ساغيرك رغما عنك لكاتبة مى محمد

الفصل الثامن والاربعون

الفصل الثامن والاربعون
عاد نادر من الخارج وهو يشعر بالتعب الشديد والارهاق وكان علي وشك الخلود الي النوم ولكنه وجد والدته تتحدث الي شخص ما مكالمه فيديو فقر ان يستمع الي هذا الحديث واتضح في النهايه بأن المتصل هي مايا ......
امنيه : ايه الاخبار يا ميموو
مايا : انا فرحانه جدا يا موني انا مش مصدقه نفسي اني نجحت
امنيه : لا يا مايا صدقي انتي يا بنتي ممتازة بجد بقا مين يصدق ان الخطه اللي احنا حطيناها تنجح وبالتفوق ده ونادر رجع زي الاول واحسن
مايا : انا بس خايفه لنادر يعرف كده ويتضايق مني انا والله مكانش قصدي اي حاجه انا بس كنت عاوزة اساعدكو
نادر وقد دلف الي الغرفه : خ .. خطه !!
امنيه بصدمه : نادر !!!!!!!
نادر : يعني ايه اللي انا سمعته ده يعني كل دي كانت تمثيليه
مايا : لا يا نادر انت مش فاهم
نادر بصوت جهوري : مش فاااهم ايه اما انتي كنتي عامله خطه ... اااااه ومطبخينها سوا بقا كلكو يعني ايه يا مايا يعني كل ده كان كذب وحبك ليا كان كذب طب والمشاعر اللي انا حسيت بيها نحيتك طب ولمعت عينك لما كانت بتشوفني كل ده كان كدب
مايا ببكاء : لا يا نادر افهمني
نادر بصوت جهوري وقد امسك بزهريه وقام بأيقاعها علي الارض فأنكسرت : اخرررررسي خاااالص انتي ازاي قدرتي تعملي فيا كده لا انتي تاخدي الاوسكاار بجد برافو يا مايا هانم عرفتي تلعبي اللعبه صح
امنيه : نااادر ياريت تفهم الموضوع الاول وبعدها ابقي اتكلم
نادر : اه اه اتفضلي فهميني يا امنيه هانم وانتي تقوليلي انا اتغيرت وبقيت احسن يا نادر وتمثلي وتعملي فيها الام الحنونه وانتي من جواكي زيك زيهم وتلاقي بابا اصلا مكانش عيان وبتمثلو عليا عشان تمسكوني الشركه وخلاص عشان تعدلوني غصب عني .... امال ليه انا حسيتك مختلفه عنهم ليه حسيتك يا مايا نضيفه طلعتي العن من هايدي طلعتي زيها
القي نادر تلك الكلمات التي قالها بحقد كبير ثم خرج مسرعا من الغرفه متجها خارج الشاليه ثم دلف الي سيارته وهو في حاله انهيار عصبي وقاد بسرعه رهيبه نحو احد الشواطئ ثم قام بالنزول امام الشاطئ واخذ يصيح بأعلي صوته لعله يهدأ من غضبه
نادر في غضب شديد وهو يصرخ بصوت جهوري امام البحر ويتجه يمينا ويسارا كالمجنون  : ااااااااااااااااه لييييييييييه عملت فياااااا كددددده لييييييييه تضححححك عليااا وتفهمني انها بتحبنننني انا بكرهها بكرهاااااا ... لا انا مش قادر اكرهها اكرهك ازاي بعد ما حبيتك اكرهك ازاي بعد ما بقيتي اهم حاجه ف حياتي اكرهك ازاي بعد ما بقيتي جزء اساسي من يومي اكرهك ازاي وانتي اللي عدلتيني اكرهك ازاي وانتي اللي مسكتي ايدي وقولتيلي مش هسيبك انتي اللي مهما الموج كان بيضرب فيكي مسبتينيش انتي اللي اتحديتيني انتي اللي خلتيني احبك وبعدها تكسري قلبي كده لييييه يارب انا عملت ايه وحش ف حياااتي يااااا ماياااااا انتي سمعااااني انا عارف انك حاسه بياااااا انا   لسه بحبببببك بس انتي كسرتييييني انتي بقيتي نقطه قوتي وف نفس الوقت انتي نقطه ضعفي ليه يا مايااااا عملتي كده فيا ليه يااارب انا مش وحش عشان يحصل فيا كده انا والله ما عملت حاجه وحشه عشان كل ده انا كنت زباله ف فتره بس فوقت يارب يمكن ده اختبار منك ليا وبتخبر صبري بس انا يارب صبري خلاص نفذ ومش قادر اكمل ف الاختبار ده يارب تهون عني شويه للللليييييييييييييييييه يا ماااااايااااااااا
شعرت مايا بنغزه شديده في قلبها فجأه ولم تعلم ما السبب كانت مايا تجلس في غرفتها والخوف الشديد يتملكها ثم اخذت تضع يدها علي الخاتم الخاص بها في قلق شديد وهي تبكي ....
