  قوليلو بس آسر فهمي
مايا : انا مكنتش اعرف ان ادهم ليه اصحاب اوي كده ... ما علينا يا سياده الرائد انا مش جايه احكي عن اخويا وانجازاته انا جايه اعمل محضر تقدر تساعدني
آسر : اكييد دي حاجه بسيطه جدا  ممكن اعرف المحضر ده ف مين
مايا : نادر الدمنهوري ولبني السمنودي
آسر : طيب وايه بلاغك عنهم اقوالك يعني
مايا : انا بعد لما مشيت من الكمين من هنا وصلت للقريه اللي انا كنت عاوزة اروحها بعد ما مشيت من هنا بيوم بليل بقا كانت في محاوله خطف ليا بس الحمد لله هربت
آسر بفزع : ايييه اتخطفتي طيب حد عملك حاجه
مايا : لا الحمد لله انا بس حصلي التواء بسيط ف رجلي بس عدت علي خير
آسر : طيب كل ده كلام جميل فين المحضر ف كل ده
مايا : هقول لحضرتك اهو ... انا اكتشفت مين اللي كان عاوز يخطفني وهي لبني السمنودي البنت الي كانت معانا ساعه الكمين واغمي عليها
آسر : طيب كده انا فهمت لبني ليه عاوزة تعملي محضر ف اللي اسمه نادر الدمنهوري ده
مايا : عشان هو شريكها
آسر مقاطعا اياها : ف خطفك
مايا : لا ف عمليه سرقه اعضاء هيعملوها هم الاتنين
آسر : ايييييه يا نهااار ابوكو اسود سرقه اعضاء طب وايه الادله اللي عندك
مايا : للاسف معنديش اي ادله
آسر : يبقي كده انا مش هقدر اساعدك لازم وجود ادله المتهم برئ حتي تثبت ادانته
مايا : بس والله العظيم انا متأكده من اللي بقوله ده انا سمعتهم بوداني
آسر : متأسف جدا مقدرش اساعدك
مايا : اوك متشكره اوي عن اذنك
آسر : رايحه فين
مايا : ما اظنش اني محتاجه مساعده حد عشان اثبت حاجه غلط وانا متأكده من اللي بقوله لحضرتك وطلاما مفيش ادله انا هعرف ازاي اجيبها كويس وهثبت ده بنفسي ومش محتاجه مساعده اي حد عن اذنك
آسر : استني بس .. برافو عليكي بجد انا كنت بختبرك علي فكره ... بصي بقا انا مصدقك وواثق فيكي فوق ما تتخيلي ولو فعلا هننفذ المهمه دي كنت هحتاج اني اأمنك عشان خاطر كده هيكون في خطر علي حياتك  وكنت محتاج اعرف اذا كنتي انتي قدها والا لا بس طلعتي قدها ونص كمان لازم تاخدي بالك من الناس دي دول خطفوكي مره وهم ميعرفوش عنك حاجه ما بالك بقا لو انتي رحتي بلغتي عنهم طيب هم شاوفكي لما سمعتيهم
مايا : اه شافوني وواجهتهم
آسر : انتي شجاعه اووي علي فكره بس برضو لازم تاخدي بالك انا مستعد اعمل معاكي العمليه دي وهساعدك بس لازم تاخدي بالك كويس اوي طيب متعرفيش العمليه دي هتكون امتي
مايا : بصراحه لا بس اللي انا اعرفه انهم هيتجوزو اخر الاسبوع ده
آسر : هتكون فرصه حلوة اوي اني انا ورجالتي نراقب المنطقه كويس اوي طول الاسبوع ده واكيد ساعه تحضيرات الفرح لبني هتكون مشغوله وكذلك نادر بس ممكن احتاج مساعدتك لو حصلت مشكله او لو هم عرفو بأني بحاول اكشفهم هيكون في خطر عليكي قبل عليا وانا مش هسمح ب ده بصي يا مايا احنا كل الي نقدر نعمله دلوقتي  نراقب من بعيد ومع اول فرصه هتيجي ونلاقي اي دليل ضدهم صدقيني مش هتأخر ابدا ف اني اقبض عليهم هم الاتنين اتفقنا
مايا : اوك موافقه بس هتيجو امتي تنتشرو ف البلد علي انكو من اهلها زي ما انت بتقول
آسر : من بكرا انشاء الله مش انتي بتقولي ان الفرح علي اخر الاسبوع ده
مايا : اه اللي هو بعد بكرا اصلا
آسر : كده احنا لازم نتحرك بسرعه لانهم  ممكن يمشو بعد الفرح
مايا : وممكن برضو ميعملوش الفرح هنا خالص
