ساغيرك رغما عنك لكاتبة مى محمد

الفصل الثانى عشر

الفصل الثاني عشر
القي شوقي كلماته الاخيره وقام بطرد مايا وفصلها من المشفي ثم اتجه مسرعا خارج غرفه العنايه كانت مايا في حاله يرثي لها فهي لم تنام او تأكل لمده يومين واضافه الي ذلك تم فصلها من عملها كانت تشعر بأن كل ما قامت ببنائه سبعه سنوات قد تحطم ولم يبقي سوي رماد هذا الحطام  ثم بدأت تشعر بالدوارووقعت مغشيا عليها وما ان رأاها نادر حتي اتجه نحوها مسرعا وامسك بها قبل ان تقع و ...
نادر : مايا مايااااا يا دكتور فوقي
ثم قام بحملها واتجه بها نحو الاستقبال لكي يقومو بأفاقتها
الممرضه : يا ساتر يارب ايه اللي حصل للدكتورة
نادر بنبره قلق : كانت ف العنايه بتشرف علي مريض واغمي عليها مرة واحده ممكن تساعديني افوقها لو سمحتي انا خايف ل يكون حصلها حاجه
الممرضه : ايوا ايوا اكيد حطها علي السرير وانا هروح اجيب اي حاجه مسكره تشربها واجي
نادر :بسرعه بالله عليكي ولو سمحتي ممكن تجيبلها شنتطها من العنايه عشان لو حد من اهلها اتصل نقوله علي اللي حصل
الممرضه وقد تسارعت في خطواتها : حاضر حاضر انا رايحه اهو
نادر : بسرعه والنبي
كانت مايا غافله تماما عن العالم الذي نحن فيه فهي تعرضت لصدمه ليست بقليله عندما تم فصلها من عملها ..
اما نادر فلم يكن يعلم لماذا ينتابه الشعور بالقلق الشديد منذ ان وقعت مايا مغشيا عليها
نادر في نفسه : يارب ميكونش حصلها حاجه انا خايف عليها اوي ...خايف يا نادر طب وانت مالك تخاف ليه .. بس اول مره اشوفها من قريب كده اول مره بجد اخد بالي ان ملامحها هاديه اوي كده بجد زي ما تكون ملاك نايم
ثم عاد يلوم نفسه علي ما قام بالتفكير به
نادر في نفسه : جري ايه يا نادر احنا هنعيده تاني هنعيد السذاجه والهبل تاني وتتكسر تاني لا انا مش هسمح يحصل كده تاني
لم يمر الكثير من الوقت حتي عادت الممرضه ومعها الحقيبه الخاصه بمايا حيث اعتطها لنادر و ....
الممرضه : الشنطه اهي يا استاذ ومتقلقش يا فندم دي مجرد اغمائه بسيطه
نادر بنبره قلق : يعني محصلش حاجه خطيره
الممرضه : لا لا بعد الشر هو لو كانت برضو حاجه خطيره كنت هقف كده ومندهتش لاي حد من الدكاتره
نادر وقد شعر بالارتياح : ربنا يكرمك يارب
الممرضه بأبتسامه : عن اذن حضرتك
نادر : اتفضلي
كان نادر جالسا علي كرسي امام مايا واخذ يتأمل تفاصيل وجهها الهادئ البرئ
ثم فاطعه صوت رنين هاتف مايا الذي كان يرن برقم ادهم
نادر في نفسه : ايه ده موبايلها بيرن طيب انا افتح الشنطه وارد لا لا ميصحش برضو افتح شنطتها وف نفس الوقت ممكن يكون حد من عيلتها او قرايبها وعاوز يتطمن عليها انا احسن حاجه اعملها اني ارد بدل ما يكون والدها والا حاجه ويكون قلقان عليها
اخرج نادر الهاتف من حقيبه مايا ثم نظر لاسم المتصل الذي كان يرن برقم ( ادهومي ) فثار غضب نادر عندما رأي هذا الاسم و ...
