الخاتمه
احم احم ...
اولا انا عاوزة اشكر كل الفانز اللي تابعو الروايه واقلهم ان كل لايك او كومنت كانو بيعملوه كان بيشجعني جدا ..
حتي الناس اللي كان عندها انتقادات برضو لفتتو نظري لحاجات مهمه كان لازم اخد بالي منها واوعدكو اني هحاول اظبتها بعد كده ...
انا بس عاوزة اوضح كان ايه قصدي من الروايه دي مع كل شخصيه ...
اولا ( نادر )
كان قصدي من الحكايه اللي حصلت معاه ان مهما الانسان اتوجع وربنا ابتلاه ف ده اكيد اختبار من ربنا لانو مش بيعملنا اي حاجه وحشه اه بتكون حاجه صعبه اكيد ان الانسان الموجوع يتخطي ده بس اللي انا متأكده منو ان مفيش حد يستاهل اننا نضيع ضحكتنا الحلوة اللي اكيد مهمه عند ناس تانيه عشانه واستنو وربنا اكيد هيبعتلكو اللي يساعدكو ويمدلكو ايده ويطلعكو من اللي انتو فيه استمدو القوه من الناس اللي حواليكو واللي بتحبكو واللي نفسهم تبقو ف احسن حالتكو واستنو هديه ربنا اللي هتجيلكو علي هيئه انسان\ه وعلي رأي المثل اللي اوله هايدي اخره مايا ...
ثانيا ( مايا )
والحاجه الحلوه اللي ف شخصيتها هي انها عنيده وقويه ومتخلتش عن نادر بسهوله وفضلت جمبه حتي لما كانت مخطوفه مستسلمتش وكانت بتواجه طاهر بقوه حتي لو عارفه ان نسبه نجاحها 1 % بس كانت دايما قويه ومتغيرتش
ثالثا ( عادل )
عادل مفقدش الامل ف انه يرجع حقه تاني ولو بعد سنين طويله وبالفعل رجع حقه تاني هو غلط لما مخططش للاضرار اللي هتحل علي اسرته بس برضو كان عندو اصرار وامل ف ربنا ف انه هيرجعلو حقو تاني
رابعا ( لبني )
لبني اتظلمت كتير من جوزها ومراتو وبعدهم شريكها بس هي برضو كانت غلطانه ف اللي عملته ف مايا كانت انسانه مش نضيفه من جواها ونفسها توزع شر علي كل اللي حواليها ويحصل معاهم نفس اللي حصلها بس ف الاخر اتقلب عليها الموضوع وشرفت ف السجن ( مهما كان الضرر اللي حصلنا منتمناش يحصل لغيرنا )
خامسا واخيرا ( طاهر )
الانسان المستبد برأيو دايما واللي متصور ان كل الناس غلط وهو صح وانو ليه سلطه محدش يقدر يوقفها مسيرو ف الاخر بيقع ولما بيقع مبيلاقيش حد جمبه وساعتها بيتدمر وبيكتشف انو كان غلط وبيكون نفسو يرجع تاني بس طبعا بيكون الوقت اتأخر علي كده
الروايه دي كنت اقصد بيها شخص معين ياريت تكون رسالتي وصلتلك وتفهمي ان بعد الوجع ربنا بيعوضنا ......
واتمني انكو تكونو استمتعتو بيها وفهمتو قصدي منها وياريت كل واحد منكو يقول ايه اكتر حاجه عجبته فيها وكمان اكتر حاجه معجبتهوش عشان اقدر اظبط ده ف اللي جاي وانا هرد عليكو واحد واحد بس انتو بقا توروني رأيكو وتقولوه بكل صراحه وانتظروني ف روايتي القادمه قريب ^^
#مي_محمد
أنت تقرأ
ساغيرك رغما عنك لكاتبة مى محمد
Romanceالمقدمه كالسهم انت تطلق وانت تعلم هدفك لا تخطئ في اختيار فريستك كالظلام انت هادئ ومخيف تخيف من حولك ولكن بداخلك خوف كبير من نفسك كالبحر الهادئ انت لا ادري هل اطمئن لك واغطس في امواجك ام احذر منك واراقبك فقط من علي الشاطئ !.. كالملك المغرور...
