ساغيرك رغما عنك لكاتبة مى محمد

الفصل الحادى والعشرون

الفصل الحادي والعشرون
ادت مايا صلاه الاستخاره ثم خلدت اللي النوم وبعدها افاقت علي صوت الفجر وهي في حاله صدمه مما رأت في نومها لانها رأت نفس الحلم الذي يراودها اهل يعقل ان تكون هي من ستساعد نادر علي ان يتغير امقدر لها ان تعدل قصته اهي من ستكتب بيدها قصه عودته اللي صوابه لم يكن عقلها يتوقف عن طرح تلك التساؤلات ولكن لم يكن هناك احد ليجيب علي تلك التساؤلات التي تراودها لم يكن هناك سوي الصمت حولها  فقررت ان تنتظر للصباح حتي تخبر والدتها عما رأته في منامها ثم قامت لاداء صلاه الفجر وجلست تقرأبعض ايات القرأن الكريم لكي تطمئن روحها وتهدئ نفسها ولان مايا تتميز بالصوت الناعم الجميل الذي تظهر روعته اثناء قرائتها للقرأن الكريم فكلمات القرأن التي تبث الهدوء والامان في القلوب وتجعل من يستمع له يكون في حاله خشوع تام وايضا صوت مايا الرقيق   يجعل من يستمع اليها يبكي ...
اخذت مايا تقرأ ايات القرأن الكريم التي تجعلها تشعر بالطمئنينه حتي الصباح عندا شعرت مايا بأستيقاظ والدتها قررت ان تخرج من غرفتها لتخبرها عما حدث معها و ...
مايا : صباح الخير يا ماما
سميرة : صباح الخير يا ميمو ايه اللي مصحيكي بدري كده 
مايا : ماما انا صليت الاستخاره وحلمت نفس الحلم اللي كنت بحلمه
سميره : بتقولي اييييه يعني كده معناها ان انتيي
مايا : ايوا يا ماما انا اللي هساعده بس اساعده ف ايه اصلا وازاي
سميره : بصي يا بنتي انا امك وخايفه عليكي بس ف نفس الوقت انتي دلوقتي محطوطه قدام الامر الواقع و هتساعديه في ايه  بيتهيقلي يعني انك ترجعيه تاني كويس زي ما كان علي حسب كلامك اللي انتي قولتيلي سمعتيه بيقول لابوه انو نفسو يرجع وعاوز حد يدلو علي الطريق الصحيح وعدلو  و ازاي بقا ف دي بتاعت ربنا هو اللي عرفك عليه وهو اللي هيعرفك ازاي تعدلي من حاله اتكلي علي ربنا يا مايا وهو هيساعدك ف مهمتك بس برضو التحذير يلزم انتي لازم تاخدي بالك من نفسك يا بنتي اوعي تخلي حاجه تئذيكي
مايا : متخافيش يا امي انا كده متطمنه ان ده اللي ربنا عاوزني اعمله بس هرجعه ازاي هو انا بتعامل معاه اصلا انا مالي بيه انا علي رأيك يا امي هسيبها علي ربنا واكيد هتتحل عن اذنك يا امي انا هدخل اللبس عشان نازله كمان نص ساعه
سميره بأستغراب : نص سااعه ايه يا بنتي انتي مش معاد شغلك الساعه 11 الساعه دلوقتي لسه 7
مايا بأبتسامه : هشتري حاجه من تحت يا امي
سميره : حاجه ايه دي يا بنتي اللي هتجبيها بدري كده علي كل حال براحتك يا بنتي يمكن حاجه انتي محتجاها
مايا بنظره توعد : وحيااتك عندي محتجاها من اول يوم شفتو فيها
سميره بعدم فهم : تقصدي مين يا بنتي
مايا : ها .. لا لا والا حد يا امي
سميره : طيب يا مايا براحتك يا بنتي
دلفت مايا اللي غرفتها ثم اتجهت نحو قفص (زعتر ) و ...