آسر : ودي هتكون مشكله بالنسبالنا هنشوف هيعملو ايه بس احنا هنتحرك فأسرع وقت ده ممكن نيجي القريه النهارده بليل كمان
مايا : تمام ولو في اي حاجه مطلوبه مني انا مستعده اعملها فورا
آسر : كل اللي مطلوب منك تعرفيلي اذا كان الفرح هنا والا لا
مايا : تمام انا كده فهمت اي حاجه تاني مطلوبه مني
آسر : ايوون انتي فطرتي والا لسه
مايا : لا الحمد لله فطرت 
آسر : يا شيييخه طب عيني ف عينك كده
مايا : افندم
آسر : عشان اعرف بس لعلمك بقا انتي جعانه وهنفطر سوا عشان يبقي في بيننا عيش وملح وكمان داخلين علي مهمه هتتنفذ ف تلت ايام يبقي لازم يكون فينا صحه والا ايه انتي اصلا عصافير بطنك بتزقزق وصوتها واصل لحد هنا
مايا بأبتسامه : خلاص اللي انت تشوفه
شعر آسر بالاضطراب فور ابتسام مايا مما جعله يبتسم هو الاخر لا اراديا
آسر: هو في كده ياربي ايه الرقه دي
مايا : لو سمحت انا مش بحب كده
آسر : خلاص انا اسف والله بس انتي لو تشوفي نفسك مش هتقولي كده خالص ...
مايا : ولو برضو ياريت تلتزم حدودك
آسر بصوت منخفض : وكمان مؤدبه يخربيت كده انا لازم اشوف الحج
مايا : بتقول حاجه
آسر بصوت مرتفع : بقول يا عسكررررري
حسنين وقد دلف الي المكتب مسرعا : اوامرك يا آسر باشا
آسر : ابعت الواد بتاع الطلبات الي برا ده يجبلنا فطار
حسنين : اوامرك يا سياده الرائد
آسر وقد وجه حديثه الي مايا : تحبي تفطري ايه
مايا : اي حاجه مش مشكله
آسر : خلاص يا ابني روح هاتلنا سندوتشات من الحوله
مايا : من مييين الحوله لا مش عاوزة افطر انا سبقتك
آسر : نفذ التعليمات يا عسكري
حسنين : تمام يا فندم
وبعد ان خرج حسنين من المكتب
مايا : هو هيجيب سندوتشات من المحوله دي
آسر : هههههههه المحوله لا مش هيجيب من المحوله ده مطعم تاني علي اول الطريق
مايا : اهاا ...
آسر : طيب مش ملاحظه ان دي تاني مره اشوفك فيها وبرضو لسه مش عارف اسمك
مايا : انا اسمي  مايا .. الدكتورة مايا
آسر : مايا و دكتوره واخت ادهم وزي القمر لا انا عاوز رقم الحج ضروووري
مايا : وبعدين بقااا لو سمحت تبطل اللي انت بتعمله ده
آسر : اوعي دماغك تروح ل بعيد وتفهميني صح انا بس اقصد عشان المحضر والمهمه شفتي ظلماني دايما ازاي يا جذر
مايا : وده ايه الاسم ده كمان
آسر : انا اول مره شفتك فيها  قلتلك يا جذرتي و حابب اقولك كده بقا
مايا : ميصحش يا سياده الرائد اللي حضرتك بتقوله ده وياريت تلتزم الحدود
آسر : اممم طب اي رأيك بقا ان ده هيكون اسمك السري ف المهمه يا جزززر
مايا : يعني مفيش الا ده
آسر : ايوا مفيش الا ده انتي مشلازم تعملي اي حاجه ف مصلحه المهمه دي خلاص يبقي اسمك جزر
مايا : عشان المهمه ببس
آسر : ايوا طبعا كلو عشان نطهر مصر من امثالهم والا انتي مش بتحبي مصر انا عن نفسي بمووت ف مصر عشان جمعتني ف مهمه معاكي
مايا : طيب ربنا يخليهالك
آسر : هي مين دي
مايا : مصر
آسر : ااااه ودكاتره مصر
مايا : انا ملاحظه كده ان حضرتك مصمم ميبقلش في حدود عن اذنك
آسر : استني بس ده الاكل زمانو جاي من عند المحوله وكمان ايه اللي دخل الحدود ف كده ده اننا بدعي لدكاتره بلدي فيها حاجه دي
مايا : احم وانت وطني اوي
آسر : انا وطني فوق ما تتخيلي ده انا باموت ف الوطنيه .............................................................................................................
