ساغيرك رغما عنك لكاتبة مى محمد

الفصل السادس عشر

الفصل السادس عشر
افاقت مايا من نومها علي صوت رنين هاتفها حيث تلقت مكالمه من شخص غريب و ...
مايا بنعاس : الو
المتصل : الو دكتوره مايا
مايا وقد انتبهت : ايوا انا مين حضرتك
المتصل : انا نادر الدمنهوري
مايا وقت افاقت من نعاسها : اييه هو انت و جبت رقمي منين
نادر : اصبري بس يا دكتورة انا عاوز اقولك اني وفيت بوعدي ليكي
مايا بفرحه : اييه يعني رجعت شغلي
نادر : هو مش بالظبط بس والدي فاق من العنايه واول لما فاق عرف اللي انتي عملتيه ولما جه مدير المستشفي بابا طلب منو انه يرجعك تاني الشغل بس هو مرضيش ولما مرضيش بابا قرر انه لازم يرجعك واصر انو يمشي من المستشفي وعاوزك تشرفي عليه ف الفيلا انتي والممرضه اللي كانت معاكي
مايا : ايوا بس انا مقدرش اجي اشرف عليه ف الفيلا
نادر : لا لا هتقدري يا دكتور  بكرا انشاء الله الساعه 11 الصبح هنكون ف انتظارك والعنوان هبتعهولك ف مسج
مايا : ايوا بس
لم تكمل مايا حديثها واذ بنادر يغلق الخط
مايا بنرفزة : وبعديين بقا ازاي يقفل السكه كده هو فاكر نفسه مين وبعدين انا ازاي اصلا هشرف عليه ف الفيلا مش هينفع طبعا اووف انا كان لازم اعرف من الاول انه هيكون بوء
ثم ذهبت لتوقظ ادهم وتخبره بما حدث
مايا وقد اتجهت نحو غرفه ادهم ثم دلفت اللي الداخل
مايا : ادهم يا ادهم
ادهم  : اااا
مايا : ياااض قووم بقا كفاايا نووم يا ادهمممممم
ادهم وقد نهض من نومه : ايه ايييه يا اوزعه عاوزة مني اييه
مايا : في حاجه مهمه حصلت
ادهم : حصل ايه يا زفته بقا مهم يخليكي تصحيني من النوم كده
مايا : بص اللي اسمه نادر ده اتصل بيا و ....
وحكت مايا لشقيقها عن مكالمه نادر وما قاله لها
ادهم : طب وانتي ايه اللي مدايقك
مايا : يا ادهم ازاي هروح اشرف عليه ف الفيلا
ادهم : بصي يا مايا انتي دكتورة وهيحصل كده كتير معاكي تمام ودي فرصه كويسه ليكي بعد اللي حصل معاكي ومتخافيش يا مايا محدش يقدر يعملك حاجه وانا موجود
مايا : يعني انت رأيك اروح عادي
ادهم : ايوا يا مايا عادي بس برضو لازم ناخد رأي ماما وبابا
مايا : اكيد يا ادهم الصبح هقولهم بس عاوزاك تساعدني
ادهم : حاضر يا قلبي يلا اتكلي بقا عشان عاوز انام الصراحه
مايا بأبتسامه : ماشي تصبح علي خير
ادهم : وانتي من اهلو وخدي الباب ف ايدك وانتي خارجه الله يباركلك
مايا : هههه ماشي ماااشي
توجهت مايا نحو غرفتها والقت بنفسها علي فراشها ثم وضعت يدها علي وجهها واخذت تحدث نفسها و ...
مايا : اوووف بقا ياارب انا هفضل كده كل ييوم بقا انا تعتب ايه الحلم ده يعني انا مش فهماه ... بببس انا بكرا هقول لماما هي اكيد هتساعدني
ثم سمعت صوت هاتفها يرن بأستلامها رساله فقامت بفتحا وكان نص الرساله ( العنوان اهو يا دكتور انشاء الله  بكرا  الساعه 11 متتأخريش ومبروك علي شغلك الجديد ويارب اكون عرفت اوفي بوعدي ليكي )
ما ان رأت مايا نص الرساله حتي ابتسمت ثم خلدت الي النوم
في الصباح
استيقظت مايا من نومها وهي تفكر كيف سوف تواجه  والديها بما حدث معها كانت في حيره من امرها ولكنها خرجت من غرفتها وقامت بغسل وجهها وتوجهت نحو الرسبشن حيث يجلس الجميع و ..
مايا : صباح الخير
الكل : صباح النور
مايا : احم في موضوع كده كنت عاوزاكو فيه بخصوص شغلي يعني 
عادل : خلاص يا بنتي انتي مش محتاجه تقولي حاجه ادهم فهمنا كل حاجه
مايا وقد نظرت اللي ادهم في اندهاش : بقاا كددده
ادهم وهو ينظر اللي السقف ويصفر : فو فووو انتي بتكلميني انا
سميره بعتاب : كده برضو يا بنتي متقوليش علي حاجه زي دي وحابسه نفسك ف اوضتك انتي يا مايا تخبي علينا حاجه زي كده
مايا بحزن : والله يا ماما مكنتش اقصد انا بس مكنتش عارفه ازاي اقولكم بس ادهم قام بالواجب 