مايا في نفسها : اااه قلبي انا حاسه انو واجعني اوووي اكيد نادر دلوقتي موجوع  والله العظيم انا بحبك انت فهمتني غلط واتسرعت ف حكمك عليا يااارب تحميه يارب وميحصلوش اي حاجه وحشه ياربي انا خايفه عليه جدا يعني خلاص مش هيبقي في حد يقولي فارفور تاني مين هيرخم عليا مين هيتحداني مين هيعملي كاب كيك بالعسل مين هيعمل فيا مقالب انا اول مره احس اني محتاجه نادر جمبي اوي كده بس هو بعيد عني وكمان اكيد دلوقتي مش طايقني ولا طايق يبص ف وشي يارب يعرف الحقيقه ويعرف اني مليش اي ذنب ف اللي حصل .......
ظل الاثنان في تلك الحاله من الصدمه لفتره طويله نادر جالسا امام الشاطئ لا يدرك ماذا يفعل ومايا في غرفته جالسه علي فراشها وهي ضامه قدمها نحو صدرها غارقه في دموعها الي ان تورمت عيناها
   ..................................................................................
اما عند ادهم وعادل وفوزي فقد اخبر ادهم كلا من والده وفوزي عن اروي وعما فعله معها طاهر هي الاخري وعن رغبتها بالانتقام ثم اخبرهم بضروره العوده الي مصر في الصباح الباكر دهش الجميع من قرار ادهم في العوده الي مصر بتلك السرعه ولكن وافقو في النهايه
..........................................................................................
قام فوزي بمكالمه نادر اكثر من مره مما اثار قلقه علي ولده ولكن في نهايه الامر قام نادر بالرد علي مكالمه والده و ...
نادر : ايوا
فوزي بعصبيه : انت حمااار يا نادر مبتردش عليا ليه كل ده عمال ارن عليك انا افتكرت حصلك حاجه
نادر : لا وانت بتخاف عليا اوي
فوزي بأستغراب : انت بتتكلم كده ليه يا نادر ومال صوتك
نادر : يعني انت مش عارف انت عملت فيا ايه منور يا boss يا كبير ما طبعا كل ده
منك انت مهو الخطه الحلوة دي متجيش الا من الدماغ الحلوة اللي زيها انت ازاي تعمل ف ابنك كده انت فكرت اني بالشكل ده هرجعلك واديني رجعتلك فكرت بقا للحظه واحده لو ان التغيير ده ممكن يأثر عليا ازاي لما اعرف الحقيقه رد عليا
فوزي بصدمه : يا ابني .. انا .. انا
نادر بغل : حسيت ان انا مجرد لعبه تافهه بتحركوها كلكو بخيوط حددتو مصيري وانا زي الاهبل صدقت وافتكرت انها بتحبني بجد لكن ايه بقا دي طلعت روعه ف التمثيل دي خريجه معهد التمثيل مش كليه طب
فوزي : ناادر اتكلم كويس عنها انت متعرفش اصلا هي عملت كده ليه
نادر : ولا عاوز اعرف حاجه انا مش طايقكو كلكو
فوزي : والا حتي مايا
نادر : مش عارف اكرهها ازاي اقدر اكرهها انتو ليه عملتو فيا كده
فوزي : يا ابني يا حبيبي احنا معملناش فيك حاجه يا نادر مايا عملت كل ده عشان ...