ظل كلا من مايا وآسر في ذلك المكتب الي ان اتي لهما الفطور ثم اصر آسر علي ان يوصل مايا الي القريه مدعيا ان ذلك في مصلحتها ومن اجل سلامتها لاشئ اخر ووافقت مايا بعد الحاح كبير من آسر ثم اتجا سويا نحو السياره وجلست مايا بالخلف بينما آسر في الامام ثم انطلقا ي طريقهم نحو القريه وفي اثناء الطريق الي هناك ظل آسر مراقبا لمايا في صمت وبين الحين والاخر ينظر الي المرأه ليخطف منها نظره وعندما تضرب بوجهها اشعه الشمس يسرح هو في جمال عينيها الذي وصفهما  :انهما بحري من القهوه التي يمكننا ان نذوب فيها او نغرق في امواجها  اثناء شرودنا بهما .........
نعم لقد وقع آسر بغرام تلك العيون لقد قبل ان يغرق في بحور مايا لقد رضي ان يكون  اسيرها هكذا كان الحال مع آسر وهو ليس بجنون فمن الممكن  ان نلتقي بشخص ما مره او مرتين  ثم نجده امام ابواب قلوبنا يطرق عليها لندخله الي الداخل   .....
آسر في نفسه : جري ايه يا آسر انت وقعت والا ايه بقا آسر اللي فضل يقول انا عمري ما هحب يقع كده انا حاسس اني اعرفها من زماان اوي ونفسي تعاملني من غير القاب بس طبعا دي حاجه مستحيله هي ممكن تفتكرني مجنون اصلا لو بس فكرت اقولها بس اعمل ايه قلبي مش بأيدي وهو اختارها هي وانا مستعد اعمل اي حاجه عشانها وهحميها بأي طريقه ... مش لازم تكون هي بتحبني برضو المهم اني بكون مبسوط وانا معاها حتي لو هي مش بتفكر فيا كده نحيتي وانا برضو مش عاوز اتعلق بيها جامد عشان ما اتعبش ف الاخر انا ممكن افسر ده علي انو حب اخوه مثلا ايوا هو كده .. بس بجد اي حد لازم يشوفها لازم يعشقها انتي جيتي هنا غلط يا بنتي
وبعد فتره ليست بطويله
آسر : احم وصلنا يا جزر
مايا : انا متشكره اوي يا آسر علي التوصيله دي مع اني مكنتش عاوزة اعطلك عن شغلك
آسر : اخيرا اقتنعتي ان اسمي آسر يا جزر ... طيب بصي بقا انتي معاكي رقمي دلوقتي صح
مايا : ايوا
آسر : عاوزك تعرفي اذا كان الفرح هنا والا لا تمام يا جذر
مايا : علم وينفذ يا فندم
آسر : طيب يلا وخدي بالك من نفسك ولو حسيتي بأنك ف خطر تكلميني فورا انا اصلا مش هسمح انك تكوني ف خطر بس برضو اتفقنا
مايا : اوك عن اذنك
آسر : اتفضلي
نزلت مايا من سياره آسر ثم اتجهت داخل دوار العمده ثم انطلق آسر عائدا الي القسم مره اخري بعد ان اطمئن من دخول مايا الي المنزل .... لم يكن فقط آسر ومايا هم المتواجدين بل ايضا نادر كان يراقب الموقف من الشرفه الموضوعه بالغرفه وما ان دلفت مايا الي الغرفه حتي ....