مايا وقد اخرجت زعتر : مستعد بقا يا سي زعتر احنا لازم نربي الطاووس المغرور اللي هناك ده ومتخافش يا سيدي هخلي يبقي فيه حتت مفتوحه تتنفس منها بس نربي الواد ده اتفقنا يا زعتورتي
بدلت مايا ملابسها ثم خرجت من المنزل بعد اخبار والدتها واتجهت نحو محل كبير يقوم بلف الهدايه و ...
box مايا : لو سمحتي انا كنت عاوزة 
هدايا صغير
الموظفه : تمام يا فندم حضرتك عاوزاه قد ايه مثلا
مايا : بصي قد العلبه اللي هناك دي
الموظفه : اه يا فندم متوسط
مايا : بالظبط كده
الموظفه : طيب حضرتك استقريتي علي هديه معينه
مايا : عاوزة احط فيها الهامستر ده
الموظفه بأستغراب : ايوا يا فندم بس كده ممكن يتخنق
مايا : ما احنا هنعمل فتحات عشان يقدر يتنفس منها
الموظفه : زي ما تحبي يا فندم
قامت الموظفه بأحضار العلبه لمايا ثم وضعت فيها الهامستر الخاص بمايا ثم قامت باغلاقها بشريط احمر ستان وقدمتها لمايا
الموظفه : اتفضلي يا فندم بس حاسبي عليه بقا
مايا بأبسامه : ميرسي اوي
قامت مايا بأخذ العلبه ثم توجهت نحو المنزل حيث كان ادهم في انتظارها ثم توجهو سويا نحو فيلا الدمنهوري و ...
في سياره ادهم
ادهم : قربنا نوصل اهو يا اوزعه
مايا : اخيراا بقا هقدر احقق انتقامي
ادهم : انتقام ايه يا اوزعه انتي قررتي تموتي مين وبعدين ايه العلبه اللي ف ايدك دي
مايا : ها لا والا حاجه
ادهم : عليا انا برضوو ايه العلبه اللي ف ايدك دي يا مااايا كلمه واحده مش هعيدها تاني
مايا : احم بص يا سيدي ده كنت بفكر يعني اديها لامنيه هانم
ادهم : امنيه هانم برضو
مايا : اهااا امال انت مفكر ايه
ادهم : مش مستريحلك يا مايا بقالي كام يوم بس مسيري هعرف
مايا وقد اخرجت له لسانها : مسيرك بقاااا يلا نزلني هناك اهو وصلنا
ادهم : اوك يا اوزعه بس والله لاعرف يعني هعرف وانا عارف حبيبتك وهخليها تقولي
مايا :  احم لما تعرف ابقي تعالي قولي بقا
ادهم : ماشي ماااشي يا اوزعه
دلفت مايا داخل الفيلا وما ان رأها نادر حتي اتجه نحوها مسرعا و ...
نادر : اهي جت اهي اما اشوف بقا الهديه اللي هي جيبهالي ياارب انا مكنتش عاوزها تبقي زيهم اووف بقا
مايا : احم استاذ نادر
نادر وقد التفت لها : يا احلي استاذ نادر ايه الاصطباحه اللي زي العسل دي
مايا : نعمم لو سمحت تلزم حدودك وانت بتتكلم معايا
نادر : حدود ايه بقا بعد الهديه اللي انتي جيبهالي دي
مايا : اممممم طيب علي العموم اتفضل دي الهديه بس بليز خلي بالك ومترجهاش كتير احسن اللي جواها ممكن يتكسر وافتحها اول لما انا امشي اوك
نادر : انتي جيبالي طقم كوبيات م الشركه السعوديه والا ايه
مايا وهي تحاول ان تخفي ضحكها : لا لا بس مترجهاش كتير وخلاص  عن اذنك
نادر : اتفضلي يا دكتوور
اتجهت مايا نحو غرفه فوزي الدمنهوري وابتسامه النصر تعلو وجهها ثم طرقت بضع طرقات علي الغرفه حتي  اذن لها بالدخول ثم دلفت اللي الداخل
مايا : صباح الخير يا فندم
فوزي : صباح الخير يا دكتوره
مايا : حضرتك احسن النهارده !