نادر مقاطعا : مش عاوز اعرف حاجه سيبني لما اهدي يا بابا لو سمحت
فوزي : ماشي يا نادر بس انت لازم تعرف الحقيقه ودلوقتي ارجع علي الشاليه عشان احنا كلها ساعتين وراجعين مصر
نادر : انا هروح ع المطار مش طايق ارجع شاليهات انا ابقو تعالو علي هناك وقسما عظما اللي هيفتح معايا الموضوع ده دلوقتي هكون عامل تصرف مش هيعجبه ايا كان بقا الشخص ده
فوزي : ماشي يا نادر اطلع ع المطار بس
نادر : سلام
اغلق نادر الخط مع والده واتجه نحو المطار وبعدها بقليل انضم له الجميع ثم عادو الي القاهره وهناك افترق الجميع فذهبت اسره الدمنهوري الي فيلاتهم واسره عادل الي منزلهم لاحظ الجميع تجاهل نادر لهم وبالاخص مايا شعرت مايا عندها بأن نادر قد كرهها بالفعل وعندما عادو الي المنزل دلفت الي غرفتها بكل هدوء ثم ارتمت علي فراشها وبدأت في نوبه من البكاء الحاد مره اخري ......
كان الحال بالمثل عند نادر ولكنه لم يبكي فقد كان يشتعل غضبا وغيظا لانه شعر وكأنه اكبر مهرج في التاريخ شعر وكأن الجميع يقوم بالتمثيل عليه حاول جاهدا ان يكره مايا ولكنه لم يستطع فهي اول حب صادق قد طرق علي جدران قلبه فكيف له ان يكرهها ......
عادت ندي الي منزل والدتها بناءا علي تعليمات ادهم فقد كان يريد اخراج ندي من المشاكل التي سوف تحدث الي حين ان يطمئن بأن طاهر قد سلم الي العداله وبأن الاوضاع اصبح امنه تماما
غضبت نهي من تصرف ادهم في البدايه ولكن بعد ان فسرت لها ندي تفهمت نهي الموضوع وقبلته لانها هي الاخري ارادت ان تبعد ابنتها عن تلك الاخطار
... عند فوزي وامنيه كانا يشعران بالحزن الشديد و الاسي علي حاله ابنهما الوحيد وكانا يريدان اخباره بالحقيقه لان مايا لا تستحق تلك المعامله القاسيه منه ولكنهما ققرا ان يقوما بفعل ذلك في الصباح .......
...................................................................................................
وفي صباح اليوم التالي اتجه ادهم نحو منزل اروي ولكنه فوجئ بوجود صوان تحت المنزل وعندما صعد الي منزلها وجد بعض السيدات تتدين ملابس سوداء بعضهم يبكي والاخر يصرخ فأدرك علي الفور بأن جدتها قد توفيت فقرر ان ينزل الي الصوان مع الرجال بالاسفل حتي ينتهي العزاء .... وبعد انتهائه صعد ادهم مره اخري الي منزل اروي و ...
ادهم : انا متأسف جدا علي اللي حصلها الله يرحمها
اروي بنبره يظهر بها الحقد الدفين : دي ماتت مقتوله يا ادهم
ادهم : الله يرحمها يا اروي ويصبرك ويجعل مثواها الاخير الجنه
اروي وقد اغمضت عيناها : اللهم امين
ادهم : طيب انا عارف ان الوقت مش سامح بس ..