نادر بعصبيه : كنتي فييين
مايا : وانت مالك
نادر وقد امسك بذراع مايا : لا مالي ونص احسنلك تقولي كنتي فيييين ومين اللي انتي نازله من عربيته ده
مايا : كنت بحضرلك تحيه تليق بفرحك يا عريس الا صحيح الفرح هيكون ف انهي فندق ف القاهره عشان نيجي نقوم بالواجب يعني
نادر : لا هنعمله هنا
مايا : غريبه بس انتو ملكوش حد هنا عشان تعملو فرحكو هنا
نادر : عشان لما ارجع لفوزي بيه ميقوليش مفيش جواز هيحصل انا كده هحطه قدام الامر الواقع
مايا : طب الف مبروك واوعي بقا كده سيب ايدي وشوفلك مكان تاني تتخمد فيه النهارده انا مش هقعد معاك ف اوضه واحده
نادر : هي كانت اوضه  عمو عادل والا ايه
مايا : طبعا وانا مستنيه ايه من قتال قتله انا رايحه اشوفلي مكان تاني انام فيه غير ده
نادر : لا مهو مش فندق عمو عادل برضو
مايا : استغفر الله العظيم تصدق وتؤمن بالله انك احقر من ان الواحد يرد عليك احنا فاضلنا يومين هنا تمام وبعدها كل واحد يروح لحاله وياريت تحاول متورينيش وشك لحد ما اليومين دول يخلصو كل ما هشوفك هفتكر اللي انت هتعمله وبيبقي نفسي اقتلك  بأيدي لانك انسان لا ياربي انسان ايه ده انت مش ممكن تكون انسان ابدا وسعلي بقا كده
نادر : ومالو اهو
اتجهت مايا خارج الغرفه التي بها نادر ثم دلفت الي غرفه اخري وتأكدت من عدم وجود احد بها ثم قامت بأغلاق الباب بالمفتاح ثم قامت بالاتصال ب آسر و ...
مايا : الو
آسر : ايوا يا جزر حصلك اي حاجه
مايا : لا انا كويسه بس انا عرفت ان الفرح هيكون هنا ف البلد ف قلت ابلغك
آسر : كده يبقي تمام اوووي خلاص انا ورجالتي هنتحرك النهارده بليل  وانتي ب كده تكون مهمتك خلصت خدي بالك من نفسك كويس ف الفتره اللي جايه يا مايا اتفقنا
مايا : اوك بس انتو هتعرفو تجيبو الدليل ازاي
آسر : دي بتاعتي انا بقا يا مايا مش عاوزك تقلقي تمام يلا مع السلامه وخلي بالك من نفسك
مايا : تمام .. باي
في منزل عادل مصطفي كان جرس الباب يرن و ....
عادل : ايوا يا اللي ع الباب ثانيه واحده
ثم قام عادل بفتح الباب ليتفاجئ بعدم وجود اي شخص فقد توجد علبه علي شكل هديه مما اثار قلق عادل ثم قام بالدخول مره اخري الي بيته وقام بالدلوف الي غرفته واغلق الباب ثم قرر ان يقوم بفتحها وهنا كانت المفاجأه لانه وجد بها .....
عادل بفزع : اييييه ده ايه اللي جاب الصورة دي عنده يااربي طاهر ده مش ممكن ابدا يسكت علي اللي حصل وكمان في كارت استرها يارب
كانت الهديه بداخلها صورة لعادل وفوزي معا ومحدد حول رأسيهما بالقلم الاحمر ووجد ايضا عادل كارت بالعلبه كان مكتوب فيه (( اللي يلعب مع طاهر المغربي يبقي بيرمي نفسه ف دوامه اجهزو عشان الدور قرب عليكو ))
عادل بقلق : يا ساتر يارب هو مكفاهوش اللي عمله زمان كمان لما جيت ارجع حقي يحصل كده استرها يارب معانا ... انا .. انا لازم اكلم فوزي فورا
وما ان قام عادل بمحادثه فوزي واخباره عن الهديه التي وصلته حتي اندهش فوزي لانه اتته هديه مثلها ثم قرر كلا منهما ان ...