نادر بعصبيه : ايه ده مين ادهومي ده دلع اسم ادهم وده يبقي مين انشاء الله يا ست مايا ...لا لا انا مش هظن فيها غلط تاني انا عملت كده مره وندمت بعدها كفايه اوي كده
ثم اجاب نادر علي هاتف مايا و ...
ادهم مازحا : ايييه يا اوزعه ساعه عشان تردي
نادر : احم والله يا فندم انا مش عارف اقول ايه لحضرتك بس انا مش الاوزعه
ادهم بقلق وقد تفحص الرقم مره اخري : مين حضرتك مش ده رقم مايا برضو والا النمره غلط والا في ايه
نادر . ااااا ... ايوا رقمها بس
ادهم بعصبيه : بس ايه يا بنيئادم انت ما تنطق عارف لو كان حصلها حاجه انا هعمل فيك ايه
نادر : لا يا فندم هي كويسه انا نادر الدمنهوري اللي مايا بتشرف علي والده اللي حصل يا فندم ان مايا تقريبا كانت ف نبطشيه ومدير المستشفي كان جاي يتطمن علي والدي في العنايه وحصل انو ...
ادهم بنرفزة : طيب ومايا فاقت والا لا
نادر : هي لسه مغمي عليها بس متقلقش يا فندم الممرضه قالتلي ان دي مجرد اغمائه بسيطه
ادهم بعصبيه : مقلقش ازاي انا بعد اللي انت بتقوله ده انا جاي علي المستشفي حالا مايا فين بالظبط بقا
نادر : احنا يا فندم في الدور الاول في الاستقبال
ادهم : طيب انا جاي علي المستشفي ومتشكر اوي علي اللي حضرتك عملته
نادر : لا علي ايه ده واجبي
ادهم : ربنا يكرمك يلا الف سلامه يا باشا وانا شويه وهوصل
نادر : سلام
بدأت مايا تستفيق شئ فشئ ثم قامت بفتح عينيها ببطئ و ...
مايا بتعب وهي تفتح عيناها : ايه ده انا فين
نادر انتي كويسه يا مايا احنا ف المستشفي
مايا وقد بدأت بالبكاء : ايوا بس انا اترفدت من الشغل بقالي 7 سنين بتمني اني ابقي دكتوره عشان اساعد الناس وف الاخر اتفصل حرام بجد لا وكمان مفيش غير الولد المغرور المتدلع اللي يساعدني ده ايه الحظ ده مفيش غيرك انت اللي ف سكتي
نادر بعصبيه : ما تتكلمي كويس ده بدل ما تقوليلي شكرا
مايا ببكاء : مش كان اولي لو كنت انت قولتلي اسف
نادر وقد شعر بالاشفاق الشديد نحوها : طيب ممكن تقوليلي انتي كنتي هناك نايمه ليه بس
مايا وهي مستمره في بكائها بصوت متقطع : الممرضه اللي كانت معايا ست كبيره وكانت تعبانه اوي وداخت مره واحده ومكانتش هتقدر تكمل ف ورديتها لحد الصبح ف رحت استئذن المدير انو نلاقيلها بديل و تاخد اجازة مرضيه لمده يومين بس مرضيش وقالي انا مش عاوز مشاكل بس حاله الممرضه كانت ميتسكتش عليها فأنا قررت اني اقعد مكانها وفضلت هناك لحد الصبح بشرف علي حالته ولما تعبت قلت انام ساعه مش هيحصل حاجه بس انتو دخلتو واللي حصل حصل ... اهئ اهئ
نادر بصدمه في نفسه : فضلت لحد الصبح دي اكيد سمعه انا قلت ايه لبابا يادي الكسفه
مايا : وسع كده انا عاوزة اقوم امشي
نادر : ها لا مش دلوقتي عشان ادهم جاي ياخدك
مايا : ايه ادهمم طب وهو عرف منين
نادر : مهو اتصل علي موبايلك وانا رديت عليه وقلتله
مايا بنرفزة : نعمممم انت ازاي تفتح شنطتي من غير استئذاني