اروي : انا كلمتك بعد ما هي ماتت علي فكره يعني انا لو كنت شايفه ان الوقت مش مناسب كان زماني مكلمتكش
ادهم : طيب ايه هو الدليل اللي معاكي
  اروي وقد اخرجت هاتف ما من جيبها : هو ده الدليل
ادهم : ده موبايل تقصدي يعني البصمات اللي عليه
اروي : لا يا ادهم اقصد الفيديو اللي متسجل عليه
ادهم : طب وريهوني بسرعه
اروي : امسك
فتحت اروي لادهم الفيديو وكان يتضمن جدتها وهي تحاول التعرف علي الهاتف الجديد التي احضرته لها حفيدتها وقامت بفتح كاميرا الفيديو بالخطأ وفجأه دلف طاهر واعوانه الي المنزل ثم قامو بأيقاعها من علي كرسيها المتحرك كانت في حاله ذهول تام مما يحدث واخذت تسئل عن من هؤلاء الذين اقتحموا منزلها فجأه ولكن لم يجبها  احد بل قيدوها بالحبال   ثم احضر شخص من اعوان طاهر مقعد  لطاهر ليجلس امامها ثم اشار بيده لشخص ما ليعطيه علبه ليخرج منها طاهر سلسله ما بداخلها رساله ويعلقها برقبه جده اروي وبعدها اشار لشخص ما لكي يقوم بمهمته وخرج من الشقه وهو ينفث دخان سيجارته في الهواء وترتسم علي وجهه ابتسامه شيطانيه ....
فلااااااش باااااك
سلوي : والله مانا فاهمه بالبتاع اللي اروي جابتهولي ده وتقولي تاتش مالها العده ام زراير طب ده بيجيب الاذاعه منين  عاوزة اسمع قرأن شكلها كده البتاعه اللي انا فتحتها من شويه دي مش عارفه اقفلها يادي النحس خلاص انا اروح احطه ع الكنبه لحد ما اروي تيجي وتقفله
فجأه دلف اشخاص غراب الي منزلها واقتحموه ....
سلوي بفزع : آآ .. انتو مين وعاوزين ايه مني
شخص ما وهو يركل الكرسي المتحرك الخاص بها  بدون رحمه : بس يا وليه انتي اخرسي
سلوي وقد وقعت علي الارض : اااااه ليه يا ابني كده حرام عليكده انا قد والدتك
شخص اخر : اتفضل يا طاااهر بيييه ادخل
سلوي بصدمه : هو انت .... !!  طبعا مهو مفيش حد يطلع منو الملعوب القذر ده غيرك يا واطي يا كلب انت عارف انت لو لمست شعره واحده بس من اروي انا هعمل فيك ايه
طاهر وهو ينظر لها بعينين امتلئتا غيظ وقال بنبره خشنه : انتي مش هتلحقي تعملي انتي هتودعي العالم كمان شويه 
سلوي : وانت فاكرني هخاف منك يا ابن ال ****
اشار طاهر لشخص ما لكي يحضر له العلبه ويخرج منها السلسله ثم قام بربطها حول عنق سلوي بشده  وقال بنبره جافه : لما تبقي تقابلي ابنك فوووق ابقي سلميلي عليه بقالي كتير مشفتوش ومتخافيش حفيدتك هتحصلك عشان حرام عليا ابقي سيبتها لوحدها هنا والا ايه
سلوي بهيستيريا : حسبي الله ونعم الوكيل ربنا ع الظالم والمفتري هتروح من ربنا فين
اشار طاهر بيده الي شخص ما من اعوانه لكي يقوم بقتل سلوي وبالفعل قام بذلك وبدأ يضغط علي عنقها الي ان ازرق وجهها وزهقت روحها ثم طلب منهم طاهر بأن يفكو قيود يدها وان يقومو بتطهير المكان من البصمات بعد ان يقومو بأعاده كل شئ الي مكانه وبعدها يذهب الجميع تاركين سلوي بمفردها في الشقه الي ان اتت اروي وشاهدت ذلك المنظر الذي ارعبها ثم قرأت الرساله الموجوده حول عنق جدتها واثناء بكائها وجددت هاتف جدتها ملقي علي الارض ويطلق اصواتا غريبه وعنما قامت بالامساك به وجدت ان هناك فيديو ما يطلب ان يتم حفظه او حذفه فقام اروي بحفظه ثم بلغت ادهم بما حدث ............