فوزي : لا يبقي الراجل ده مش بيهزر بقا احنا لازم ننفذ الخطه دي ف اسرع وقت
عادل : بس كده انا ف خطر انا وعيلتي
فوزي : طيب في حل عارف انو صعب شويه بس انت لازم تنفذه معايا
عادل : ايه هو
فوزي : انت لازم تيجي تقعد عندي ف الفيلا لحد ما نسافر علي الاققل في هنا حراسه شديده ومحدش هيقدر يعملكو حاجه
عادل : لا طبعا ميصحش
فوزي : انا فاهمك يا عادل بس انت ايه اللي يضمنك ان طاهر ميعملش اللي عمله زمان ساعتها هتكون ايه رده فعلك مش هتقدر تعمل اي حاجه احنا لازم نتصرف وبسرعه
عادل : طب وازاي بس هقدر اقنع ادهم ب كده
فوزي : انا من رأيي انك تقول لادهم هو برضو ظابط وغير كده ابنك الكبير وضهرك لازم يكون عارف
عادل : مش عاوز اقوله يا فوزي خايف ليتهور ويحصله حاجه منهم الناس دي مش سهله
فوزي : انت نسيت ان احنا معانا ادله كتير اوي ضده اللي احنا عملنا برضو مش شويه الادله دي ممكن توديه ورا عين الشمس احنا كل اللي هنعمله اننا بس هنحميكو لحد ما الادله دي تكمل وساعتها نقدمها وطاهر ده هيكون باي باي
عادل : طب وانت ذنبك ايه تستحملنا عندك يا فوزي
فوزي : يا عادل باشا اللي انا فيه ده بسببك انت وانا مش قليل الاصل وهتيجو تقعدو هنا معانا عشان تكونو ف حمايه
عادل : مع اني عارف ان اكيد هكون تقيل عليك بس والله مفيش ف ايدي حاجه تاني وانا متشكر جدا يا فوزي باشا
فوزي : ولا تقيل ولا حاجه يا راجل واذا كان ع الشكر فأنا اللي المفروض اشكرك مش انت يا باشا يلا في امان الله وعاوزك علي بكرا بالكتير تكون هنا
عادل : طب ايه رأيك لو ...............
فوزي : اممممم فكره حلوه خلاص وقت ما تيجي تنفذ قولي  يا باشا
عادل : وهو كذلك مع الف سلامه
فوزي : مع السلامه
عادل في نفسه : كانت مصيبه ايه بس ياربي دي اللي انا حطيت نفسي فيها انا كان لازم اسكت اديني اتعكيت مع الزفت اللي اسمه طاهر ده وكمان مضطر اروح اقعد عند فوزي بس يارب ادهم يقتنع باللي هعمله
وهنا طرقت سميره علي باب غرفه عادل ثم قام بفتح الباب لها و ...
سميره : في ايه يا حج ايه اللي مخليك قافل علي نفسك كده ومين اللي كان عمال يخبط علي الباب
عادل : هقولك يا سميره اسمعي .............
سميره بفزع :  يا نهااااار اسوووود طيب وهنعمل ايه
عادل : مفيش حل غير اللي قلتلك عليه
سميره : بس كده هنتقل اوي علي الناس
عادل : عارف يا سميره بس انتي عندك ايحل تاني غيره
سميره : بصراحه لا
عادل : خلاص يبقي جهزي الشنط بتعتنا علي اساس اننا اول ما مايا ترجع هنسافر وساعتها ننفذ احنا الخطه
سميره : وتفتكر ادهم هيوافق
عادل : ده هو يوم هنقعدو عند الناس وبعدها هنسافر
سميره : ماشي والله انا ما عارفه احنا كان مالنا بالوقعه المقندله دي
عادل : اهو اللي حصل بقا
.............................................................................................................
مر يومان وكلا من ابطالنا يحاول ان يقوم بمهمته ف عند عادل وفوزي فقد كانا يجهزان للقيام بختطهما وكانا يأملان من ان يوافق ادهم اما عند مايا وآسر فقد وجد آسر بالفعل الدليل ضد نادر ولبني وقرر ان يقوم بالقبض عليهما في يوم الزفاف !!!
آسر وقد اتصل بمايا : ايوا يا مايا
مايا : ايوا يا سياده الرائد في اخبار جديده !
