ساغيرك رغما عنك لكاتبة مى محمد

الفصل الرابع عشر

الفصل الرابع عشر
فزعت مايا من نومها بسبب ما رأته في منامها واشتد خوفها عندما سمعت اذان الفجر لم تكن تعلم اذا كانت هذه رؤيه ام مجرد حلم ام هو كابوس ثم قامت لاداء صلاه الفجر وعادت اللي نومها وهي مطمئنه القلب حتي الصباح
في الصباح ( عند مايا )
استيقذت مايا وهي لا ترغب بالتحدث مع اي شخص وظلت بغرفتها ولم تخرج منها حتي الظهيره  ولكن ..
سميره : بقولك ايه يا ادهم ما تدخل تشوف اختك مالها
ادهم : سيبيها يا ماما هي تعبانه شويه
سميره : لا يا ادهم انا قلب مش مطمني وحاسه ان في حاجه غلط انتو مخبينها عليا وكمان ايه اللي مخلهاش تروح الشغل النهارده  اسمع يا ادهم ان مكنتش هقوم تشوف اختك مالها هدخلها انا وهرف مالها ولو طلعت حاجه كبيرة صدقني مش هيحصلكو مني طيب
ادهم : لا وعلي ايه انا قايم اشوف مالها
اتجه نادر نحو غرفه مايا ثم اخذ يطرق علي باب الغرفه اللي ان اذنت له مايا بالدخول
ادهم وقد دلف اللي الداخل ثم اغلق الباب خلفه : ايه يا مايا هتفضلي كده كتير
مايا : اعمل ايه يا ادهم مطروده من شغلي وكل اللي خطتله اتهد فوق دماغي
ادهم : ايوا يا مايا بس انتي لازم تقوليلهم علي الحقيقه مهم كده كده هيعرفو وامك حاسه ان في حاجه غلط وعملتلي تحقيق برا وعماله تقولي مراحتش الشغل النهارده ليه
مايا  وقد بدأت في البكاء : مهو ده اللي خانقني اكتر انا مش متعوده اخبي عليهم حاجه هو ليه حصل كده يا ادهم والله انا مكانش ف نيتي غير خير
ادهم وقد احتضن شقيقته : شششش بس يا مايا بطلي عياط انتي طول عمرك يا مايا مش بتشتكي من اللي ربنا اختارهولك صح يا مايا
مايا بدموع : الحمد لله يا ادهم انا مش معترضه بس زعلانه
ادهم : لا خلاص مش تزعلي ويلا عاوزك تضحكي كده وضحكتك تاني تنور وشك وسيبي موضوع انك تقوليلهم ده عليا
مايا : لا لا بلاش تقولهم دلوقتي
ادهم : خلاص زي ما انتي عاوزة بس عاوزك تضحكي دلوقتي يا اوزعه
مايا بأبتسامه : ربنا يخليك ليا يا ادهم
ادهم : ويخليكي ليا يا اوزعه مش هتيجي تقعدي برا بقا شويه
مايا : لا انا تعبانه اوي والله يا ادهم وعاوزة انام
ادهم : ايوا بس انتي مكلتيش حاجه من الصبح
مايا : مليش نفس والله يا ادهم
ادهم : لا يا اوزعه انا مش واخد عليكي كئيبه كده انا هروح اطلبلك بيتزا وهجيبلك شيكولاته عارفك بتيجي بالاكل
مايا : ههههههه ماشي يا سيدي اذا كانت شيكولاته مااشي بس يبني انام بقا شويه
ادهم : طيووب انا خارج دلوقتي وشويه كده وهجيلك تاني معايا البيتزا بتاعتك
مايا : ههههه ماشي
خرج ادهم من غرفه مايا ثم طمئن والدته بأنها بخير ولكنها مجهده من عملها بعض الشئ وتحتاج اللي الراحه ثم ذهب ليحضر لها الطعام الذي وعدها به فهو يحب ان يخفف عن شقيقته دائما رغم النزاعات المستمره بينهما      
عند نادر وامنيه
امنيه : يا صباااح روحي صحي نادر عشان نروح المستشفي ده احنا مستنين اليوم ده بقالنا كتير اوي
صباح : نادر بيه صاحي يا امنيه هانم وجهز من الصبح ومستني حضرتك في الجنينه
امنيه بفرحه : الحمد لله يارب يكون اتعدل بقا انا بقالي كام يوم مش بشوفه بيسهر والا بيرجع متأخر ياارب يكون فهم ان اللي هو فيه ده غلط
ارتدت امنيه ملابسها ثم اتجهت نحو الجنينه حيث كان نادر سابحا في افكاره ..