باااااااااااااااك للوقت الحالي
ادهم بغضب : اه يا ولاد الككلللب طب والبواب ده حمار مش حاسس باللي حصل
اروي : اكيد قبض
ادهم : الكللللب انا هنزل اخليه يعترف بطريقتي 
اروي :  استني يا ادهم متنزلش انا عاوزة اعمل اللي اتفقنا عليه ودلوقتي يا ادهم لو سمحت
ادهم : تمام انا موافق يا اروي بس منين هنجيب قرصان الكمبيوتر  
اروي : ارجوك يا ادهم تفكر معايا انت ظابط واكيد عارف ناس كتير تقدر تعمل كده انا مش قادره استني يوم كمان من غير ما افضح الكلب ده 
ادهم في نفسه : فكر فكر يا ادهممم مين ممكن يعمل كده ميييين ميييين !!!
ادهم : بسسس لقيتتته
اروي : مين
ادهم : الرائد آسر فهمي ...
اروي : هو بيشتغل ف القرصنه ف المخابرات اكيد 
ادهم : لا هو ظابط شرطه بس مفيش حد غير آسر هيقدر يعمل حاجه زي كده هو طول عمره بيحب شغل القرصنه ده وكل شويه قارفني بيه   
اروي : عظيم اوي ممكن تتصل بيه وتخليه يجي هنا لاني عاوزة اعمل الاعلان ده وحالا
ادهم وهو يخرج هاتفه  : فورا يا اروي
قام ادهم بالاتصال بآسر مما تسبب في استغراب آسر فادهم لايزال عريس جديد لماذا يتصل به ولكنه قام بالرد علي اي حال ... اخبره ادهم عن الاوضاع التي مر بها ادهم وعن طلب اروي .. تعاطف آسر كثيرا مع اروي وقرر ان يقوم بمساعدتها ثم حضر نحو العنوان الذي قال له ادهم عنه وبدأ في تجهيز الادوات اللازمه و ....
آسر : بصي يا اروي طبعا دي حاجه صعبه جدا اللي انتي مريتي بيه وانا عارف كده ربنا يرحم جدتك يارب وانا هحاول اهكر كتير من القنوات بس قدامك 15 دقيقه بس اتفقنا بعد كده البث هيقف جهزي كويس اوي الكلام اللي انتي هتقوليه هو الفيديو كام دقيقه
ادهم : 10 دقايق
آسر : تمام استنو بقا عليا لحد ما اقدر اخترق نظام الامن بتاعهم ودول كذا قناه مش واحده
ادهم وهو يضع يده علي كتف آسر : انت قدها وادود يا آسر ده انت واجع دماغي بالقرصنه بتاعتك دي ليل نهار يلا بقا وريني شطارتك
آسر :  عيوني يا كبير استنو بس عليا كده كام ساعه
ادهم بصدمه : كاام ساعه ليه يا ابني انت هتخترع الذره
آسر : هو انا بهكر ساب واي يا ادهم دي قنوات وليها انظمه امن
اروي : خلاص يا ادهم كام ساعه كام ساعه المهم اللي ف دماغنا يتم ....
.................................................................................................
                                                           .... في غرفه مايا ....
ظلت مايا بغرفتها غارقه في دموعها حتي الصباح  ثم قررت ان تذهب وتخبر نادر عن الحقيقه كامله فهي لم تعد تتحمل ان نادر يكرهها او يشعر بالالم بسببها ....
نهضت من فراشها ثم ذهبت لغسل وجهها ومن ثم ارتداء ملابسها ثم انطلقت في طريقها لتذهب الي فيلا الدمنهوري ولكن اثناء انتظارها لتاكسي ما ليقلها الي هناك وقفت سياره سوداء امامها وفجأه خرج منها شخص قوي البنيه ثم قام بسحب مايا داخل السياره ثم وضع يده علي فمها ليمنعها من الصراخ ... حاوله هي جاهده ان تقاومه ولكن لم تجد نفسها الا وهي مغشي عليها ثم اشار شخص ما للسائق لكي ينطلق وفجأه اختفت تلك السياره ........!
........................................................................................................
                                          ... عوده الي منزل اروي ....
ادهم : اخلص بقا بقالك خمس ساعات رازعنا جمبك
آسر : يا ابني واله دي حاجه مش سهله زي ما انت مفكر وكمان انتو عاوزين البث يبقي ف نفس الوقت كلو مع بعضو
اروي : خلاص يا ادهم مش مهم خليه براحته
آسر : يكرم اصلك يا انسه اروي
ادهم : طب اخلص بقا
آسر : اهو ياعم شغال علي قدم وساق
ادهم : مش وقت خفتك يا آسر
وبعد ساعتين ........