آسر : ايوا انا من خلال مراقبتي ليهم اليومين اللي فاتو دول  قدرت اصور لبني وهي بتدي نادر فلاشه وكمان في تسجيل ليها وهي بتقوله ان الفلاشه دي فيها كل بلاويها هي ومدحت
مايا وقد شعرت بأرتياح : الحمد لله طيب وهتنفذ امتي بالظبط
آسر : النهارده بليل يا مايا
مايا : في الفرح
آسر : بالظبط بس عاوزك تكوني معايا عشان ميحصلكيش اي حاجه منهم
مايا : خلاص انا موافقه قولي بس هتنفذ امتي وانا معاك
آسر : اوك يا مايا هكلمك تاني بليل باي باي
مايا : سلام
مايا في نفسها : مكنتش عاوزة اعمل كده يا نادر بس انت اللي اجبرتني علي كده بعمايلك دي يبقي اتحمل بقا
في منزل عادل مصطفي
قرر ادهم ان يقوم بمواجه والده وان يعرف منه الحقيقه وراء سفرهم للعرس بأيطاليا و ..
ادهم :  انتي بتعملي ايه يا ماما بقالك يومين وعماله تجهزي ف شنط
سميره : هنسافر يا عريس
ادهم : نسافر فين هو ابويا لسه حاطط ف دماغه حوار ايطاليا ده
سميره : ابوك مشالش الموضوع من دماغو اصلا
ادهم : الراجل ده شكلو اتجنن ف اخر ايامه كده والا ايه
سميره : احترم نفسك يا ولد
ادهم : ايه اللي انتو بتقولوه ده كلام مش منطقي ابداااا
سميره : وايه اللي خلاه مش منطقي يا ادهم ابوك ملهوش غيرك انت واختك وهو من زمان اوووي كان شايل الفلوس دي عشان فرحكو
ادهم : وايه اللي خلاه افتكر الفلوس دي فجأه كده ما انا كنت خلاص حجزت ف القاعه
سميره : كان فاكرك مبسوط بيها يا ادهم بس لما اكتشف انك مش عاوزها قال يبسطك
ادهم : برضو مش مقتنع
سميره : عنك ما اقتنعت بقا انا ورايا 100 حاجه ولعلمك ابوك مش هيرجع ف وموضوع السفر ده
ادهم : يوووه انا لازم اشوفه
سميره : اهو عندك ف الاوضه جوا روح شوفه براحتك
ادهم : اه هشوفه انا داخله
قام ادهم بالتوجه نحو غرفه والده وما ان قام بالدلوف الي الداخل حتي
ادهم : يا بابا انا عاوز اقولك اني رافض موضوع السفر ده
عادل : طب ليه يا ادهم
ادهم : انت كمان بتسئل يا بابا طب والتذاكر بتاعت المعازيم
عادل : اتحجزت
ادهم : والقاعه اللي هناك
عادل : موجوده وكمان هيكون علي الشاطئ يا بوز الفقر
ادهم : ومنيييين الفلووووس دي
عادل : ما قلتلك كنت محوشها من زمان وشايلها ليكو
ادهم : تحت انهي سيراميكا يا بابا
عادل : مش فاهمك
ادهم : يعني يا بابا بصراحه الحوار ده مش داخل دماغي
عادل : لا هيدخل وهنسافر غصب عنك
ادهم : انت متمسك اوي كده ليه بالسفر هو فرحي والا فرحك
عادل : فرح ابني الوحيد يا ابني الله يرضي عنك ما تنشف دماغك وتسمع كلامي
ادهم : خلاص يا بابا موافق
عادل : بجد يا ادهم
ادهم : ايوا موافق
عادل : ربنا يخليك ليا يا ابني طيب انشاء الله احنا هنسافر كمان تلت ايام
ادهم : ليييه يا بابا كده بسرعه اوي
عادل : يا ابني مهو مفيش وقت لازم نلحق نفسنا
ادهم : نلحق نفسنا من ايه مش فاهم انا
عادل : ها .. اقصد نلم نفسنا يعني ف تحضيرات الفرح
ادهم : اممممم
عادل : طيب يلا اجهز بقا انا طالع برا عشان نتغدي سوا وانت حصلني ماشي
ادهم : حاض يا بابا
خرج عادل من الغرفه ليذهب لتناول الغداء بينما ظل ادهم بالغرفه يفكر في تسرع والده في قرار السفر ثم قطع شروده صوت والدته وهي تنادي عليه ب ..