نادر في نفسه : طيب انا هرجعها ازاي المدير بتاعها ده اصلا شبه قلبظ ومش هيرضي انا اصلا مالي بيها ايه اللي مخليني مهتم بيها وعاوز ارجعها ... طيب ما هي كمان ساعدتنا وساعدت ابويا لما كان محتاجلها ايوا هو عشان كده انا عاوز اساعدها
ثم قطع تفكيره المشتت هذا صوت امنيه وهي تنادي عليه و ...
امنيه : صباح الخير يا نادر
نادر بأبتسامه : صبااحو يا نونني
امنيه : ههههه ماشي يا بكاش يلا بينا نروح المستشفي قبل ما معاد الزياره يخلص
نادر : لا لا يخلص ايه يعني انا منمتش من امبارح و كان هاين عليا اجر الشمس لحد هنا عشان تطلع واروح اشوف بابا وف الاخر تقوليلي معاد الزياره يتقفل
امنيه : ههههههه طب يلا يلا
اتجه كلا من نادر وامنيه اللي المشفي وفي قلب كلا منهما املا بأن يصفح عنهما فوزي وعندما وصلا اللي المشفي
نادر : هو فين  اللي اسمه علاء ده
امنيه : معرفش ده شكله اتبخر
نادر : لا لا هناك اهو واقف مع دكتور تاني
امنيه : طب تعالي نروح نسأله ايه اللي حصل مع ابوك
نادر وقد اتجه نحو علاء : يا دكتور
علاء وقد التفت له : ايوا  ... هو انت اؤمر
نادر : يا دكتور انت قلت امبارح انكو هتنقلوه علي اوضه عاديه وانو هيخرج من العنايه
علاء : ايوا وده حصل فعلا هم جهزوه واتنقل من شويه هو دلوقتي في الاوضه ....
نادر : انا متشكر اوي يا دكتور
علاء : المفروض تشكر حد تاني يا استاذ نادر عن اذنك
نادر في نفسه : هو يقصد مين بكلامه .. اكيد يقصد مايا
امنيه وقد توجهت نحو نادر : يا ناادر اييه سرحان ف ايه كل ده
نادر : ها .. لا ابدا يا امي بابا خرج من العنايه
امنيه بفرحه : بجد طيب يلا بينا يا ابني نروحله انا حاسه اني عاوزة اشوفه اووي واقعد جمبه اتأسفله علي كل اللي انا عملته فيه كل يوم قضيته وانا مش مهتميه غير بنفسي
نادر : يلا يا امي
اتجه كلا من نادر وامنيه امام الغرفه التي يوجد بها فوزي ثم طلبا من الممرضه ان يدخلا للاطمئنان عليه  ف سمحت لهما بالدخول ولكن طلب نادر من والدته ان تبقي هي وانه سوف يدخل اللي والده ثم تأتي هي ترددت امنيه  في بدايه الامر ولكنها سمحت لنادر بالدخول اولا ثم يمهد لوالده ان امنيه لم تعد مثلما كانت ... ثم دلف نادر اللي الداخل وما ان رأي والده حتي انهمرت دموعه واجه نحوه ثم جلس بجواره و ...
نادر وهو يقبل يد والده : الف سلامه عليك يا ابويا
فوزي علي مضض : هو انا بهمك اصلا عشان تقولي الف سلامه عليك الله يسلمك يا سيدي
نادر : يا بابا انت طول ما كنت هنا والله العظيم ربنا اللي يعلم انا كنت عامل ازاي انا كنت هتجنن ...