آسر : اهو اهووو خلصت
ادهم : اشهد ان لا الله الا الله 
آسر : بما ان الفيديو 10 دقايق ف انتي قدامك خمس دقايق بس تتكلمي فيهم يا اروي وقت ما تقولي انك جاهزة شاوريلي تمام
اروي وقد اعتدلت حتي اصبحت علي استعداد تام  : اوك دلوقتي
آسر  : بسم الله
بدأ آسر البث ثم اشار الي اروي بأن تبدأ في الكلام و ...
اروي : اولا انا بعتذر جدا عن اننا قاطعنا القنوات الكتير دي انا بس عاوزة اقول كلمتين ف خمس دقايق وهسكت بس ياريت كل الناس الموجوده تنتبه .... طبعا كتير منكو عارف انا ابقي مين انا المذيعه اروي حجازي اللي كانت ف برنامجها بتناقش قضايا كتيره اوي زي اي برنامج سياسي ومن ضمن القضايا دي قضيه طاهر المغربي واللي بعدها  اتفصلت من شغلي واتوقفت عن العمل بسبب اني حاولت اكشف طاهر واللي كان بيعملو لاني مش بقدر اسكت علي الظلم ...........
طاهر المغربي  اللي كلكو عارفين انو رجل اعمال كبيير وصاحب شركات سياحه انا عوزاكو تشوفو الفيديو ده وبعدها هرجعلكو تاني تكونو عرفتو مين بجد يبقي طاهر المغربي وايه هو الوش الحقيقي ليه
ثم بدأ آسر في بث الفيديو الخاص بجده اروي وما ان رأت اروي ذلك الفيديو حتي انفجرت دموعها المكبوته بداخلها منذ وفاه جدتها ولكن بعد انتهاء الفيديو سيطرت قليلا علي دموعها و ...
اروي بأعين حمروتين و دامعتين ثم قالت بأنفعال تام  : انا بخاطب كل مصري وكل مصريه لو ده ينفع يحصل او يرضي اي حد فيكو ياريت يقول  لو الناس اللي زي الراجل ده كلكو عارفين هم بيعملو ايه وساكتين يبقي حرام علينا والله يبقي نستاهل اللي بيحصل فينا في ناس كتير اوي من امثال الراجل ده ولم بيلاقو محدش بيتكلم بيتمادو ف اللي بيعملوه بيفتكرو ان محدش يقدر يوقفهم طبعا الكل دلوقتي هيهاجمني ويقول ازاي تقطع بث القنوات وانا اللي هتحبس ف الاخر بس انا عاوزه اقول لطاهر بيه كلمه انت لو محدش هاجمك ف اتأكد ان انا لوحدي كفيله بأني اقفلك يا طاهر واقف لكل اللي زيك هؤلاء الذين لا تعرف الرحمه الي قلوبهم طريق يجب ان يلقو جزائهم ويتحملو عاقبه افعالهم ويعلمو بأننا سوف نشن عليهم حرب .... طاهر المغربي النهارده كل بيييت ف مصر عرف وشك الحقيقي وعرف حقيقتك وده جزاء كل ظالم وحسبي الله ونعم الوكيل فيك ... انا عاوزة بس اوضح ان انا مش خايفه منك والا من اي حد انه يعملي حاجه لاني واثقه اني بعمل الصح انا بس كنت عاوزة ابين  وشك الحقيقي ووريني هتعملي ايه يا طاهر هتموتني زي جدتي هو ده اللي هتقدر تعملهولي صح طيب موتني يا طاهر مهو انت اللي تقدر تعمله انك تقتل اللي بيواجهك انما عشان تقف وتثبت برائتك بطريقه حضاريه لا متعرفش  انت تدخل تدبح ف الناس وبس وكمان بعد ما الكل شاف الفيديو ده هيطلعو ينتقضوني انا ويقولو اني وقفت البث ومينفعش اعمل كده بس انا مش هاممني عارف ليه عشان انا كده هبقي انتقمت منك علي الاققل النار اللي جوايا دي تهدي شويه لحد ما تاخد اعدام وصدقني هتكون اول زياره مني وهجبلك نفس السلسله اللي سبتها مع جدتي استناني يا طاهر هنتقابل قريب اوي وانت بالبدله الحمرا  وانا في النهايه بعتذر للجميع عن اللي حصل ده انا اسفه جدا علي الهكر اللي عملناه للقنوات واتمني تكون رسالتي وصلت ليكو .......
