الفصل السادس والعشرون
بدأ شادي في الاتجاه حيث تقف مايا و ...
شادي : هو القمر واقف لوحده ليه امال النطع اللي كان واقف معاكي راح فين
شعرت مايا بالخوف الشديد ثم قررت ان تبتعد عنه قليلا و ...
شادي وقد اقترب من مايا : انتي خايفه مني والا ايه لا ده انا مش بعض والله
مايا بعصبيه : لو سمحت يا استاذ انت تبعد عني احسنلك
شادي : ههههههه لا ده احنا عندنا ضوافر وبنخربش اهو
مايا بنرفزة : اللهم طولك يا روح لو سمحت يا استاذ انت اللي بتعمله ده ميصحش كده
شادي وق امسك بذراع مايا : لا البت محترمه اوووي امال كنتي واقفه بتعملي ايه مع نادر والا هو ناس وناس
رأي نادر ما حدث لمايا من قبل شادي وما ان رأي هذا المنظر حتي ثاار غضبه وقال بصوت جهوري انتبه له كل المتواجدين
نادر بعصبيه و بصوت جهوري : شااااااااااااااااااااااااااااااادي
شادي بخضه : بسم الله الرحمن الرحيم .... ايه ده الكنج بنفسه هنا لا مش معقول مش كنت تقولنا ياعم ان في ضيوف جايه معاك كننا روقناهم ع الاخر
نادر وقد اقترب منه وبدأ يوجه له بعض اللكمات : اه يا زباله يا *** انا مش هرحمك النهارده انت ازاي تمسك ايدها كده وتتكلم معاها بالطريقه دي طاااخ
شادي : ايه يا عم الحج انت بتضربني عشان دي ما اكيد صيده جديده ولفت عليك ما انت اهبل اي كعب معدي يضحك عليك ويبيعك اللي وراك واللي قدامك
نادر وقد ثار غضبه : لا ده انت محتاج ربايه من اول وجديد وانا اللي هربيك ده انا مش هسيبك النهارده يا ***** بووووم
مايا ببكاء : خلاص يا نادر الله يخليك سيبه بقا هيموت ف ايدك واحد ميستاهلش اصلا انك تمد ايدك عليه خلاص بقا
نادر بصوت جهوري : يعني عاوزاني اشوفه بيمد ايده عليكي ومسك ايدك واقف ساكت ليه شيفاني كوثر
استغل شادي انشغال نادر بالحديث مع مايا ثم قام بالافلات من قبضته وضربه عده لكمات متواصله و ...
شادي بغضب : طب خدي بقا يا كوثر
نادر بغضب : اه يا ابن ال **** انا هعرفك مين كوثر دلوقتي
استمر الشجار بين نادر وشادي وهم يردون اللكمات لبعضهم حتي اتي الامن وفضو ذلك الشجار و ....
حارس الامن : خلاص خلاص يا نادر باشا سيبهولي انا هظبته
نادر بعصبيه : خدو معاكو يا باشا السكري ده مش عاوز اشوف وشه ف النادي ده تاني
شادي بسخريه : اااه مافضلش غيرك انت يا سكران افندي اللي يجي يتكلم معايا انت نسيت نفسك والا ايه مش فاكر والا تحب اجيب هايدي تفكرك
حارس الامن : بس يا **** انت تخرس خاالص وتيجي قدامي ده انت ليله *** سوده معايا تعالي يا ابني انت وهو خدو الواد ده اما نشوف حكايه **** ايه
ثم وجه الحديث اللي نادر و ...
حارس الامن : احنا اسفين يا نادر باشا علي اللي حصل ده واوعدك يا باشا مش هيتكرر تاني وبلغ سلامي لفوزي بيه
نادر : ربنا يكرمك يا رياسه
حارس الامن : تؤمر بحاجه تاني يا باشا
نادر : لا توشكر معاليك
حارس الامن : عن اذنك يا باشا
نادر : اتفضل
ثم التف نادر ليجد مايا غارقه في دموعها مما اثار خوفه في ان يكون قد اصابها مكروه من قبل شادي
نادر بلهفه : في ايه يا مايا اهدي بس الحيوان ده عملك حاجه
مايا : اهئ
نادر بعصبيه : اه يا ابن ال قسما بالله لو كان عملك حاجه تاني انا هروح ادفنه دلوقتي
مايا : اهئ لا كفايه بقا كان هيموت ف ايدك وبعدين انا بعيط عشان انت اتضربت بسببي
نادر : ااااه قولتيلي لا يا فارفوري اتضربت ايه بس مشفتنيش اما عجنته من شويه ده كان حساب قديم وصفيته مع المتخلف اللي مشي من شويه ده يلا بقا بطلي عياط
مايا وهي مستمره في بكائها : اهئ ابطل عياط ازاي بس بعد المشكله دي
نادر محاولا التهوين عليها : لا مهو انا بصراحه عاوزك تضحكي حالا و مشفتكيش بتضحكي الا لما كنت متشعلق فوق المرجيحه وانا بصراحه لو قالولي اتحط تاني ف الموقف ده عشان تضحكي عارفه هعمل ايه