فوزي : متشكر اوي
نادر : يا بابا والنبي بلاش تعمل فيا كده انت عارف انك اقرب حد ليا وانا عارف ان اللي انت فيه ده بسببي بس اوعدك اني هتغير والله يا بابا هتغير بس بمساعدتك ليا متسبنيش كده يا ابويا خليك جمبي  انا والله مش هروح عندهم تاني مش هرجع الاماكن دي تاني والا هقابل اللي اسمه شادي ده تاني وهرجع اوعدك اني هرجع بس سنه سنه مش هتقولولي قوم يا نادر يلا هتبقي كويس نادر يتشقلب ويقوم ويبقي تمام وبيضحك انا كنت تعبان اوي يا بابا كل يوم كنت بافتكر اللي حصل معايا وافتكر اني اتكسرت من اقرب واحده ليا انا عارف اني غلطت يا بابا غلط ميتغفرش خالص بس انت اكيد مسامحتك ليا هتكون اكبر من غلطي ده صح
فوزي وقد رق قلبه : يا ابني انا كل اللي كنت عاوزة انك تبعد عن السكه دي كنت خايف عليك وان كنت قسيت عليك ف ده عشان مصلحتك كان نفسي ترجع تاني انسان وراجل محترم ويعتمد عليه بس كنت كل لما اجي انصحك الاقيك مش متقبل حتي النصيحه وكنت بتتهرب مني علي طول ... وعلي فكره انا حسيت بيك بتكلمني وانا يا ابني مش هسيبك وهفضل معاك لحد ما ترجع تاني
نادر بدموع : يعني مسامحني يا حاج
فوزي : هو انا اقدر ازعل من سندي وضهري ف الدنيا
نادر وقد احتضن والده : ربنا يخليك ليا يا بابا انت اللي ضهري واقرب واحد ليا ف الدنيا دي كلها
فوزي مازحا : خلاص بقا اوعي هرجع الغيبوبه تاني يخربيتك هتموتني
نادر : ههههههه لا بعد الشر عليك انا هقوم اهو .. بس في حد تاني عاوزك تسامحه
فوزي  بتعب : وده يطلع مين انشاء الله هو النهارده يوم المصالحه العالمي
نادر : مش هتصدق مين ... ماما
فوزي : عارف لو سمعتك وانت بتقول ماما هتعمل فيك ايه اسمها امنيه هانم
نادر : هههههه لا ما انت متعرفش بقا دي بقت انسان تاني .. اتغيرت اوي يا بابا من ساعت ما انت تعبت وقالتلي انها حست انها كانت مقصره ف حقنا وسابت الجمعيه اللي كانت فيها وكانت مش بتنام طول الليل كانت بتصلي وتقرالك قرأن وتدعيلك وكل اللي نفسها فيه دلوقتي انك تسامحها ..
فوزي بأستغراب : اللي انت بتتكلم عليها دي امك
نادر : ايوا يا بابا هي
فوزي : طب وهي كويسه دلوقتي يعني مش تعبانه والا بتخرف
نادر : ههههههه والله يا بابا اتغيرت اوي وهي كانت نفسها تقابلك وتسامحها عن كل اللي هي عملته .. استني انا هدخلهالك واتكل انا 
فوزي : لو بقت زي ما انت بتقول ماشي لو لسه زي الاول متسبنيش معاها بدل ما تزهقني ارجع اروح فيها زي فيلم الناظر كده
نادر : ههههههههههه لا والله بقت كيوت
فوزي : استرها يارب
خرج نادر من الغرفه التي يوجد بها فوزي  واخبر امنيه بأنه ينتظرها في الداخل ثم دلفت امنيه للداخل و ...