ما ان انهت اروي البث حتي ثار الغضب في انحاء مصر بسبب ما حدث من قبل طاهر لتلك السيده الكبيره ولم تمر ساعه او اثنتين حتي اشتعلت السوشيال ميديا واصبح الجميع يؤيد اروي ومنهم من هدده بأن يقوم بتسليم نفسه والا سيواجه غضبهم الذي لا يمكن لاحد ان  يهزمه  فأصبح الجميع يكن الكره والمقت لطاهر المغربي  وقتها شعرت اروي براحه شديده وشعرت بأنها اتمت انتقامها علي الوجه الامثل ........
اروي : انا حاسه اني كده اخدت بتاري انا متشكره اوي يا ادهم انت وآسر ساعدتوني
ادهم : ده انتي اللي ساعدتينا يا لبني وأاكدلك ان بعد الفيديو ده مفيش حد ف مصر مش هيتمني يقتل طاهر المغربي بأيده
آسر : لا شكر علي واجب يا انسه اروي و ربنا يصبرك
لبني : يااارب
ادهم \ آسر : بعد اذنك
اروي : اتفضلو
قام كلا من ادهم وآسر بالنزول من منزل اروي ثم توجهو نحو عملهم ............
...........................................................................................................
                                            ..... في قصر المغربي ......
      دلف بعض الاشخاص الي القصر ثم توقفو في منتصف القصر حيث كان طاهر جالسا علي مقعده الجلد يدخن البايب الخاص به ثم شارو بيديه ليتقدم شخص ما وهو حامل مايا بين يديه ثم وضعها امام طاهر وقام بأزاله الغطاء الاسود الذي كان فوق رأسها فبدأت مايا تفتح عيناها ببطء لتجد نفسها في قصر كبيير ويوجد به الكثير من الاشخاص الاقوياء البنيه ويحملون انواعا مختلفه من الاسلحه مما تسبب لمايا بذعر اخذت تلتفت حولها في قلق واضح ثم نظرت الي الشخص الجالس امامها فقد كان يظهر علي ملامحه القسوة الشديده ونظراته التي كانت تحمل معاني بها الحقد الشديد لم ترتح مايا اطلاقا الي هيئه ذلك الرجل ولكنها استجمعت قواها لتقول ....
مايا وهي تحاول ان تخفي قلقها الشديد وخوفها : انا فين
طاهر بنبره عاليا : اهلا ببنت الغالي منورة ف عالم المغربي
مايا : انت مين وعاوز مني ايه وليه خطفتني انا اعرفك اصلا
طاهر وقد توجه نحو مايا وقام بشد خصلات شعرها حتي كادت ان تنتزع بين يديه : انا محدش يسئلني يا بنت عادل انا اعمل اللي انا عاوزة اما تبقي تشوفي اخوكي وابوكي ابقي اسئليهم انا خطفتك ليه هيكون عندكو وقت طويل ف الجنه تتكلمو سوا
تألمت مايا للغايه بسبب ما فعله بها طاهر ثم قامت بالبصق علي وجهه في وسط دهشه جميع من بالقصر
مايا بغل :  انت فاكرني هخاف منك ده بعدك يا زباله انت فاكر نفسك يعني كده لا تقهر عشان شويه الحراس اللي حواليك دول لا فوق انت ولا حاجه من غيرهم نت كده يعني راجل انت بتتحامي ف الكام شحط بتوعك دول وخايف تواجه بنت زيي عشان عارف انك من غير حرسك وسلاحك ده ولا حاجه اتفووو عليك يا حقير يا كلب
    اجحظت عينا طاهر وتطايرت منها نظرات الشر و الغل ثم قام بتوجيه صفعه قويه لمايا مما تسبب لها في اغماء ولم يكتفي طاهر بذلك بل امر حراسه بأن يحضروها الي مسبح  القصر جرا من شعرها  استغرب الجميع من ذلك الطلب ولكن نفذوه علي اي حال فلا يمكنهم ان يتفوهو بكلمه امام اوامر طاهر وعندما وصلو امام المسبح