مايا وما ذالت دموعها في عينها : هتعمل ايه
نادر بأبتسامه : مش هتأخر ابدا ف اني اتشعلق تاني فوق المرجيحه مع الفار ابو شنب بتاعك ده وبعدين يا فارفوري انا مش متعود اشوفك بتعيطي انا متعود عليكي مايا القويه العناديه اللي ايدها بتطرقع علي وشي لما بغلط يلا فين الضحكه الحلوة
مايا وقد ابتسمت : عارف يا نادر
نادر غامزا : ايه بقا
مايا بعصبيه : لو قلتلي فارفوري دي تاني هكون فاتحه دماغك
نادر : يعني سايبه كلللل ده ومسكتي ف فارفوري بس مش مشكله ايوا كده ارجعي مايا تاني
مايا بخضه : ايييييه ده الحق يا نادر في دم ف وشك
نادر : مانا مش خارج من سيتي ستارز مش كنت ف خناقه انا
مايا بلهفه : طب استني استني انا معايا بيرفيوم و مناديل خد حطها علي الجرح ده عشان النزيف يوقف
نادر بأبتسامه : يا سلااام يعني خايفه عليا يا فارفوري
مايا : احم لا مش خايفه اقصد خايفه لا يووووه مش انا دكتورة واي حد يعني يكون محتاج مساعده ف لازم اساعده امسك اهو المنديل
نادر : اممممم اقنعتيني
مايا : احم بس انت بصراحه كنت بتضربه جامد اكيد ده من تدريبات الملاكمه صح
نادر : اه الملاكمه انا اخدت فيها بطوله الجمهوريه 3 مرات ورا بعض بس وقفت بقا
مايا : طيب ليه يا نادر مش انت خلاص قررت ترجع شغلك وتمارس حياتك عادي اااه صح الف مبروك علي القرار ده بصراحه انا احييك عليه بجد شابوه
نادر : المفروض يعني التحيه دي تبقي ليكي
مايا بأستغراب : ليا انا طب ليه انا مالي !!!
نادر : بصراحه يا مايا انتي اللي شجعتيني جامد علي موضوع الشغل ده واني ارجع تاني امارس حياتي زي ما كانت بصراحه كده اكتشفت اني كنت باتمادي في الغلط انا مش عارف بجد اشكرك ازاي يا مايا انتي اللي رجعتي النور تاني ف حياتي ومن هنا ورايح انا وانتي هنكون اصحاب يعني اي حاجه عوزاها تطلبيها مني علي طول ومن غير ما تتكسفي انتي بجد انقذتي حياتي من اللي كنت فيه ده وانا هفضل مديونلك طووول عمري ها موافقه
مايا بأبتسامه : موافقه وانا هبقي مبسوطه اكتر عشان بقا ليا اخ تاني
نادر : ايه ده ما كننا كويسين اصحااااب مش اخوات ها يا فارفوري
مايا : تاااااني
نادر بأبتسامه : خلاص خلاص اسفين يا فندم
مايا : طيب مش انت لسه قايل اي طلب اعوزة اطلبه منك
نادر : ايوا طبعا اااي حاجه تخطر علي بالك
مايا : اي طلب اي طلللللب انت اللي قولت
نادر : احم انشاء الله يعني
مايا : اممم طيب انا عاوزاك ترجع تتمرن تاني وتلعب ملاكمه
نادر : ايوا بس ...
مايا : مافيش بس انت مش لما كننا ف المستشفي وانا سمعتك غصب عني يعني قلت انك بس محتاج حد يشجعك اديني اهو بشجعك آآآآ اقصد يعني كلنا بنشجعك انا وعمي فوزي وموني هانم
نادر : اللهم صلي ع النبي انتي وصلتي لموني هانم كمان خلاص يا فارفوري اعمل ايه حكم القوي بقا
مايا : ههههههه اي خدمه انشاء الله من بكرا هتنزل التمرين
نادر بخضه : نعمم بكرا اييييييه ميييين !!! بس انا لسه مش مستعد
مايا : لا مستعد وانشاء الله انا هكلمك بكرا بدري احم يعني عشان اقولك تنزل التمرين
نادر في نفسه : هااااح لو هصحي علي صوتك يا فارفوري يبقي اروح 100 تمرين
مايا : هاا سرحت فييين نااادر
نادر : اه اه انا هنا انشاء الله بكرا هبدأ في التمرين
مايا : اوك وانا آآآآ احنا كلنا هنشجعك انشاء الله وبأذن الله تجيب كمان كام بطوله كده
نادر : يا مسههههل
مايا : احم مش يلا بينا نرجع بقا ليهم اتأخرنا كده
نادر : ما تخلينا هنا شويه هنروح نقعد قعده العواجيز اللي هناك دي
مايا : لا كده كفايه انا عن نفسي هرجع
نادر : طيب استني انا جاي معاكي مش هسيبك تروحي لوحدك
مايا : علي فكره انا مش راحه اليونان ده انا راجه المكان اللي كننا فيه
نادر : الله مش بقينا اصحاب يبقي خلاص نروح سوا يا فارفوري