امنيه بدموع : الف سلامه عليك يا حبيبي
فوزي بأستغراب : الله يسلمك يا امنيه
امنيه وقد بدأت في البكاء : انا مكنتش مصدقه لما نادر قالي انك فوقت انت كنت واحشني اوي
فوزي : الله يكرمك
امنيه وقد اتجهت نحوه وجلست بجواره : انا عارفه انك مش طايقني وعارفه اني مكنتش الزوجه المثاليه وعارفه ان غروري كان عاميني كمان عارفه اني كنت اصلا انسانه محدش يستحملها بس والله العظيم يا فوزي من ساعت ما انت تعبت وانا عرفت قد ايه انا كنت انسانه انايه ومقصره ف حقك انت ونادر انا اسفه اووي يا فوزي ارجوك سامحني علي اللي انا عملته قبل كده واوعي تتعب كده تاني وتسبني لوحدي
فوزي : يااااه يا امنيه اخيرا عرفتي
امنيه بصوت متقطع بسبب البكاء : ايوا عرفت بس عرفت اني كنت غلطانه متأخر اووي اكتشفت كده متأخر اووي بعد ما انت كرهتني
فوزي : لا يا امنيه لا متقوليش كده انا عمري ما كرهتك انا كان نفسي ترجعي تاني زي ما كنتي زي ما بدأناها سوا من الصفر وكنتي بتفهميني حتي قبل ما اتكلم كنتي بتستحملي كل حاجه بتحصل معانا حتي لما كننا لسه فقراء بدأناها سوي بس اول ما علينا انتي بعدتي عني بقي في بيننا مسافه كبيره اوي ومشاكل اكتر وانا كل اللي كان نفسي فيه انك ترجعي تاني كان نفسي زي ما بدأنا  سوا ننتهي سوا وانا احلي حاجه سمعتها النهارده انك رجعتيلي تاني
امنيه : يعني خلاص مسامحني بجد يا فوزي
فوزي : طبعاا مسامحك ده انا ما صدقت انك رجعتي
up نادر وقد دلف اللي الداخل : جري ايه يا جدعان اي جو فيلم 
ده و بدأنا سوا وننتهي سوا ده انت طلعت مش سهل يا حاج خلاص بقا الدمعه هتفر من عيتي
فوزي : ههههههه اتلم يا ولد والله انا لو اعرف اني لما اتعب هتبقو كده كنت تعبت من زمان
نادر \ امنيه : بعد الشر عليك
نادر وقد تذكر شئ ما : بابا انا عارف ان لا حالتك والا الوقت يسمحو بس في حاجه عاوز اقولك عليها ضروري
فوزي : ايه يا ابني قلقتني
نادر : لا لا مفيش حاجه تقلق ... بابا انت عارف مين الدكتور اللي بيشرف عليك
فوزي : الدكتور ده اللي فوقت لقيته امبارح كان اسمه اييه ياربي .. اه اه  دكتور علاء
نادر : لا يا بابا مش علاء اللي بيشرف عليك
فوزي : امال مين يا ابني
نادر هحكيلك يا بابا بس توعدني الاول انك تساعدني
فوزي : اوعدك يا ابني بس قولي يلا انت كده قلقتني
نادر : بص يا بابا انت اول لما اتنقلت هنا كان دكتور علاء اللي بيشرف عليك وبعدين علاء ده اختفي مش عارف ايه السبب وقالنا ان اللي هتشرف عليك دكتورة اسمها مايا البنت دي كانت مش بتسيبك لحظه واحده وكانت طول اليوم بتتابع حالتك وكانت نفسها ان انت تفوق بس ..
فوزي : بس ايه وفين البنت دي دلوقتي انا لازم اشكرها
نادر وهو يضع يده علي شعره : اتطردت من المستشفي
فوزي : ايييه طيب ليه يا ابني باين عليها بنت كويسه
نادر : اه والله يا بابا كويسه جدا بس اللي حصل انو ....