طاهر بصوت جهوري : بنت ال ********* دي تنزلوها الميا لحد ما تفوق تطلع تضربوها تاني لحد ما يغمي عليها وبعدها ترموها تاني وتطلعوها لما تصحي انا مش عاوز اسمع صوتها كمان شويه انا مش هموتك يا بنت عادل انا هخليكي تتعذبي بالبطئ وتتمني انك تموتي هخليكي تبوسي جذمتي عشان اقتلك نففففذ الاوامر
احد الحراس : اوامرك يا طاهر بيه
كانت تلك اللحظات تمر علي مايا وهي غير مدركه لما يصير حولها فقط كانت تتلقي صفعات وركلات اولئك الاشخاص التي لم تعرف لماذا يقومو بمعاقبتها بهذا الشكل  فقط ظلت تقاومهم الي ان خارت قواها تماما وذرفت بضع الدموع وقالت بصوت مبحوح : نااادر
........................................................................................................
                                           ..... في فيلا الدمنهوري ....
استيقظ نادر مفزوعا وهو يشعر بأن هناك شئ ما ليس علي ما يرام ......
نادر بفزع وهو يتصبب عرقا : هو ... هو انا سمعت صوتها صح هي كانت بتنده عليا يااارب طلعها من دماغي بقا انا تعبت مش قادر انساها ليه بس كده يا مايا ليه تعملي فيا كده ....
قطع حديث نادر مع نفسه طرقات والده علي باب الغرفه وقوله : نادر يا ابني
نادر بعصبيه : انا قلت مش عاوز اشوف حد انتو ايه مبتفهموووش سيبوني ف حالي بقا ابوس ايدكو انا خلاص معدتش قادر
فوزي : يا ابني يا حبيبي اسمعني بس متحكمش علي مايا ظلم ومتتسرعش عشان متندمش
نادر بصوت جهوري : خلااااص مش عاوز اسمع اسمها تاني علي لسان اي حد
فوزي بعصبيه : اسمهع يا نادر اذا مكنتش هتتتكلم عنها كويس ف انا هتبري منك البنت دي مخططتش لحاجه دي كانت فكرتي انا وطلبت ده منها انا وامك وبعد محاولات مستميته معاها قدرنا اننا نقنعها وهي حاولت ترجعت تاني عشاننا ف الاول بس بعدها حبتك بجد
اتجه نادر نحو باب غرفته ثم قام بفتحه وقال بنبره حزينه : طب هي ليه عملت كده بس
فوزي وقد احتضن ولده : يا ابني يا حبيبي مايا معملتش فيك حاجه وحشه انا متأكد محدش هيحبك ويخاف علي اسمك غير مايا البنت دي بتحبك
نادر وقد اعتدل مره اخري : ودي بقا انشاء الله باقي الخطه انت فاكرني اهبل بقا وهصدق
فوزي : يا ابني حرام عليك تظلمها كده
نادر بعصبيه : وانا لما اتظلمت كانواي ذنبي انا مش عاوز اشوف وشها تاني خااااالص
قطع حديثهما صوت رنين هاتف فوزي برقم عادل و
قام فوزي بالرد علي مكالمه عادل وعندها تبدلت ملامحه الي الغضب الشديد والحنق وقال بصوت مرتفع : الكللللللللب
نادر : امممممم ايه بقا الخطه البديله
فوزي بغضب وهو يتجه سريعا نحو باب الفيلا  :  خليك انت هنا بقا ادي دعوتك اتحققت ومش هتشوفها تاني مايا اتخطفت
نادر بقلق : انت بتتكلم بجد
فوزي بعصبيه : اماااال بلعب معاك مايا اتخطفت
نادر بصدمه : بتقوووووول اييييييه
وحصصصصصصل ......