مايا بأبتسامه : ماشي وربنا شكلنا مش هنخلص من حكايه فارفورك دي
نادر في نفسه : دي اققل حاجه اعملهالك يا مايا انتي لسه شفتي حاجه ده انتي اللي رجعتيني تاني ده انا كنت تايه مش عارف نفسي انا كنت خايف من نفسي بس انتي مسكتي ايدي ورجعتيني تاني وكمان عاوزاني ارجع اللعب ملاكمه انتي اكيد مش انسانه يا بنتي انتي ملاك
عند فوزي و عادل
فوزي : امال الاولاد اتأخرو كده ليه
عادل : والله ما انا عارف دول ماشيين من بدري
سميره : اهم هناك جايين علينا
نادر \ مايا : سلامو عليكم
الكل : وعليكم السلام
امنيه بخضه : اييييه ده يا نادر ايه اللي فتح دماغك بالشكل ده
نادر : لا يا امي ده خربوش صغير بس
امنيه : كل ده خربوش وده من ايه يا نادر
نادر : بعدين يا امي بقا وقت تاني
امنيه : خلاص يا سي نادر براحتك
عادل : طيب احنا كده اتأخرنا يا جدعان ومضطرين نمشي
فوزي : ليه بس كده يا عادل باشا خليكو معانا شويه
عادل : يا باشا كفايه اوي كده بس عشان نلحق نروح لسه قدامنا طريق طويل
فوزي : وهو كذلك والله كانت فرصه سعيده يا باشا وياريت تفكر في اللي انا قلتهولك
عادل بأبتسامه : انشاء الله و انا اسعد والله يا باشا يلا عن اذنكو
فوزي : اتفضلو
امنيه : انشاء الله نبقي نشوفكم هنا علي طول بعد كده
سميره : اكيييد انشاء الله لسه الجايات اكتر
امنيه بأبتسامه : انشاء الله
نادر بصوت منخفض : سلام يا فارفوري
مايا بعصبيه : ياااادي النييله علي فارفورك سلام يا نادر
نادر : هههههههه بكرا بقا متنسيش تصحيني احسن انا ممكن تروح عليا نومه
مايا : اصحييك !!! ليه انشاء الله كنت خطيبتك انا قلت يعني هشجعك
نادر : والله ياريت
مايا : افندم !
نادر : تشجعيني يعني ياريت تشجعيني
مايا : اممممم اوك
عادل : يلا بينا
سميره \ مايا : اوك
الكل : مع السلامه
اتجه كلا من الاسرتين اللي منزليهما و...
عند مايا
مايا : الحمد لله انا النهارده اتطمنت انو اتغير فعلا بس هو ممكن يزعل لما يعرف ان دي كانت خطه بيني وبين والدو ووالدته .... لا لا بس انا فعلا نفسي اساعده مش عارفه ليه انا اول مره اخد علي حد اوي كده ..
وهنا دلفت سميره اللي حجره ابنتها و ...
سميره : ها بتقولي ايه يا مايا اخدتي علي مين يا بنتي
مايا : احم بصي يا ماما انتي عارفه اني مش بخبي عنك اي حاجه صح
سميره : صح يا بنتي ودي احلي حاجه فيكي انك بتحكيلي كل حاجه
مايا : طيب بصي يا ماما انتي طبعا عارفه اللي انا عملته مع نادر عشان يرجع تاني انا اصلا ف الاول مكنتش بطيقه والا بينزلي من زور بس لما عرفت الظروف اللي حصلتله مش عارفه ليه اتاعطفت اووووي معاه بس وقررت اني اساعده بس هو ممكن يزعل لما يعرف ان ده كان اتفاق !!!
سميره : بصي يا بنتي انا عارفه ان انتي قصدك كان خير بس هو لو عرف ان دي كانت اتفاقيه بينك وبين ابوه اكيد هيزعل ويحس انو كان مجرد لعبه انتو بتحركوها و هيتوجع اووي ف بلاش يا بنتي يعرف من اصلو ان دي كانت لعبه تمام
مايا : لا يا امي دي مش لعبه انا بجد حبيت ناد اقصد حبيت اني اساعد نادر يا امي يارب ما يزعل مني
سميره : ياارب يا بنتي يلا انا هسيبك تنامي دلوقت تصبحي علي خير
مايا : وانتي من اهلو يا ماما
خرجت سميره من غرفه مايا ثم توجهت نحو غرفتها و ...
عادل بلهفه : ها يا سميره عملتي ايه
سميره : والله يا عادل جسيت نبضها واللي فهمتو انو ............
و حصصصصصل
ــــــــــــــــــــــــــــــــ
يتبع
تفاعل
أنت تقرأ
ساغيرك رغما عنك لكاتبة مى محمد
Lãng mạnالمقدمه كالسهم انت تطلق وانت تعلم هدفك لا تخطئ في اختيار فريستك كالظلام انت هادئ ومخيف تخيف من حولك ولكن بداخلك خوف كبير من نفسك كالبحر الهادئ انت لا ادري هل اطمئن لك واغطس في امواجك ام احذر منك واراقبك فقط من علي الشاطئ !.. كالملك المغرور...