ثم التفتت الي والدها وقالت ....
مايا : ايه رأي حضرتك يا بابا في اللي حصل ده يعني اروح والا لا
عادل : والله يا بنتي انتي دكتورة يعني وهتقابلي حالات كده كتير وبعدين انتي مالك بيهم انتي يادوب هتروحي تشوفي شغلك وهترجعي وخلاص
مايا : يعني ده رأي حضرتك يا بابا
عادل : ايوا يا بنتي انا شايف ان ده الصح
مايا : خلاص يا بابا انشاء الله كمان شويه هقوم اتكل علي الله و هروح الفيلا واشرف عليه
عادل : اسمعي يا مايا لو حصلك اي حااجه تكلميني علي طول واي حاجه تحصلك بعد كده اول حد تفكري تقوليلو يكون انا يا بنتي احنا مفيش بيننا حواجز مش عاوز اسمع ان في مشكله انتي فيها وانا معرفهاش يا مايا انا اول واحد هكون جنبك وعمري ما هلومك علي حاجه او اجبرك عليها انتي فاهمه يا مايا 
مايا : حاضر يا بابا وانا متأسفه جدا عن اللي حصل مني واني مقلتلكوش علي طول
عادل : ولا يهمك يا بنتي
مايا : ماما هو انا ممكن اكلمك دقيقه جوا
سميره :ماشي يا بنتي تعالي
عند نادر
عاد نادر اللي الفيلا وهو يشعر بالسعاده وبأنه خالي البال فهو يشعر بأنه قد قام بما يجب عليه فعله ثم ذهب للاطمئنان علي والده ودلف اللي داخل غرفه والده وجده نائم  كان علي وشك الخروج ولكن اوقفه صوت والده وهو يناديه
فوزي : ناادر انت لسه صاحي
نادر : انت يا بابا اللي لسه صاحي
فوزي وقد قام بأشعال نور الابجوره : تعالي يا نادر
نادر : حاضر يا بابا
فوزي :  قولي بقا كنت فين 
نادر : كنت بجيب رقم مايا من المستشفي من شئون العاملين
فوزي : طيب وكلمتها
نادر : اه يا بابا تمام اتصلت بيها وبلغتها بقرارك انها تكون المشرفه عليك
فوزي : طيب وقالتلك ايه
نادر : ها .. لا مقالتش انا قفلت قبل ما هي ترد
فوزي : وانت ازاي تعمل حاجه زي كده يا نادر ده احنا عاوزينها تساعدنا
نادر : متخافش يا بابا هتيجي انا متأكد
فوزي بأبتسامه : لحقت تعرفها وتتأكد انها هتوافق بالسرعه دي
نادر بأرتباك : ها .. لا يا بابا مش كده كل الحكايه ان
فوزي : خلاص خلاص يا ناادر متبررش يلا تصبح علي خير وقوم نام
نادر بأبتسامه : حاضر يا بابا تصبح علي خير
فوزي : وانت من اهلو
خرج نادر من غرفه والده ثم اتجه نحو غرفته وقام بتبديل ملابسه وكان علي وشك النوم ولكنه تلقي اتصالا والمفاجأه انه كان من
نادر علي مضض : الو
شادي : كننج اخبارك يا حبيب قلبي
نادر : كويس
شادي : ايه ياعم مبقتش تسأل والا حاجه نسيتنا والا ايه
نادر : لا مش فاضي
شادي : مش فاااضي قولتلي لا يا كنج انت كده هتتكبر علينا والا ايه
نادر : والا هتكبر والا حاجه ياعم شادي انا تعبان وعاوز انام تصبح علي خير يا نجم
شادي : اممم نام ياسطا بس يكون ف علمك انت لازم تيجي تقعد معانا سهره من بتوع زمان كده
نادر : ربنا يسهل يلا سلام
بعد ان اغلق الخط
نادر في نفسه : انا ازاي كنت عارف الناس دي الحمد لله اني بعدت عنهم بس ياتري ايه السبب المفاجئ اللي خلاني اخد القرار ده .. اكيد عشان بابا لما تعب قررت اصلح من نفسي وكمان كلام مايا ده بصراحه كان عندها حق اني بقيت انسان فاشل ... لا لا يا نادر متفكرش ف البت دي تاني كفايا اوي اللي حصلك بسبب طيبه قلبك وتسرعك
ثم خلد اللي النوم
عند مايا
ذهب كلا من مايا وسميره اللي غرفه مايا و...
سميره : في ايه يا مايا انا حاسه انك متغيره بقالك كام يوم غير موضوع  المجهود والشغل في ايه يا مايا
مايا : بصراحه يا ماما كان موضوع اني اتفصلت ده وكمان ..
سميره : كمان ايه يا مايا
مايا : في حلم كده عماله احلمه غريب اوي يا ماما
سميره : حلم .. حلم ايه ده يا مايا
مايا : هقولك يا ماما بصي انا كل يوم بصحي علي الفجر وبيكون الحلم اللي انا بحلمه فيه اني ...
وحصصصصل
ـــــــــــــــــــــــــــــــــــــــــــــ

يتبع