فوزي : الحمد لله يا بنتي انا بس كنت عاوزك ف موضوع كده
مايا : خير يا فندم
فوزي : بصي يا بنتي انا عاوز اقولك ان ...
لم يكمل فوزي حديثه واذ بهم يسمعون صرخات عاليه من الخارج و ...
فوزي : ايه الصوت العالي اللي برا ده
مايا بأبتسامه : معرفش يا فندم
فوزي : لو سمحتي يا دكتور ممكن تشوفي ايه الحكايه وتقوليلي
مايا : حاضر يا فندم
خرجت مايا من الغرفه والابتسامه تعلو وجهها لانها تعلم مصدر الصوت وسببه ولكنها كانت تتظاهر بجهلها للموضوع
وجدت مايا كلا من امنيه وصباح يجرو نحو الجنينه فذهبت معهم وعندما وصلو اللي هناك ...
امنيه بفزع : ايييه يا ابني اللي مطلعت فوق المرجيحه كده وعمال تزعق تقول اقتلوه اقتلوه انت اتهبلت يا نادر
نادر : في فاااااار ف الفيلا اقتلوووه اهو هناك ابن الكلب ديلو قد كده يا جدعااان حد يموتووو
لم تتمالك مايا نفسها اخذت تضحك بهيستيريا لفتره طويله ثم قطع ضحكاتها صوت نادر
نادر بصوت جهوري  وهو ينظر لمايا : مهو كلو من نااس كده منهم لله
مايا مظهره عدم الفهم : احم انا اسفه اني ضحكت قولتلي في فار امممم طيب استني اما اجيبه هو فين
نادر : هنااك يا ستي ورا الشجره دي جري وراها
اتجهت مايا نحو الشجره ثم امسكت بالهامستر الخاص بها و ...
مايا : بقا هو ده اللي مخوفك يا نادر ده حتي عسول والله
امنيه : وربنا انا ما عارفه اقولك ايه وقعت قلبي وبعدين ايه اللي دخل الفار ده هنا انا مش قلت مفيش زفت حشرات تدخل الفيلا امال البقر اللي برا دول بيعملو ايه والجنايني مش ياخد باله احنا بندفع ليهم فلوس عشان خاطر ميشوفوش شغلهم
صباح : حاضر يا هانم انا هنبه عليهم ياخدو بالهم تعالي يا فندم جوه دلوقتي وانا هقولهم
ثم اتجه كلا من امنيه وصباح اللي داخل الفيلا وبقي نادر ومايا بالخارج و ...
مايا : ههههههههههههههه انت هتقضيها فوق المرجيحه كده خلاص خلاص انزل
نادر بعد ان نزل من فوق الارجوحه : اوعي تسبيه يا مايا يخربييتك يا شيخه بقا هي دي هديتك
مايا : احم حلوه صح
نادر : طيب ممكن اسئلك سؤال
مايا : اتفضل
نادر : هو انتي كنتي عارفه اني بخاف من الفران
مايا : بصرااحه اه بس انا كنت عاوزة احم يعني اعمل فيك مقلب
نادر : منك لله يا شيخه وقفتي قلب كان عاجبك منظري وانا متشعلق زي الاهبل فوق المرجيحه كده 
مايا :هههههههههه بصراحه كنت مسخره بس انت هتستهبل تااااااااني اسيبه عليك
نادر بأبتسامه : لا لا والله المرة دي انط ف البسين
مايا : طيب لما انت خايف كده  بتضحك ليه انت فرحان بسنانك 
نادر وماذالت الابتسامه علي وجهه : عشان مبسوط اوووي
مايا :  سبحان الله نادر الدمنهوري مبسوط احم طيب وايه اللي باسطك اوي كده
نادر : عشان النهارده  اكتشفت ان مش كل البنات زي بعض
مايا : هاا
قاطع حديث كلا من نادر ومايا صوت صباح وهي تنادي علي مايا و ...
صباح : يا دكتوور فوزي بيه عاوز حضرتك
مايا : حاضر يا صباح انا جايه
اتجهت مايا اللي غرفه فوزي و
حصصصصصصصل ...

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يتبع