وقص نادر لوالده عما حدث للممرضه ورغبه مايا بأن تساعدها وفي نفس الوقت رغبتها بأن  لا تترك فوزي وسهرها بجانبه طيله الليل ثم قدوم المدير في الصباح ليطمئن عليه ولكنه عندما دلف اللي الداخل وجد مايا غافله فقام بفصلها من عملها
فوزي : ياااه بقا كل ده يحصل للبنت
نادر : ايوا يا بابا انا وعدتها اني هرجعها شغلهل بس انت عارف صاحبك  ده اللي اسمه شوقي الفرماوي صعب اوي
فوزي : خلاص سيب الموضوع ده عليا يا نادر
نادر : هتعمل ايه يا بابا
فوزي : انا لازم ارجع البنت دي شغلها تاني
نادر : ايوا يا بابا بس ازاي هتوصل للي اسمه شوقي ده
لم يكمل نادر حديثه واذ بشوقي يطرق باب الغرفه ثم يدلف اللي الداخل
شوقي بأبتسامه عريضه : الف سلامه عليك يا فوزي 
فوزي : الله يسلمك يا شوقي
شوقي : انا بس نفسي تكون مبسوط من المستشفي هنا وميكونش في اي حد دايقك
فوزي : امممم هو بصراحه في حد ضايقني هنا
شوقي  : ايه ده قولي مين وانا لا يمكن اخليه يكمل ف المستشفي هنا دقيقه واحده
فوزي : انت يا دكتور شوقي
شوقي بصدمه : اااا .. انا ازاي يا فوزي
فوزي : ايوا في دكتوره كانت بتشرف عليا وانت طردتها من غير سبب
شوقي : يا فوزي بيه انت صاحب اكبر سلسله شركات سياحه ف الشرق الاوسط وفاهم يعني ايه حد من اللي بيشتغلو عندك يعصو اوامرك والدكتورة دي خالفت اوامري
فوزي : لكن البنت كانت عاوزة تريح الممرضه وكمان تاخد بالها مني
شوقي : تاخد بالها منك تقوم تنام ف اوضه العنايه
فوزي : ايوا لكن انت مديتهاش فرصه تدافع عن نفسها ولا تقولك ايه المبرر اللي خلاها تعمل كده والظلم حرام يا شوقي
شوقي بعصبيه : يعني انت تقصد ان انا ظالم وظلمت البنت دي
فوزي : لا مقصدتش كده انا كل اللي اقصده انو كان لازم برضو تسمع مبررها وانا بطلب منك انك ترجعها تاني المستشفي
شوقي بعصبيه : وانا متأسف جدا انا مقدرش ارجعها تاني
فوزي : يكون ف علمك يا شوقي لو البنت دي مرجعتش انا همشي من المستشفي دي وكون متأكد اني لو عاوز اقفل المستشفي دي مش هيكون حاجه صعبه عليا
شوقي بعصبيه : وانا متأسف جدا انا مش بتهدد يا فوزي بيه
فوزي بنرفزة : طيب انا مش هكمل دقيقه كمان في المستشفي دي يلا يا نادر
نادر بصدمه ما حدث : وحد الله بس يا بابا هتقوم تروح فين انت لسه تعبان خليك هنا بس لحد ما حالتك تستقر اكتر
فوزي : والله لا يمكن يحصل كده همشي يعني همشي
نادر : خلاص يا بابا زي ما انت تحب
فوزي : انا هعرفك يا شوقي ازاي الظلم وحش اندهلي يا نادر الممرضه تشيلي الاجهزة دي وهقوم اروح بيتي والدكتورة اللي انت فصلها من شغلها وظلمتها هتكون الدكتورة المشرفه عليا وهتجيلي ف بيتي
شوقي ببرود : زي ما حضرتك تحب
ثم خرج من الغرفه بكل برود وغادر .... طلب نادر من الممرضه ان تأتي لزيل الاجهزة عن فوزي ثم خرج كلا من نادر وفوزي وامنيه من تلك المشفي واتجه به نحو المنزل .. وكان قرار فوزي بأن تشرف عليه تلك الطبيبه الشجاعه التي رفضت ان تذهب اللي منزلها وتترك تلك السيده العجوز وحدها بالمنزل ثم عاد كلا من امنيه ونادر بفوزي اللي المنزل و ...
نادر بعد ان خرج من السياره : يلا يا بابا انزل وهات ايدك اسند عليا
فوزي : يلا يا ابني ... عارف يا نادر متتصورش انا مبسوط اد ايه انك انت سندي
نادر : ربنا يفرحك دايما يا بابا يلا قربنا ندخل اهو
امنيه : نورت بيتك يا فوزي
فوزي وقد نظر للفيلا : ياااااه انا حاسس اني مرتاح هنا اوووي
امنيه : بس انت محتاج رعايه طبيه دلوقتي يا فوزي
فوزي : المستشفي كلها هتيجي هنا وانا بقا مصمم ان الدكتورة والممرضه دول بالذات اللي هيشرفو عليا
امنيه : زي ما تحب ويريحك يا فوزي
صباح : لولولولولولولولولولي الف سلامه عليك يا فوزي بيه نورت بيتك يا فندم
فوزي : هههههه الله يسلمك يا صباح .. يلا يا نادر اسندني لحد اما اطلع فوق وشويه وتعالي يا امنيه انا عاوزك ف حاجه مهمه
امنيه بأستغراب : حاضر
وحصصصصصل ...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يتبع