نادر : لا تصدقي فكره حلوه انا ازاي مفكرتش فيها قبل كده ادخل استئذنك ف الحلم انا انشاء الله مش كان مغمي عليكي طيب اهو اللي حصل بقا
مايا بعصبيه : طيب
نادر : هي الممرضه فلسعت والا ايه انا هروح اجيبلك اي حاجه تشربيها مسكره ثم قال بصوت منخفض : ياكش يطمر فيكي بس
مايا بدموع : مش عاوزة منك حاجه انا مخنوقه من المستشفي دي اصلا انا قايمه استني ادهم برا
نادر برفق : شششش بس يا مايا انا هرجعك شغلك
مايا : ايييه انت بتتكلم بجد والا هتطلع بوء

نادر : ايوا هرجعك وبطلي طوله لسانك دي بس علي شرط
مايا : انت كمان هتتشرط ده كان المفروض تعتذرلي بس اقول ايه يلا اللي ليه عند نادر
نادر بعصبيه : بالرغم من لسااااانك اللي عاوز قطعه ودماغك الناشفه بس هرجعك شغلك وشرطي انك تعتبري ده اعتذاري
مايا : طبعا مانا باكلم مين الولد المغرور المتكبر
نادر بعصبيه : اتلمي بقا واتكلمي كويس بدل ما هاتعصب عليكي
مايا بتحدي : والا تقدر تعمل حاجه
نادر بعصبيه : انا لو فضلت هنا كتير هيجيلي جلطه بسببك انا رايح اجبلك حاجه مسكره تشربيها وخلينا حلوين مع بعض بدل ما هقلب
مايا وهي تزفر بصوت منخفض : كل ده ولسه مقلبتش امال قلبتك عامله ازاي بتقلب الرجل الاخضر
نادر : بتقولي حاجه
مايا : لا مبقولش
نادر : اممم بحسب
مايا : لا متحسبش
نادر : صبرني يااااااارب
ذهب نادر لاحضار شئ لتشربه مايا وعندما عاااد .... وجد مايا جالسه مع شخص ما و ...
نادر وقد اقترب نحوهما : حضرتك ادهم صح
ادهم : ايوت بالظبط انا مش عارف اشكرك ازاي بجد انا متشكر جدا
نادر وقد تذكر ادهم فهو ذلك الشخص الذي التقط لهما الصورة سويا عندما كانا تحت المشفي
نادر : لا شكر علي واجب
ادهم وهو يصافح نادر : انا ادهم اخو مايا
مايا : اخوياااااا ها
نادر : ها . .. يا اهلا وسهلا يا فندم فرصه سعيده
ادهم : انا اسعد يلا بينا يا مايا
مايا : اها يلا
ذهب كلا من ادهم ومايا خارج المشفي و توجه نادر نحو الاستراحه مره اخري
في سياره ادهم
ادهم بعصبيه : مبسوطه كده يا ست هانم مش قلتلك مش هتقدري تواصلي واديكي اهو اتطردتي من شغلك وتعبتي مبسوطه كده
مايا بنرفزة : ادهمممم انا تعبانه ومش ناقصه ابوس ايدك سيبني ف حالي دلوقتي
ادهم : طيب
مايا في نفسها : يا تري نادر هيرجعني الشغل فعلا والا بيقول كده وبس يااارب انت عارف ان قصدي ونيتي كانت لمجرد اني اساعد الممرضه دي وانا مش معترضه علي قضائك مهما كان الحمد لله علي كل حال
في المشفي عند نادر
كلف شوقي احد الممرضات بأن تذهب لتري كيف اصبحت حاله فوزي الان حتي يجد لمايا بديل ليشرف عليه
دلفت الممرضه الي داخل غرفه العنايه وما هو الا بوقت غير بطويل حتي ..ز
الممرضه بصوت مرتفع : حد من الدكاتره يجي بسرررعه استاذ فوزي بي ....
وحصصصصصصصل .......
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يتبع