سميره : يا ادهمم شوفلي فين طقم الصيني اللي جبناه السنه اللي فاتت
ادهم : هو انا اللي شلته والا انتي
سميره : يوووه بقا شوفو طيب تحت السرير
ادهم : حد يحط طقم صيني تحت السرير
سميره : ما كل الناس كده
ادهم : كل الناس كده ايه بس ده مفيش الا احنا
سميره : بطل غلبه بس وهاتهولي
ادهم : ومالو مهو انا اليومين دول مواريش غير اني اقلكو حاضر ونعم وخلاص
قام ادهم برفع مرتبه السرير ليبحث عن ما طلبت منه والدته ان يبحث عنه ثم تفاجئ بوقوع بضع الاورق التي كانت موضوعه تحت تلك المرتبه و ...
ادهم : يوووه ايه البيت العجيب ده ورق ف المرتبه و ... ايه ده صوره ابويا ومين اللي معاه ده شكله مش غريب عليا بس ليه متعلم حواليهم بالاحمر كده
ثم قام ادهم بفتح الظرف فوجد الرساله المكتوبه بالكارت مما اثار تساؤله
ادهم بصدمه : طااااهر المغرربي يعرف ابويا انا ده .. ده معناه ايه انا مش مصدق نفسي لا لا ايه اللي يورط ابويا مع واحد زي ده انا لازم افضل ممثل اني عبيط ومعرفش اي حاجه عشان ميشكوش فيا لازم افهم كويس اوي ايه اللي بيحصل هنا وايه اللي يخلي ابويا مستعجل اوي كده علي السفر عشان كده خلي السفر برا مصر اكيد هو متورط مع طاهر بس ازاي ده انا ابويا طول عمره ف حاله بس مسيري هفهم واعرف ايه اللي بيحصل هنا ......
في القريه
كانت التساؤلا تملئ جميع الموجودين بالقريه فكيف ان يكون نادر متزوجا من مايا وسيقومو بعمل الفرح الخاص بهما فور عودتهما الي القهره كما اخبرهم نادر وكيف سيقوم بعقد قرانه هو ولبني سويا وكلما سئله احدا قال لهما انه يحق له ان يتزوج اربع وليس اثنان فقط كانت لبني تحضر نفسها الي الزفاف ثم قامت بأرتداءفستانا قد احضره لها نادر وكانت الفرحه تملئ قلبها لانه لن تتخلص من مدحت فحسب ولكنها ايضا سوف تتزوج من نادر الدمنهوريفيمكنها ان تنعم بالاموال والمكانه العاليه ....
اما عند مايا فقد كانت تنتظر مكالمه آسر لها بفارغ الصبر فهي كانت تريد ان تري كلا من نادر ولبني ف يد العداله وبالفعل قام آسر بالاتصال بها لكي تأتي لتلقاه و ...
آسر : خلاص يا مايا احنا جاهزين يلا تعالي عند ( ... )
مايا : تمام انا جيالك حالا
تحركت مايا علي الفور لتذهب للقاء آسر وما ان وصلت هناك حتي
مايا : سوري اتأخرت شويه
آسر ولا يهمك
مايا : انا شيفاك لوحدك امال فين الرجاله بتوعك دول
آسر : امممم  شايفه الفرقه اللي بتعزف دي
مايا : اه بصراحه مش عارفين يعزفو حاجه انا عارفه جابوهم ليه
آسر : عشان دول مش الفرقه الحقيقيه دول رجاالتي وكمان في ناس تاني موجودين ف نص المعازيم هيتحركو مع اول طلقه
مايا : طلقه !!
آسر : ايوا هيكون في ضرب نار
مايا : انت هتقتلهم يا آسر
آسر : لا لا مش هقتلهم ولا حاجه انا بس هضرب نار ف الهوا اول ما يوصلو
مايا : تمام هم جم اهو هناك
كان الفرح عباره عن فراشه ويوجد كراسي علي الجانبين وبالنهايه توجد الكوشه الخاصه بهما وما ان احضر كلا من نادر ولبني وجلاسا سويا علي  الكوشه وبدأت المباركات لهما حتي امسك آسر بيد مايا ثم تحرك ناحيته نادر وقام بشد اجزاء السلاح الخاص به في وسط دهشه من الجميع و ....
آسر : اثبت مكانك يا عريس مفيش كتب كتاب هيتعمل هنا امشي يا مولانا احنا اسفين  كده برضو يا عريس تنسي تعزمني
مايا بصدمه : انت بتعمل ايييييه
آسر : هحيي العريس والعروسه
ثم قام آسر بتوجيه سلاحه نحو نادر و .... 
وحصصصصصصصل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يتبع